منتديات طموح الجيل الحالي
السلام عليكم
يشرفنا تسجيلكم معنا في أسرة منتدى طموح الجيل الحالي
كما نتمنى ان تقضو أوقاتا ممتعة على الانترنت

منتديات طموح الجيل الحالي


 
الرئيسيةالتسجيلدخول

شاطر | 
 

 الحلقة التاسعة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ali gabr
نائب المدير
نائب المدير
avatar

تاريخ التسجيل : 02/11/2010
البلد : مــــــ أم الدنيا ــــــصر

Egypt
عدد المساهمات : 375
المزاج : الحمد لله

17112010
مُساهمةالحلقة التاسعة

الحلقة التاسعة

علي :انا بعد ماروحت من الجامع زادت حيرتي ياترى الراجل ده هو اللي عنده الحل اللي انا حلمت بيه
وياتري هو كان قاصد يقف جنبي في الصلاة وللا ايه وإلا سها كمان هي مش حاسه بيه ليه تقولي انا واثقه انك
اعصابك استريحت وهتوافق تسافر معانا هو انا اتجننت وللا ايه........ انا ايه اللي حصلي
والايات اللي انا سمعتها برده دي كمان ايه انا مابقيتش عارف حاجه
هو انا ليه ماردتش على الحاج حسين مش كتر خيره قالي هعتبرك ابني مجايز الاقي عنده الاجابه انا يعني لاقي حد
يسمعني
......
انا خلاص دماغي هتنفجر وابويا يقولي روح زي ماانت عايز اروح فين بس
واعمل ايه بس ومن كتر التعب والتفكير وانا اصلا مكنتش نمت الا حوالي ساعه فنمت من غيرما احس

محمد:وبعدين ايه اللي حصل

علي:ماصحيتش الا على صوت اختي اسماء وهي بتقولي قوم ياسعاده البيه الهانم عايزاك
انا صحيت ومكنتش قادر ومكنتش مستوعب قولتلها هانم مين

اسماء:هو في هانم غيرها الست سها عايزاك علي التليفون

محمد:وكلمتها

علي:انا كنت متردد بس مقدرتش مكلمهاش

سها:ازيك ياعلي ايه اخبارك دلوقتي
انا رنيت علي الموبايل كتير انت كنت فين

علي:انا كنت نايم ومسمعتش الموبايل

سها:نايم كل ده دا الساعه 2.30

علي:2.30 يااااااااااه اصلي مانمتش من امبارح

سها:ليه بتفكر فيه

علي:لا بفكر في اللي حصل لمحمود

سها:انت لسه فاكر يابني مكلنا هنموت هي حاجة غريبه ........انت عارف ايه الغريب في الموضوع

علي:ايه

سها:انت .......انا مش عارفه ايه اللي حصلك كنت بعقلك

علي:انا برده اللي غريب ماعلينا وكنت بعقلي هو انا اتجننت

سها: المهم احنا هنسافر بعد بكره ان شاء الله اكيد طبعا هتيجي معانا


علي:بصراحه انا لسه مش عارف


سها:وسيادتك هتعرف امتى دي تالت مره اكلمك في الموضوع ده ....انا مش هتحايل عليك كتير انت حر سلام

محمد:ايه ده قفلت في وشك السكه هههههههه اكيد انت طبعا زعلت وقررت تبعد عنها

علي:زعلت ايه انا اصلا كنت مستغرب افعالها
وبعد المكالمه قولت هو فيه ايه انا اللي مكبر الموضوع ومستغرب افعالها وللا انا زي ماهي بتقول بقيت غريب واتجننت

وفي وسط الاسئله دي افتكرت الحاج حسين لما قالي انا هنا في الجامع كل صلاه
قلت خلاص جايزالاقي عنده اجابه
الساعه 2.30يعني العصر قرب يأذن طب والظهر مش هصليه

ايه ده............ هو انا اصلا محافظ على الصلاه انا ضيعت كتير

محمد:ها وبعدين

علي:صليت الظهر ونزلت الجامع لقيت الحاج حسين فرحت اوي لما شوفته وحسيت اني هلاقي الاجابه عنده
وبعد انتهاء الصلاة
لقيته بيقولي ازيك يابني ايه اخبارك انت مجيتش ليه في صلاه الظهر

علي:في سري هو انت يعني كنت بتشوفني كل يوم في كل صلاه ........وبعدين قلتله اصلي راحت عليه نومه

الحاج حسين:ان شاء الله هتعوض اللي فاتك خير....انا كنت واثق انك هتيجي النهارده

علي:ليه الثقه دي

الحاج حسين:انا حاسس انك محتار وعايز تتكلم مع حد

محمد:ايه ده وهو عرف منين

علي:هو ماشاء الله عنده بصيرة هو على فكره طبيب قلوب

محمد:ليه هو دكتور في كلية طب

علي:لا هو مش طبيب بشري .......هو طبيب رباني وروحي

محمد:ماعلينا ........هو انا يعني كنت فهمت اللي قبل كده كمل يابني كمل اما اشوف انا هفهم امتي.........

يتبع ان شاء الله









اللهم إنك تسمع وترى ولا يخفى عليك شىء من أمرنا،فاحفظ مصر يارب من كل سوء ومكروه
يا حى يا قيوم برحمتك نستغيييث أصلِح لنا شأننا كله
ولا تكلنا إلى أنفسنا طرفة عين
اللهم وَلِّ علينا الصالحين من عبادك
الرجوع الى أعلى الصفحة اذهب الى الأسفل
http://aocg.yoo7.com
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

الحلقة التاسعة :: تعاليق

avatar
رد: الحلقة التاسعة
مُساهمة في الأربعاء 17 نوفمبر 2010, 11:41 pm من طرف abusabry
 

الحلقة التاسعة

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات طموح الجيل الحالي  :: القسم الادبي :: روايات وقصص :: انا مش ورقة!!!-
انتقل الى: