منتديات طموح الجيل الحالي
السلام عليكم
يشرفنا تسجيلكم معنا في أسرة منتدى طموح الجيل الحالي
كما نتمنى ان تقضو أوقاتا ممتعة على الانترنت
منتديات طموح الجيل الحالي
السلام عليكم
يشرفنا تسجيلكم معنا في أسرة منتدى طموح الجيل الحالي
كما نتمنى ان تقضو أوقاتا ممتعة على الانترنت
منتديات طموح الجيل الحالي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات طموح الجيل الحالي


 
الرئيسيةأحدث الصورالتسجيلدخول

 

 الحلقة السابعة

اذهب الى الأسفل 
كاتب الموضوعرسالة
ali gabr
نائب المدير
نائب المدير
ali gabr


تاريخ التسجيل : 02/11/2010
البلد : مــــــ أم الدنيا ــــــصر

Egypt
عدد المساهمات : 375
المزاج : الحمد لله

الحلقة السابعة Empty
14112010
مُساهمةالحلقة السابعة

الحلقة السابعة

محمد:وعملت ايه رديت عليها وللا لأ

علي:قلت لاااااااا انا مش هرد عليها بس لقيتها بتتصل
تاني وتالت قلت خلاص اما ارد عليها انا كده كده ضايع

ومش لاقي حد يسمعني مهياش فارقه كتير

سها:ها ياعلي عملتوا ايه

علي:محمود مات ياسها

سها:بلاش هزار.....انت فين دلوقتي

علي:بقولك محمود مات ياسها

سها:مات ازاي

علي:ده السؤال اللي عايز اعرفه

سها:اكيد كان تعبان

علي:لا

سها:هو لازم يعني يقولك انا تعبان مجايز مخبي عليك

علي:بقولك مكانش تعبان دا كان بيقول انه فرط كتير.....فرط اوي .....ياتري فرط في ايه

سها:هههههههه هتلاقيه كان عايز يعزمني علي حاجه في الحفله وفرط في حقنا

علي:انا مبهزرش دلوقتي بجد محمود ماااااااااات

سها:خلاص ياسيدي انا لله وانا اليه راجعون علي العموم ابقى اديني رقم خالتك عشان اعزيها واجب برده وللا انت ايه رايك

علي:انا كنت مصدوم من ردها انا تايه وخايف وعايز اعرف محمود فرط في ايه ولقيتها بتهزر
فقولتلها خلاص ياسها عايزه حاجه تانيه

سها:اه شوفت نسيتني كنت هقولك ايه انت عارف طبعا الاجازه قربت تخلص وندخل الكليه بقى والمذاكره وكده فقولت لبابا اننا نروح مصيف وقلتله ان انت تبقى معانا
فوافق فقلت اتصل بيك
افرحك.......... ها ايه رايك؟!!!


علي:تفرحيني بأيه بقولك محمود مات مات

سها:وانا كنت قلتك يعني انه مامتش ماشي ياسيدي خلاص مكلنا هنموت عايزني اعمل ايه تاني قولي؟!!! انت بقيت غريب اوي علي العموم انا مستنيه ردك بس متتاخرش عليه يلا سلام

علي :انا قفلت معاها وانا مصدوم وزادت حيرتي اكتر............ ممكن محمود فعلا كان تعبان طب فرط في ايه ياتري ايه الصح وايه الغلط ......وايه رد سها دي كمان هو اللي بعمله انا وهي صح ومن حقنا

محمد:سؤال يعني؟ هي البنت دي معندهاش دم

علي:انا وهي معندناش دم بس الفرق انا شوفت محمود وهي ماشفتوش انا حسيت بحرقه كلامه وندمه علي التفريط وهي ماحسيتش بحاجه.... بص انا والله مشفق عليها جدااااا ربنا
يهديها هي عامله زي الي بتدور علي حد يحسسها بوجودها زي بالظبط عايشه في غربه تايهه في دنيا غريبه عايشه في بيتها زيي .......ممكن اهلنا يحسوا ان اثاث البيت اتغير بس
مايحسوش بوجودنا ولا بحالنا ............الحمد لله رب العالمين

محمد:طب وانت ليه ماتحاولش معاها

علي:هقولك بعدين اجابة السؤال ده عشان مانخرجش بره الحكايه وترجع تزعل وتقولي انت كل يوم بتعلقني
بعد مكالمه سها اكتشفت ان الساعه بقت3:30 الصبح اتفزعت جدا وقلت ايه ده انا كل ده بلف في الشارع وقررت اني اروح
ولما وصلت البيت لقيتهم في انتظاري وكأني عملت جريمه

وبابا سألني بصوت شديد وانا اصلا مكنتش مستحمل اي كلام ومكنتش عايز اكلم اي حد

سياده البيه ممكن يقولي كان فين ومحضرش جنازه ابن خالته

اسماء اختي ترد بكل سخريه:اكيد كان مع البت بتاعته مهو معدش في دم اليومين دول

انا ماردتش عليهم يظهر ان حتي دموعي معادتش بتتشاف ودخلت اوضتي وقفلت عليا الباب طبعا بابا قعد يزعق بس انا خلاص معادش يفرق معايا

وانا في اوضتي رجعت تاني للحيره اللي كنت فيها وهمي زاد اكتر من مقابله ابويا واستهزاء اسماء

هما بيعملوا فيه كده ليه حد يجاوبني....وقعدت اعيط كتير....... واقول لنفسي هو انا اللي مكبر الموضوع وللا الموضوع فعلا كبير

محمود مات وفرط كتير .....

وسها تقولي انا عايزاك تسافر معانا..... وابويا يزعقلي ......واختي اسماء دي كمان نقصاها الحكايه
وافتكرت يوم حادثه الاتوبيس واحنا راجعين من الرحله يوم مالشاب قعد يتكلم واحنا

مانتبهناش لكلامه وكان الاتوبيس هيعمل حادثه....... ده كمان كان ايه..... ومحمود مات وانا ....ممكن كنت ابقى مكانه
ياااااااااااااارب اعمل ايه .........حسيت اني اول مره اقول يارب من قلبي واستغربت نفسي وانا بقول كده

ومن كتر العياط حسيت اني مصدع وغلبني النوم

وانا نايم حلمت ........

محمد:حلمت بأيه

علي : حلمت بمحمود ......قعدت انادي عليه لقيته بيقولي ألحق نفسك ياعلي
قبل فوات الاوان
ألحق نفسي.....ألحق نفسي ازاي.......... طب قولي انت فرطت في ايه.......ها يا محمود فرطت في ايه قولي

وسمعت صوت بيناديني بيقولي البدايه من هنا وشاور علي جامع

انا مانتبهتش للصوت وقعدت انادي علي محمود انت فرطت في ايه قولي .......ومحمود كان للاسف ساكت قعدت انادي عليه كتير وبصوت عالي وهو ساكت

محمد:سؤال محرج يعني هو انا كنت فين من كل ده؟

علي:انت كنت الجزء اللي لازم يتقطع

محمد:يتقطع............ يعني ايه؟؟؟


يتبع ان شاء الله

الرجوع الى أعلى الصفحة اذهب الى الأسفل
https://aocg.yoo7.com
مُشاطرة هذه المقالة على: reddit

الحلقة السابعة :: تعاليق

إحساس في زمن الخيانه
رد: الحلقة السابعة
مُساهمة الإثنين 15 نوفمبر 2010, 7:13 pm من طرف إحساس في زمن الخيانه
يعني دايمآ عايز تشوقنا للي بعديه

الحلقة السابعة W6w_20051018011313a8332c3c
m.gabr
رد: الحلقة السابعة
مُساهمة الإثنين 15 نوفمبر 2010, 7:15 pm من طرف m.gabr
مشكور على هذا الموضوع الرائع

الحلقة السابعة 0163y
abusabry
رد: الحلقة السابعة
مُساهمة الثلاثاء 16 نوفمبر 2010, 1:22 pm من طرف abusabry
حسبي الله ونعم الوكيل لسة هستني الحلقة
الجاية عشان اعرف ينقطع ليه
منك لله
scratch
Sad
 

الحلقة السابعة

الرجوع الى أعلى الصفحة 

صفحة 1 من اصل 1

 مواضيع مماثلة

-
» الحلقة السابعة عشر
» الحلقة السابعة والثلاثون
» الحلقة الرابعة عشر
» الحلقة الثلاثون
» الحلقة الخامسة عشر

صلاحيات هذا المنتدى:لاتستطيع الرد على المواضيع في هذا المنتدى
منتديات طموح الجيل الحالي  :: القسم الادبي :: روايات وقصص :: انا مش ورقة!!!-
انتقل الى: