منتديات طموح الجيل الحالي
السلام عليكم
يشرفنا تسجيلكم معنا في أسرة منتدى طموح الجيل الحالي
كما نتمنى ان تقضو أوقاتا ممتعة على الانترنت

منتديات طموح الجيل الحالي


 
الرئيسيةالتسجيلدخول

شاطر | 
 

 الحلقة الثانية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ali gabr
نائب المدير
نائب المدير
avatar

تاريخ التسجيل : 02/11/2010
البلد : مــــــ أم الدنيا ــــــصر

Egypt
عدد المساهمات : 375
المزاج : الحمد لله

09112010
مُساهمةالحلقة الثانية

الحلقة الثانية

محمد يدخل الكلية يدور على علي وبعد لف كتير في الكلية ايه ده ده شبه علي خالص


لا لا بس اكيد مش هو ايه المقشة اللي في وشه دي هههههههههههههه وللا البنطلون شكل الترزي ضحك عليه وخد باقي القماش وقعد يفحصه من فوق لتحت لا دا اكيد مش علي ولو علي امتى وازاي وليه حصله كده ويقطع تفكير محمد صوت علي...

علي:ايه يامحمد هو انا كنت بايت معاك امبارح وللا ايه ده بدل ماتخدني بالحضن قاعد تبصلي من فوق لتحت.

محمد :لا ابدا ياعلوة وياخده بالحضن وحشتني اوي انا معرفتكش يابني انت ايه اللي حصلك 3 شهور اجازة يحصلك كل ده ايه اللي حصلك؟!!!!

علي :بعدين احكيلك المهم انت ازاي تفوت اول محاضره من اولها كده طب حتي خليك ملتزم اول يوم.

محمد:صحيح عملتوا ايه من غيري.

علي:طبعا الدكتور كان زعلان جدا انك محضرتش وكان عايز يلغي المحاضرة لولا ان العدد كان كبير ..

محمد:انت بتتريق؟؟

علي:مانت اللي سؤالك غريب هنعمل ايه يعني من غيرك لاانت الكمبيوتر ولا البروجيكتور وللا حتي الميكروفون عشان المحاضرة تتعطل من غيرك..

محمد:ماشي ياعلوة بكره تعرف اهميتي.

علي:المهم انت ازاي راحت عليك نومه والفرق بين جلسة الشروق والمحاضرة قليل يعني ماتلحقش تنام فيه؟؟!!

محمد:مش اما اكون الاول صليت الفجر ابقي اقعد جلسة الشروق

علي:يعني انت ضيعت صلاة الفجر النهارده ازاي؟!!!

محمد:يلا ابدأ المحاضرة التانيه كلي اذان صاغيه امال يابني لومكناش دفنينه سوا ..
علي:دفنا مين ؟؟

محمد:ايه يابني احنا مش كنا بنصلي ايام الامتحانات وبعد كده بئي انت عارف انا بحب النوم اد ايه ...
اوعي تقولي ان انت لسه بتصلي الفجر!!!!!

علي:انا بفضل الله بصلي كل الصلوات في المسجد.

محمد:بجد عليه انا برده الكلام ده؟؟!!

علي:المهم دلوقتي يامحمد انا هرن عليك كل صلاة عشان اذكرك بيها وبالذات صلاة الفجر بس اياك تفتح عليه انا بقولك اهو والا هخليك تشحنلي...

محمد:براحه بس عليه احنا اول يوم في الدراسه..

علي:ماهو عشان كده لازم نفتح صفحه جديده مع ربنا احنا فرطنا كتير اوي يامحمد..

محمد:في سره فرطنا في ايه انا مش فاهم اي حاجه؟!!!

علي:هنبتدي من النهارده ..
اول حاجه لازم تعرفها اهميه صلاة الفجر
انا لواديتك صندوق فيه طوب وصندوق فيه دهب وقلتلك وصلهم مكان معين ياتري اهتمامك بالاتنين هيكون نفس الاهتمام؟؟

محمد:لا طبعا دا حتي لو صندوق الطوب ضاع بسيطه هشتري صندوق والطوب اهو كتيرفي الشارع لكن صندوق الدهب لو ضاع هعوضه ازاي؟؟

علي :الحمد لله اتفقنا بص بقي صلاة الفجر اغلي من كنوز الدنيا يعني لوضاعت مش هتعرف تعوضها...

1-قال رسول الله صلي الله عليه وسلم
( من صلى الصبح في جماعة فكأنما صلى الليل كله ) رواه مسلم .


2- قال رسول الله صلى الله عليه وسلم
( من صلى الفجر فهو في ذمة الله (حفظه) فلا يطلبنكم الله بشئ من ذمته ) حديث صحيح
رواه الطبراني ومسلم بلفظ مشابه .


3-قال رسول الله صلي الله عليه وسلم
( بشر المشائين في الظلم إلى المساجد بالنورالتام يوم القيامه ) صحيح .


كده اتفقنا ان صلاة الفجر مهمة ماشي ..

محمد:ماشي ياسيدي كمل باقي المحاضره اما اشوف اخرتها معاك

علي:بص بئي انت قبل ماتنام لازم تكون متوضي وتقول اذكار النوم بكره ان شاء الله هجيبلك كتاب حصن المسلم
وتكون مخلص انك عايز تقوم بجد تصلي ولازم تكون عارف ان صلاه الفجر دي ترمومتر علي صدقك شوف بئي انت صادق ولا .....
خلاص اتفقنا يامحمد هرن عليك وهستناك تكنسل

محمد:خلاص خلصت المحاضرة يلا بقى قولي ايه اللي غيرك كده

علي :هوا نا ههرب منك ماحنا مع بعض اهو يابني ان شاء الله هحكيلك تعالي بس نروح الجامع لان الظهر قرب يأذن وبعد الصلاه ان شاء الله هحكيلك

وفي الجامع علي يقوم يصلي السنة

علي:انت مش هتصلي السنة

محمد:دا كويس اني بصلي الفرض يابني

علي :ماشي ياسيدي بس الرسول صلي الله عليه وسلم بيقول من صلي اثنا عشر ركعه في اليوم والليله بنى الله له بيتا في الجنه

محمد :ماشي ماشي صلي انت بس وخليني اقعدلي شويه بقى عشان تحكيلي بين الاذان والاقامه

محمد :يراقب علي وهو بيصلي ايه دا الواد اتغير 180 درجه هو ايه اللي حصله ماكنشبيتكلم كده ابدا الواد اتجنن وللا ايه انا خايف عليه لاحول ولاقوه الابالله ايه ده وكمان بقى بيصلي كويس ماشاء الله ايه الخشوع والسكينه دي هومستني نتيجه امتحان تاني وللا ايه

ياتري ايه اللي حصله 3شهور يتقلب القلبه دي؟؟!!









اللهم إنك تسمع وترى ولا يخفى عليك شىء من أمرنا،فاحفظ مصر يارب من كل سوء ومكروه
يا حى يا قيوم برحمتك نستغيييث أصلِح لنا شأننا كله
ولا تكلنا إلى أنفسنا طرفة عين
اللهم وَلِّ علينا الصالحين من عبادك


عدل سابقا من قبل ali gabr في الثلاثاء 09 نوفمبر 2010, 10:05 pm عدل 1 مرات
الرجوع الى أعلى الصفحة اذهب الى الأسفل
http://aocg.yoo7.com
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

الحلقة الثانية :: تعاليق

avatar
رد: الحلقة الثانية
مُساهمة في الثلاثاء 09 نوفمبر 2010, 12:24 pm من طرف abusabry
روعة الحلقة دي جدا
بس مينفعش تحط الحلقات كلها
انا بستني علي نار
احبك
avatar
رد: الحلقة الثانية
مُساهمة في الخميس 11 نوفمبر 2010, 3:32 pm من طرف حنونة
جميل الحلقة عجبتني كتير
بس ياريت تستعجل بكتابه الحلقات الباقيه
[ faraoهفضل بانتظارك
 

الحلقة الثانية

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات طموح الجيل الحالي  :: القسم الادبي :: روايات وقصص :: انا مش ورقة!!!-
انتقل الى: