منتديات طموح الجيل الحالي
السلام عليكم
يشرفنا تسجيلكم معنا في أسرة منتدى طموح الجيل الحالي
كما نتمنى ان تقضو أوقاتا ممتعة على الانترنت

منتديات طموح الجيل الحالي


 
الرئيسيةالتسجيلدخول

شاطر | 
 

 الحلقة الرابعة عشر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ali gabr
نائب المدير
نائب المدير
avatar

تاريخ التسجيل : 02/11/2010
البلد : مــــــ أم الدنيا ــــــصر

Egypt
عدد المساهمات : 375
المزاج : الحمد لله

27112010
مُساهمةالحلقة الرابعة عشر

الحلقة الرابعة عشر

محمد:ها وانت عملت ايه يافاضي

علي:هقولك اهو

الحاج حسين:بص يابني انت دلوقتي سيبت المعاصي صح

علي:الحمد لله رب العالمين

الحاج حسين:المعاصي بقى مش هتسيبك في حالك وياريت كده وبس انت هتبدأ حرب

علي:حرب

الحاج حسين:ايوه حرب........... بس لازم قبل كل ده تعرف انت مشكلتك الاساسيه في ايه........ وايه اللي بيوقعك

بص يابني انت مشكلتك اللي

لازم تحط ايديك عليها عشان تعالج نفسك صح ......انت بتدور

علي الحب بس للاسف في مكان غلط ده مش حب ده وهم والله يابني

علي:طب واعمل ايه

الحاج حسين:انت لازم تدور علي حب جديد

علي:طب ومالها سها انا لسه هدور علي واحده تانيه

الحاج حسين:لا سها ولا واحده تانيه انا عايزك تحب
الله وتعلق قلبك بيه هو وبس
وبعدين انا عايز أسالك سؤال ......هي لو سها عرفت انك بتحب واحده تانيه معاها هتعمل فيك ايه

علي:هتعمل ايه........هتعمل كتير اوي اكيد هتشاكل معايا ومش بعيد توقع بيني وبين التانيه وتعملي مشاكل كتير لا انت مش متخيل هي بتحبني اد ايه

الحاج حسين:خلاص يابني

بص بقى ربنا مايرضاش انك تشرك في حبه حد تاني لازم ربنا وبس اللي يبقى علي عرش قلبك

فاهم يابني

علي:طب ما انا بحب ربنا

الحاج حسين:الحب يابني مش كلام الحب فعل

يعني انت عملت ايه عشان تعرف سها انك بتحبها

علي:يااااااااااااااااااااااااااااااااااه

الحاج حسين:بص بقى انا عايزك تحب ربنا بجد تحبه من كل قلبك وهو ده الحب الحقيقي اللي هيغنيك عن كل حب بتدور عليه

وعايزك من دلوقتي تدخل
الحضَّانة
علي:ليه هو انا لسه نموي ما أكتملش وللا ايه

الحاج حسين:ايوه انت.....

مش هينفع تواجه الحياة دلوقتي قبل مايكتمل نموك

محمد:هههههههههههه وان شاء الله دخلت اي مستشفي

علي:المهم

محمد:ايه ده هو انت مش هترد عليه

علي:لا ماليش مزاج المهم

الحاج حسين:بص يابني انت هتبدأ من دلوقتي دروس الثبات لان سها مش هتسيبك في حالك وربنا يسهل وتسافر في اقرب وقت

انت دلوقتي لازم تلزم المسجد والقراءن

صحيح انت حافظ كام جزء قراءن

علي:بلاش اسئله محرجه

الحاج حسين:ماشي يابني انت هتبدأ ان شاء الله حفظ من دلوقتي هنبدأ بجزءعم هو سهل وان شاء الله تتم حفظه في اقرب فرصه

علي:ومين اللي هيحفظني

الحاج حسين:ان شاء الله انا يلا نبدأ بأول سورة في الجزء وعارف لو مجيتش حافظ ......لا انا عارف انك ان شاء الله هتحفظ وهتختم في اقرب وقت

علي:ماشي هسمع بعد بكره

الحاج حسين:اتفقنا

وبعد الانتهاء من السورة

الحاج حسين:انا عايز لما تروح تسمع السوره وتفهم تفسيرها عشان كل سوره تبقي في قلبك وتمشي في عروقك ودمك ماشي

وانهارده بالذات عايزك تسمع سورة ق

علي:ليه

الحاج حسين:اسمع بس الكلام اسمعها مثلا للقارئ(...........)

علي:المشكله مش في القارئ

الحاج حسين:امال في ايه

علي:انا اصلا مش عندي قراءن علي الكمبيوتر ولا شرايط

الحاج حسين:لاحول ولاقوة الابالله خلاص تعالي معايا البيت انقلك كل القراءن علي فلاشه والتفسير كمان

علي:ماشي اتفقنا

الحاج حسين:انت لسه عند وعدك

علي:خلاص ان شاء الله اول ما اروح هسمعها

الحاج حسين:لا انا عارف انك هتعمل كده وياريت تسمعها كتير

وتقرا تفسيرها .......... انا قصدي سها

علي:سها ربنا يسهل

محمد:وبعدين عملت ايه

علي:انا اخدت الفلاشه وروحت البيت واول مادخلت شغلت سورة ق بصراحه انا في الاول ماكنتش حاسس بحاجه ومش فاهم ليه هو اختار سوره ق بالذات

شغلتها تاني وقلت اما اقرا التفسير

بس فجأه سمعت صوت سها بره

ايه ده هي جيه ليه اعمل ايه دلوقتي

اسماء:ازيك ياسها فينك

سها:الحمد لله ازيك يااسماء ايه اخبارك

امال علي فين

اسماء :في اوضته

سها:هو قافل الموبايل ليه انا قلقت عليه اوي

اسماء:مش عارفه هو اصلا اتغيير كتير انا مش عارفه ايه اللي حصله تخيلي بقى بيصلي

سها:اه .....ده بقى غريب اوي

انا كنت جايه عشان اخده ونروح نعزي خالتك مش واجب برده وللا ايه

اسماء:اه طبعا

سها:طب ممكن تقوليله

اسماء:ماشي
وتنادي اسماء عليا وانا طبعا كأني مش سامع

سها:ممكن يكون نايم

علي: وانا في اوضتى وهى بتقول .......ممكن برده امشي بقى

اسماء:لا دا لسه داخل من شويه مالحقش ينام يعني

علي:ماشي يااسماء لما اشوفك

سها:طب ممكن تدخلي تشوفيه


اسماء:ماشي........

علي:سها عايزاك بره.....انت مابتردش ليه كل ده مش سامع

علي:لا سامع

اسماء :طب وبعدين يعني هتسيبها واقفه بره كده

محمد:اه دي حتي قلة ذوق

علي:اعمل ايه.....هتزعل لو مانزلتش معاها طب حتي اخرج اعتذرلها وخلاص......طب والوعد دا لسه مأكد عليه النهارده وكأنه عارف انها هتيجي

انا لو اخلفت الوعد مش هقدر ابص في عينه تاني ولو ماطلعتش لسها هتزعل

طب والسوره اللي انا سمعتها دلوقتي والتفسير

بسم الله الرحمن الرحيم


وَلَقَدْ خَلَقْنَا الإِنْسَانَ وَنَعْلَمُ مَا تُوَسْوِسُ بِهِ نَفْسُهُ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ (16)



الحاج حسين مش شايفني بس ربنا شايفني


إِذْ
يَتَلَقَّى الْمُتَلَقِّيَانِ عَنْ الْيَمِينِ وَعَنْ الشِّمَالِ قَعِيدٌ
(17)مَا يَلْفِظُ مِنْ قَوْلٍ إِلاَّ لَدَيْهِ رَقِيبٌ عَتِيدٌ (18)



واي كلام هقوله لسها هيسجله الملكين.......اي ملك هيسجله


وَجَاءَتْ
سَكْرَةُ الْمَوْتِ بِالْحَقِّ ذَلِكَ مَا كُنْتَ مِنْهُ تَحِيدُ (19)
وَنُفِخَ فِي الصُّورِ ذَلِكَ يَوْمُ الْوَعِيدِ (20)


 

طب برده ممكن وانا بكلمها اموت ماهو محمود مات فجأه هقول لربنا ايه ساعتها مكنتش عايز ازعلها هي دي حجه


وَجَاءَتْ
كُلُّ نَفْسٍ مَعَهَا سَائِقٌ وَشَهِيدٌ (21) لَقَدْ كُنْتَ فِي غَفْلَةٍ
مِنْ هَذَا فَكَشَفْنَا عَنْكَ غِطَاءَكَ فَبَصَرُكَ الْيَوْمَ حَدِيدٌ
(22) وَقَالَ قَرِينُهُ هَذَا مَا لَدَيَّ عَتِيدٌ (23)




ويوم القيامه هيكون في سائق وشهيد

سائق لارض المحشر وشاهد علي اعمالي

ايوه يارب دا عمل كذا وكذا وعصاك في كذا وكذا وهيشهد بكل اللي عملته مع سها داانا عملت بلاوي كتير اوي


أَلْقِيَا
فِي جَهَنَّمَ كُلَّ كَفَّارٍ عَنِيدٍ (24) مَنَّاعٍ لِلْخَيْرِ مُعْتَدٍ
مُرِيبٍ (25) الَّذِي جَعَلَ مَعَ اللَّهِ إِلَهاً آخَرَ فَأَلْقِيَاهُ
فِي الْعَذَابِ الشَّدِيدِ (26)



ممكن ربنا يلقيني في النار ولا يبالي


قَالَ قَرِينُهُ رَبَّنَا مَا أَطْغَيْتُهُ وَلَكِنْ كَانَ فِي ضَلالٍ بَعِيدٍ (27)



والشيطان يتبرأ مني ويقول انا يارب ماضليتوش هواللي كان ضال


طب ماانا في غني عن كل ده دي الجنه






وَأُزْلِفَتْ
الْجَنَّةُ لِلْمُتَّقِينَ غَيْرَ بَعِيدٍ (31)هَذَا مَا تُوعَدُونَ
لِكُلِّ أَوَّابٍ حَفِيظٍ (32) مَنْ خَشِيَ الرَّحْمَنَ بِالْغَيْبِ
وَجَاءَ بِقَلْبٍ مُنِيبٍ (33)ادْخُلُوهَا بِسَلامٍ ذَلِكَ يَوْمُ
الْخُلُودِ (34)لَهُمْ مَا يَشَاءُونَ فِيهَا وَلَدَيْنَا مَزِيدٌ (35)



طب وايه اللي يستاهل اني اضيع الجنه عشانه دي الجنه




يارب خلاص انا تبت اليك انا مش هقدر اعصيك تاني لا مقدرش

انا مقدرش علي نار الدنيا .......طب ونار الاخره

لا انا خلاص مش هخلف وعدي مع الحاج حسين.......مش هخلف وعدي مع ربنا


اسماء:علي انت روحت فين .......ماترد عليه انت بقيت مابتسمعش

علي:ايه يااسماء مالك

اسماء :مالي ايه انا قاعده انادي عليك وانت ايه كل ده مش سامع يلا اطلع رد علي سها

علي:سها........لا قوليلها انا مش رايح في حته وخلاص قوليلها تنسي في يوم من الايام انها عرفت واحد اسمه علي

محمد:ايه ده بالسهوله دي تكسر قلبها طب وهي عملت ايه




يتبع ان شاء الله.....









اللهم إنك تسمع وترى ولا يخفى عليك شىء من أمرنا،فاحفظ مصر يارب من كل سوء ومكروه
يا حى يا قيوم برحمتك نستغيييث أصلِح لنا شأننا كله
ولا تكلنا إلى أنفسنا طرفة عين
اللهم وَلِّ علينا الصالحين من عبادك
الرجوع الى أعلى الصفحة اذهب الى الأسفل
http://aocg.yoo7.com
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

الحلقة الرابعة عشر :: تعاليق

avatar
رد: الحلقة الرابعة عشر
مُساهمة في الأحد 28 نوفمبر 2010, 8:31 pm من طرف عازفة لحن الرحيل




avatar
رد: الحلقة الرابعة عشر
مُساهمة في الثلاثاء 10 مايو 2011, 11:13 pm من طرف abusabry
محمد:هههههههههههه وان شاء الله دخلت اي مستشفي
هههههههههه
احلي تعليق في الحلقة دي
 

الحلقة الرابعة عشر

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات طموح الجيل الحالي  :: القسم الادبي :: روايات وقصص :: انا مش ورقة!!!-
انتقل الى: