الحلقه الحادية عشر
علي:انا لما رجعت البيت لقيت بابا بيقولي اهلا اهلا......... وسيادتك ماشاء الله بقيت بتصلي ايه ده كله طبعا مش معقول تكون الست سها اللي قالتلك التزم بالصلاه
قولتله بابا انا عايز عمي يبعتلي دعوة عشان اسافر السعوديه
والد علي: ماشاء الله وانت والست سها طالعين تعملوا عمره سوا هههههههههههههه عشنا وشوفنا..... ده بقى اللي كانت بتتصل بيك عشانه
علي:لا انا هطلع لوحدي
والد علي:اه وهي هتقابلك هنا يعني
علي:لا انا هسافر لوحدي ومش هقابلها هناك انا هعمل عمره لوحدي صدقني
والد علي:اصدقك ........ياسلام علي اساس ان كلامك ثقه يعني
علي:يابابا صدقني المره دي انا بجد عايز اتغيير صدقني
والد علي:خلينا مع الكداب لحد بابا الدار بس مش عارف ليه انا حاسس انك فعلا متغيير مالك ....سها زعلتك في حاجه؟
علي:لا انا عايز اسافر اعمل عمره
والد علي :خلاص انا هكلم عمك يبعتلك دعوة عشان تسافر في اقرب وقت واخلص منك بقى
علي:تخلص مني يابابا .......طيب انا هدخل اوضتي حضرتك مش عايز حاجه
والد علي:لا يااخويا سلامتك انا هعوز منك ايه يعني
علي:انا دخلت اوضتي ومش عارف ليه المره دي كلام ابويا مش مأثر معايا انا كل همي كان في كلام الحاج حسين انا كنت فرحان اوي وانا معاه حسيت بجد انه ابويا وزادت فرحتي لما عرفت ان المغرب قرب يأذن وهروح اشوفه تاني
محمد:ايه ياعم هو سها وللا ايه
علي:محمد بلاش هزار انت اصلا لو شوفته كنت عرفت
محمد:ماشي ياسيدي الحبيب كمل
علي:انا لما روحت الجامع لقيته بيقولي ازيك ياحبيبي عامله ايه وحشتني وانا طبعا مستغرب وحشتك ايه انا كنت لسه معاك لحقت اوحشك
الحاج حسين:ها عملت ايه في السفر
علي:انا خلاص ان شاء الله هخلي عمي يبعتلي دعوه وان شاء الله اسافر في اقرب فرصه
الحاج حسين:انا واثق انك هتبقي كويس وهتقعد في يوم من الايام مكاني هنا
علي:لا بلاش الخيال الواسع اوي ده انا ممكن اتغيير اه بس ابقى مكانك واسعه اوي دي
محمد:ليه يابني واسعه ماانت سيبت سها اهو
علي:اشد في شعري ارحمني
محمد:لا شد في لحيتك
علي: انت كلت ايه النهارده
محمد:لا عادي يعني ماكلتش بدنجان ولا حاجه
علي:لا انت اصلا مش محتاج تاكله
محمد:قصدك ايه
علي:لا ولا حاجه......... المهم بعد صلاه المغرب لقيت الحاج حسين بيقولي خليك معايا هنا لحد العشاء
عايز اقولك كلام مهم
انت عارف الوقت اللي بين المغرب والعشا قصير جدا وناس كتير بتغفل عنه فانا عايزك تقضيه في طاعه ربنا وفي كلام مهم عايز اكلمك فيه بس ركز معايا
الحاج حسين:عارف ياعلي انت ليه لازم تتوب من المعاصي اللي قولتلك عليها
علي:ليه
الحاج حسين:عشان رجوعك للطريق المستقيم وتوبتك طاعه لربنا وربنا بيأمر بكده
اسمع معايا الايه دي كده اسمع ربنا بيقول ايه
وَتُوبُوا إِلَى اللَّهِ جَمِيعاً أَيُّهَا الْمُؤْمِنُونَ لَعَلَّكُمْ تُفْلِحُونَ (31)
الحاج حسين:فهمت انا قصدي ايه
علي:بصراحه لا
محمد:ههههههههههه ماانت مابتفهمش زيي اهو
علي:اقعد ساكت شويه واسمع
المهم الحاج حسين قالي :بص يابني الايه دي مدنيه يعني ربنا بيخاطب فيها اهل الايمان .... يعني ربنا ماقالش في الايه وتوبوا الي الله ايها العاصون او المذنبون وربنا قال كمان ان الفلاح هيجي بالتوبه رزقني الله واياك الفلاح في الدنيا والاخره قول امين
علي:امين
الحاج حسين:يعني لما اقولك توب ماتقوليش هو انا بعصي ربنا........ التوبه دي هتبقي مستمره معاك لحد ماتموت يعني بعد ماتلتزم ماتقولش خلاص انا كده كويس لااااااا انت لازم تجدد توبتك باستمرار ماشي
علي:ماشي
الحاج حسين:وكمان انت لما تتوب حتحس بسعاده محستش بيها قبل كده
علي:بس انا سعيد في حياتي ......قبل وفاه محمود كنت بعمل كل اللي انا عايزه في الوقت اللي انا عايزه
الحاج حسين :بص يابني دي سعاده وهميه هتحس بالفرق بعدين وهتقول عم حسين قالي
وبعدين انت لو قاعد في مكان دبغ الجلود طبعا عارف الريحه اد ايه كريهه
انت بقى مش هتعرف ان الريحه دي كريهه الا لما تخرج منها لانك وانت فيها متعود عليه وكأنها شئ طبيعي انت اتعودت علي المعصيه وكأنها اصبحت عادة وحبيتها ووهمت نفسك ان دي السعاده ابدا والله عارف السعاده الحقيقيه فين
علي:فين
الحاج حسين :في طاعه ربنا يابني والله والقرب منه بص انا عايزك تقرب لربنا من كل حاجه تقرب لربنا من هواك والمعاصي وكل ذنوبك من كل حاجه تبعدك عن ربنا
انت عارف لما تحقق اللي قولتلك عليه مين هيفرح بتوبتك اوي
علي:اكيد حضرتك طبعا لانك اللي دلتني علي الطريق
الحاج حسين: اكيد ان شاء الله هفرح بتوبتك....... بس
الله هو اللي هيفرح بيك اوي
اسمع معايا الحديث ده كده
علي:ايوه بأذن قلبي صح
الحاج حسين :ايوه اسمع كده
سمعت رسول الله صلى الله عليه وسلم يقول لله أشد فرحا بتوبة عبده المؤمن من رجل في أرض دورية مهلكة معه راحلته عليها طعامه وشرابه فنام فاستيقظ وقد ذهبت فطلبها حتى أدركه العطش ثم قال أرجع إلى مكاني الذي كنت فيه فأنام حتى أموت فوضع رأسه على ساعده ليموت فاستيقظ وعنده راحلته وعليها زاده وطعامه وشرابه فالله أشد فرحا بتوبة العبد المؤمن من هذا براحلته وزاده
تخيل فرحة الرجل اد ايه لما كان خلاص استسلم للموت بعد ماضاع منه كل حاجه وفجأة رجعتله متخيل معايا فرحته اد ايه
الله الملك
فرحته بيك وانت راجعله وتقولي انا جيتلك يارب تائب اليك فاقبلني فرحته بيك اكتر من فرحه الرجل برجوع دابته اليه
حسيت اد ايه ربنا كريم
طب اسمع كمان الحديث ده
يقول النبي صلى الله عليه وسلم فيما يرويه عن ربه عز وجل، قال: ((إذا تقرب العبد إلي شبراً تقربت إليه ذراعاً، وإذا تقرب إلي ذراعاً تقربت منه باعاً، وإذا أتاني يمشي أتيته هرولة)) رواه البخاري
يعني تخيل انت لما ترجع من العمره ان شاء الله هتكون واحشني ازاي واول مااشوفك هفرح بيك اوي ولله المثل الاعلي
سامع ومن اتاني يمشي اتيته هروله سبحان الذي يتودد الي عباده وهو غني عنهم
انت بس اقبل علي ربنا بقلبك.... انا هستناك الفجر وان شاء الله دي هتكون اول جلسه شروق تقعدها معايا اتفقنا انا عايزك لما تروح تفكر في الكلام اللي قولتهولك وتطبقه مش تسمع وخلاص والفجر ان شاء الله نتقابل وانت علي وعدك معايا بالنسبه لسها
علي:احنا مش قلنا سها علي جنب دلوقتي
الحاج حسين:اه علي جنب يعني مالكش دعوه بيها علي...... الله شهيد علينا وعلى فكره الحل ده مؤقت لان البنت دي مش هتسيبك الحل النهائي لما ترجع ان شاء الله من العمره
علي:طب براحه عليه واحده واحده كل ده ومؤقت امال لو كان نهائي كنت هتقولي اموتها
الحاج حسين:تموتها ايه...... انا عارف انك صعب ان انت تسيها عشان ماتقوليش اني مش حاسس بيك...... بس البنت دي هتفضل عقبه في طريقك لو مالتزمتش باللي قولته مالكش دعوه بيها لحد ماتسافر
علي:ربنا يسهل
الحاج حسين:اصدق الله يصدقك
علي:يعني ايه
الحاج حسين:يعني لو ربنا اطلع علي قلبك وشاف فيه صدق علي عزمك انك تسيها هيعينك انوي بس انت واصدق الله
علي:اصدق الله ازاي
الحاج حسين:قوم في التلت الاخير بين يدي الملك وقوله ياااااارب انا عايز اسيبها بس مش قادر بس انت تقدر وألح في الدعاء بس تكون صادق
علي:هحاول
الحاج حسين:لا هتنفذ مش هتحاول
محمد:وانت عملت ايه .......
يتبع ان شاء الله
