منتديات طموح الجيل الحالي
السلام عليكم
يشرفنا تسجيلكم معنا في أسرة منتدى طموح الجيل الحالي
كما نتمنى ان تقضو أوقاتا ممتعة على الانترنت

منتديات طموح الجيل الحالي


 
الرئيسيةالتسجيلدخول

شاطر | 
 

 الحلقة العاشرة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ali gabr
نائب المدير
نائب المدير
avatar

تاريخ التسجيل : 02/11/2010
البلد : مــــــ أم الدنيا ــــــصر

Egypt
عدد المساهمات : 375
المزاج : الحمد لله

19112010
مُساهمةالحلقة العاشرة

الحلقة العاشرة
محمد:المهم الحاج حسين ولا الدكتور حسين ده قالك ايه
علي:قالي مالك يابني محتار ليه كده....... ربنا يهديك للخير
محمد:وحكيتله
علي:هو
قالي اعتبرني زي ابوك والكلام اللي هتقوله ده سر بينا انت عارف على الرغم
انه كبير في السن الا اني كنت حاسس اني بكلم واحد صاحبي وحسيت براحه في
كلامه وقررت اني احكيله اللي حصل كله لحد مكالمة سها الاخيرة بس وانا
بحكيله على سها مش عارف ليه كنت مكسوف اوي منه وكنت محرج

محمد:يمكن عشان قفلت السكه في وشك في اخر مره
علي:ماشاء الله عليك يامحمد انا طول عمري بقول عليك ذكي
محمد:ايوه يابني طبعا بس اول مره يعني اقولك حاجه وتقولي صح
علي:صح ايه..... هو ايه اللي انت بتقوله ده.... انا كنت مكسوف عشان قفلت السكه في وشي........ هي دي حاجه تكسف.......
انا كنت مكسوف اصلا وان بقوله على العلاقه اللي بيني وبينها.....هو ايه اصلا اللي يربط بينا عشان اتكلم عنها

يعني
هي بالنسبه لي ايه يعني ......لما ابتديت احكيله عنها قلتله انا اعرف
واحده اسمها سها ........مكنتش عارف اكمل ازاي وللا اقدمها له على انها ايه
هو طبعا كان

فاهم......وطول ماانا بحكيله كان مبتسم
انا بصراحه كنت مستغرب وقلت في نفسي ده اللي هلاقي عنده الاجابه ربنا يستر بس بعد ماخلصت

لقيته بيقولي
الحاج حسين:ها يابني خلصت حكايتك
علي:اه
الحاج حسين:بص يابني انا قبل مااجاوبك واخرجك من حيرتك اسمع الحديث ده بس مش بودانك العاديه
علي:هي في ودان غير عاديه
الحاج حسين:ايوه يابني انا عايزك تسمعه بأذن قلبك ماشي اسمع معايا كده
عن أبى سعيد الخدرى أن نبى الله صلى الله علية وسلم قال ( إن
رجلا قتل تسعة وتسعين نفسا ، ثم عرضت له التوبة ، فسأل عن أعلم أهل الأرض ؟
فدل على راهب ، فأتاه ، فقال : إنه قتل تسعة وتسعين نفسا ، فهل له من توبة
؟ فقال : لا ، فقتله ، فكمل به مائة ، ثم سأل عن أعلم أهل الأرض ؟ فدل على
رجل عالم ، فقال : إنه قتل مائة نفس ، فهل له من توبة ؟ قال : نعم ، ومن
يحول بينه وبين التوبة ؟ انطلق إلى أرض كذا وكذا ، فإن بها أناسا يعبدون
الله ، فاعبد الله معهم ، ولا ترجع إلى أرضك ، فإنها أرض سوء
، فانطلق حتى إذا نصف الطريق أتاه الموت ، فاختصمت فيه ملائكة الرحمة ، وملائكة العذاب ،

فقالت ملائكة الرحمة : جاء تائبا مقبلا بقلبه إلى الله تعالى ،
وقالت ملائكة العذاب : إنه لم يعمل خيرا قط ،
فأتاهم
ملك في صورة آدمي ، فجعلوه بينهم ، فقال : قيسوا بين الأرضين ، فإلى
أيتهما كان أدنى فهو لها ، فقاسوا ، فوجدوه أدنى إلى الأرض التي أراد ،
فقبضته ملائكة الرحمة
) صحيح الجامع
قال قتادة : فقال الحسن : ذكر لنا أنه لما أتاه الموت نأى بصدره )
الحاج حسين: ها ايه رايك
علي:يااااااه قتل مائه نفس وربنا تاب عليه
الحاج حسين:ايوه يابني ربنا غفور رحيم
علي:سبحان الله
الحاج حسين:عشان ماتقنطش من رحمه ربنا مهما بلغت ذنوبك وانت كمان سمعت النهارده في الفجر الايه
قُلْ
يَا عِبَادِي الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ
رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ
هُوَ الْغَفُورُ الرَّحِيمُ (53)

الحاج حسين :ها ايه رايك
علي:رحمه ربنا واسعه كده....... سبحان الله
الحاج حسين:ايوه يابني نرجع بقى لحيرتك واسئلتك
بالنسبه
للي حصل لكم في الاتوبيس وانتم راجعين من سفركم دي كانت رساله من ربنا
بتقولكم فوقوا انتوا بتعملوا ايه..... بس للاسف كان جهاز الاستقبال عندكم
مش شغال بيستقبل بس مابيترجمش وسبحان الله عصيتوا ربنا بنفس المعصيه ورحتوا
تحضروا حفله اغاني وووو

وموت
ابن خالتك محمود فجأة دي رساله تانيه بس المره دي كانت ليك لواحدك لان
محمود خلاص زي ماقالك في الحلم فات الاوان ممكن كنت انت اللي تبقى مكانه

وتفريطك انت ومحمود كان في جنب الله
علي:طب احنا فرطنا في جنب الله ازاي
الحاج حسين:فرطتم في جنب الله بالمعصيه بترك الصلاة والاغاني والافلام وضياع الاوقات والحب المحرم كل ده تفريط في جنب الله
علي:طب الصلاه و الاغاني والافلام وتضيع الوقت وعرفته الحب المحرم ده ايه؟
الحاج حسين:الحب المحرم ده اللي بينك وبين سها يعني انت وانت معاها عارف ان ربنا شايفكم
علي: اه طبعا
الحاج حسين:انت بقى قدرت نظر ربنا ليك وانت معاها...... لما انت عارف انه مطلع عليكم انت كده بتخون ربنا وبتنتهك حرماته
علي: بنتهك حرماته بس احنا مابنعملش حاجه من ورا اهلنا هما عارفين وموافقين على كده
الحاج حسين:مش
معنى ان اهلكم موافقين على كده خلاص الامر بقى مباح ومستحب يابني انت
سألتني في الايات اللي سمعتها انا ممكن اكون بعبد حاجه تانيه غير ربنا؟

عارف الحاجه اللي انت بتعبدها غير ربنا دي ايه هي؟ حبك لسها انت متبع لهواك
علي:متبع لهوايا ازاي
الحاج حسين:انت
يابني عرفت دلوقتي طبعا ان اللي بينك وبين سها ده حرام ماشي وربنا مايرضاش
بكده وانت بكده مش مقدر ربنا حق قدره اتبعت هواك وتركت أوامر الله يعني

انت دلوقتي تقدر تسيبها؟بعد ماعرفت انه حرام

علي:بصراحه لا مقدرش
الحاج حسين: يبقى انت متبع لهواك هو اللي بيأمرك وينهاك...... دلوقتي عرفت انه حرام بس مازلت مصر عليه وعصيت امر ربنا
علي:انت ماتتخيلش هي بالنسبه لي ايه ان اقدر اسيب الاغاني والافلام وكل المعاصي اللي بعملها والتزم بالصلاة بس هي لاااااا مقدرش
الحاج حسين :طب جاوبني بكل صراحه انت ترضى بالامر ده لاختك ؟
علي:بس احنا اهلنا عارفين
الحاج حسين :انا بقولك ترضاه لاختك جاوبني
علي:بصراحه لا
الحاج حسين:طب بص يابني انا عايزك بقى بعد ماعرفت ان رحمه ربنا واسعه اوي عايزك تنفذ اللي الراجل عمله في الحديث اللي سمعته
علي:ازاااااااااااااااااااااي اقتل مائه نفس وبعدين اتوب!!!!!
الحاج حسين
:لا طبعا انا مقولتش كده انا عايزك تنفذ اللي هو عمله على قدر استطاعتك
يعني تحاول بقدر الامكان تبعد عن مكان المعصيه انا عايزك تقبل على ربنا
بقلبك وشوف هو هيعملك ايه......

علي:يعني اعمل ايه اسافر
الحاج حسين :والله اذا امكن لك السفر سافر
علي:اروح فين يعني
الحاج حسين:تقدر تسافر السعوديه تعمل عمره هناك
علي:السعوديه............طب وسها هبعد عنها
الحاج حسين:بص
يابني انت تسافر دلوقتي..... ربنا ان شاء الله ييسرلك السفر..... وماتقولش
لسها ان انت مسافر يعني مثلا ماتروحش تتصل بيها وتقولها انا بودعك لاني
مسافر او انا عايز اشوفك احنا عايزين نبداأ اول خطوات العلاج ماشي ولما
ترجع من السفر ان شاء الله هنشوف موضوع سها سيبه دلوقتي على جنب

انا عارف انك هتلتزم بالصلاه وهتبطل تسمع اغاني وافلام وغيره انا واثق منك انت هتقدر ان شاء الله
محمد:يعني طلع دكتور اهو.......
علي:هو طبيب قلوب مش دكتور بشري قولتلك ........انت غلبتني معاك شكلي مش هكملك
الحكايه.....

محمد:خلاص خلاص حقك عليه كمل
علي: قلتله بس سها...........انت ماتتصورش هي بالنسبه لي ايه هسيبها ازاي

الحاج حسين:ماشي
يابني انت بس سافر دلوقتي واما ترجع هنشوف موضوع سها المهم انك ماتكلمهاش
لحد ماتسافر اتفقنا ده وعد وماتكلمهاش وانت هناك اتفقنا

علي:وعد....!!!!!
الحاج حسين:ايوه وربنا شهيد على كلامنا
محمد:طب وانت عملت ايه كلمتها واخلفت الوعد وللا .......
يتبع ان شاء الله









اللهم إنك تسمع وترى ولا يخفى عليك شىء من أمرنا،فاحفظ مصر يارب من كل سوء ومكروه
يا حى يا قيوم برحمتك نستغيييث أصلِح لنا شأننا كله
ولا تكلنا إلى أنفسنا طرفة عين
اللهم وَلِّ علينا الصالحين من عبادك
الرجوع الى أعلى الصفحة اذهب الى الأسفل
http://aocg.yoo7.com
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

الحلقة العاشرة :: تعاليق

avatar
رد: الحلقة العاشرة
مُساهمة في الجمعة 19 نوفمبر 2010, 4:06 pm من طرف m.gabr
حلقة جميلة وفي انتظار باقي الحلقات
avatar
رد: الحلقة العاشرة
مُساهمة في السبت 20 نوفمبر 2010, 9:44 pm من طرف حنونة
يسلمو الحلقه رائعه كثييييييييييييييييييييييييييير
ومفيده جدا جدا جدا
وبإنتظار القادم


avatar
رد: الحلقة العاشرة
مُساهمة في الأحد 05 ديسمبر 2010, 9:09 am من طرف abusabry
روعة جدا الحلقة دي
اول خطوات التوبة
الابتعاد عن مكان المعصية قدر المستطاع
 

الحلقة العاشرة

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات طموح الجيل الحالي  :: القسم الادبي :: روايات وقصص :: انا مش ورقة!!!-
انتقل الى: