منتديات طموح الجيل الحالي
السلام عليكم
يشرفنا تسجيلكم معنا في أسرة منتدى طموح الجيل الحالي
كما نتمنى ان تقضو أوقاتا ممتعة على الانترنت

منتديات طموح الجيل الحالي


 
الرئيسيةالتسجيلدخول

شاطر | 
 

 الحلقة الثانية عشر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ali gabr
نائب المدير
نائب المدير
avatar

تاريخ التسجيل : 02/11/2010
البلد : مــــــ أم الدنيا ــــــصر

Egypt
عدد المساهمات : 375
المزاج : الحمد لله

20112010
مُساهمةالحلقة الثانية عشر



الحلقة الثانية عشر


علي:انا لما رجعت البيت كنت في صراع طويل بيني وبين نفسي

نفسي تقولي ماهو ربنا غفور رحيم وايه يعني لما تسافر معاها وترجع علي وقت العمره ..........الحاج حسين مش متخيل اني مقدرش ابعد عنها

ماهو ربنا تاب علي قاتل مائه نفس زي ماهوا قالي ......... وانا مش هقتل حد

بس محمود مات فجأة......ممكن اموت وانا معاها هناك ......طب وكمان انا عرفت انا فرطت في ايه ....وممكن اعوضه

بس انا بحبها.....اعمل ايه بس

والتلت الاخير هيجي امتي

وللا هي كمان زعلت مني ومش هتتصل بيه تاني دي خلاص هتسافر بعد بكره يعني المفروض ارد عليها دلوقتي

طب مالحاج حسين قالي خليها علي جنب يعني ايه علي جنب ....

وماليش دعوه بيها ازاي؟

انا عرفت انها معصيه بس ....

بس ايه........ هو مش الحاج حسين قالك انت كده مش مقدر ربنا حق قدره ومتبع لهواك وهو اللي بيأمرك وينهاك

طب مانا ممكن اخليها تلتزم بالصلاه وتبطل سماع اغاني وافلام وغيره حتي اكون كسبت ثواب فيها وللا ايه؟

بس الحاج حسين قالي سيبها علي جنب وقال ايه دا حل مؤقت !!!

انا احسن حاجه اقوم انام واريح دماغي من الصداع ده

اه صحيح اما اقول لماما تصحيني

ماما ماما لوسمحتي صحيني قبل الفجر بربع ساعه

والده علي:ليه وراك ايه مش خلصت مذاكره وللاانت هتذاكر لتجارة من دلوقتي

علي:لا صحيني بس..... هقوم اصلي ركعتين

والده علي:ماشاء الله لاقوة الا بالله ايه ده

علي:ماتنسيش ياماما الموضوع مهم جداااااااا

والده علي:ماشي يابني

وبالفعل والده علي تصحيه لكنه يقولها صحيني علي الفجر انا عايز انام

والده علي:انت مش قولت الموضوع مهم جدااا قوم يلا

علي:لا انا عايز انام

والده علي:انت حر يابني ......
الله يهديك


علي:
الله..... اه الحاج حسين قالي الحل عند ربنا انا مقدرش بس ربنا يقدر

وقام علي بسرعة واتوضي وهو بيصلي ويقرأ بفاتحة الكتاب.....فجأة النور قطع في المكان ولكنه أضاء في قلب علي

ففزع علي:ايه الضلمه دي انا مش شايف حاجه خالص..... وافتكر محمود

هو محمود في ضلمه كده لوحده .....القبر ضلمه كده ....باباه ومامته اللي بيحبوه سابوه ومشوا .........سابوه لوحده

سابوه لوحده في ضلمه.....

وانا اللي عصيت ربنا كتير عصيته كتير اوي

عصيته مع سها واتبعت هوايا ومقدرتش ربنا حق قدره لو مت دلوقتي سها هترضي تقعد معايا في قبري لو ثانيه واحده

طب ايه اللي يستاهل.....ايه اللي يستاهل اني اعصي ربنا وافرط في جنبه

يعني ربنا كريم وامهلني واعطاني فرصه تانيه وانا اقول اسافر مع سها وايه يعني........

ويسجد علي:ويبكي بكاءا طويلا لم يبكيه من قبل ......ولم يذق طعمه من قبل
........
ياااااااااااارب انا مقدرش اسيب المعاصي بس انت تقدر تبعدني عنها
...................................
ياااااااااااارب انا بحبك اوي وجيتلك تايب من ذنوب كتير انت اعلم بها مني
...............................................
يارب انت سترتني كتير وامهلتني كتير وانا برده كنت عايز اعصيك يارب توب عليه
................................................
يارب انا فرطت في حقك كتير
وعصيتك كتيروبعتلي رسايل كتير وانا برده كنت عايز اعصيك

ويسمع علي اذان الفجر فيقوم يصلي تاني ركعه وينزل الجامع

وبعد انتهاء صلاة الفجر

الحاج حسين:ازيك يابني انا حاسس انك اتغيرت ماشاء الله لاقوة الا بالله صليت في التلت الاخير صح

علي:الحمد لله رب العالمين

الحاج حسين:طيب يلا عشان تقعد معانا جلسه الشروق احنا كل يوم بنقرا جزء قراءن يلا عشان تقرا معانا

وبعد انتهاء جلسه الشرق

الحاج حسين:اخدت بالك من الايه دي


بسم الله الرحمن الرحيم


قُلْ
أَنَدْعُو مِنْ دُونِ اللَّهِ مَا لا يَنفَعُنَا وَلا يَضُرُّنَا
وَنُرَدُّ عَلَى أَعْقَابِنَا بَعْدَ إِذْ هَدَانَا اللَّهُ كَالَّذِي
اسْتَهْوَتْهُ الشَّيَاطِينُ فِي الأَرْضِ حَيْرَانَ لَهُ أَصْحَابٌ
يَدْعُونَهُ إِلَى الْهُدَى ائْتِنَا قُلْ إِنَّ هُدَى اللَّهِ هُوَ
الْهُدَى وَأُمِرْنَا لِنُسْلِمَ لِرَبِّ الْعَالَمِينَ
(71

)
علي:يعني ايه

الحاج حسين:بص انا حاسس انك اتغيرت

بس انا عايز اطلب منك طلب وماتعتبرهوش امر انت بتعتبرني زي ابوك صح

علي:اه طبعا

الحاج حسين:طيب يابني انا عايزك تجيبلي كل حاجه في البيت بتفكرك بسها حتي خط الموبايل وشرايط الاغاني كل حاجه بتفكرك بالمعاصي القديمه

علي:ليه

الحاج حسين:لانك دلوقتي جيت الجامع وبدات صلاه وعرفت ان الطريق من هنا......... صح

علي:ايوه صح

الحاج حسين:الحاجات
اللي بطلبها منك دي لو سبتها عندك هتوقعك تاني وماتقولش لا....... وهتبقي
دايما محتار عارف ان الطريق من هنا وده الطريق اللي هيوصل للجنه ان شاء
الله بس الحاجات اللي عندك دي هتفكرك بالمعصيه وهتستهويك ليها تاني


وممكن
في يوم من الايام تقول ايه العقد دي....... والالتزام ده ........مانا كنت
عايش حياتي وكنت كويس كان مالي انا ومال الطريق ده .....هو ده هترد علي
عقبك بعد ماربنا هداك لان في حاجه بتستهويك وبتفكرك بالمعاصي.....انا مش
عايزك تبقي محتار انا عايزك تبقي وجهتك واحده وهي لله وطريقك واحد وهو
الطريق وراء الرسول صلي الله عليه وسلم وهدفك واحد وهو الجنه


انا عايزك تجيب الحاجات دي في اقرب فرصه اتفقنا

علي:بس
انا عايز أسال سؤال هو انا ليه محاولش مع سها انها تلتزم زيي انا خلاص مش
هكلم معاها في كلام فاضي زي زمان انا خلاص اتاكدت ان ده حرام انا هكلمها عن
الالتزام......وبس


الحاج حسين:لما تجيب الحاجات اللي قولتلك عليها وتيجي ان شاء الله هجاوبك علي السؤال ده

محمد:طب وانت عملت ا يه؟؟؟





يتبع ان شاء الله









اللهم إنك تسمع وترى ولا يخفى عليك شىء من أمرنا،فاحفظ مصر يارب من كل سوء ومكروه
يا حى يا قيوم برحمتك نستغيييث أصلِح لنا شأننا كله
ولا تكلنا إلى أنفسنا طرفة عين
اللهم وَلِّ علينا الصالحين من عبادك
الرجوع الى أعلى الصفحة اذهب الى الأسفل
http://aocg.yoo7.com
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

الحلقة الثانية عشر :: تعاليق

avatar
رد: الحلقة الثانية عشر
مُساهمة في الإثنين 22 نوفمبر 2010, 4:26 pm من طرف حنونة
مشكور ع الحلقات الرائعه استفدت كثيييييييير

ياليت تستمر بكتاباتك


avatar
رد: الحلقة الثانية عشر
مُساهمة في الإثنين 22 نوفمبر 2010, 10:31 pm من طرف عازفة لحن الرحيل
حلقة جميلة جدا
جدا
جدا
هاستنى
ربنا يجيب اللي فيه الخير
avatar
رد: الحلقة الثانية عشر
مُساهمة في الثلاثاء 10 مايو 2011, 10:53 pm من طرف abusabry
حلقة شيقة وكل مرة تعلقنا كده
 

الحلقة الثانية عشر

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات طموح الجيل الحالي  :: القسم الادبي :: روايات وقصص :: انا مش ورقة!!!-
انتقل الى: