منتديات طموح الجيل الحالي
السلام عليكم
يشرفنا تسجيلكم معنا في أسرة منتدى طموح الجيل الحالي
كما نتمنى ان تقضو أوقاتا ممتعة على الانترنت

منتديات طموح الجيل الحالي


 
الرئيسيةالتسجيلدخول

شاطر | 
 

 الحلقة السادسة عشر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ali gabr
نائب المدير
نائب المدير
avatar

تاريخ التسجيل : 02/11/2010
البلد : مــــــ أم الدنيا ــــــصر

Egypt
عدد المساهمات : 375
المزاج : الحمد لله

08122010
مُساهمةالحلقة السادسة عشر

الحلقة السادسة عشر

علي:انا نفسي يامحمد اقولك حاجه من اول مابدات احكيلك القصه

محمد:خير

علي:بصراحه يامحمد انت اللي دخلك تجارة ظلمك وظلم الناس اللي هتقع تحت ايدك ربنا يكون في عونهم

محمد:ليه كده بس ياعلوة انا عملت ايه

علي:كل ده وماعملتش امال لو عملت هتقول ايه اكتر من كده

محمد:ايه ياعلوة والله انا بحبك اوي ونفسي بجد نبقي اصحاب طول العمر وعايز اطلب منك طلب

علي:طلب ايه

محمد:مش هتضربني

علي:اما اشوف قول بس يارب صبرني

محمد:انا كنت عايز يعني اننا نبقي نسايب

علي:نعم بتقول ايه............... نسايب يعني ايه

محمد:هو انت عندك اخوات تانيه غير اسماء

علي:اسماء ..........تعرف اني مش طايقكوا انتوا الاتنين بس بصراحه ان خايف علي البشريه من نسلكم ..........لا كفايه كده اوي
سيبك من موضوع اسماء دلوقتي

وبعدين هي البت هتعنس جنبك انت لسا لك كتير اوي

يابني ...........وبعدين يعني انت لما تشتغل هتاخد ايه يعني يابني اسكت وخليني اكمل حكايتي انت لسه في سنه اولي


محمد:استني بس

علي:اعقل يامحمد الله يهديك لما تكبر وتعقل نبقي نتكلم في الموضوع ده

محمد:اعقل ليه هو انا مجنون

علي:لا ابدا انا اللي مجنون اسمعني بقى

محمد:كمل ياسيدي

علي:انا لما روحت الجامع وكلمت الحاج حسين وقلتله انا مقدرش علي الطريق ده صدقني

الحاج حسين:بص يابني ياحبيبي انا مش عايز اسمع منك كلمه مقدرش دي ابدا عايز اسمعها منك في حاله واحده بس


علي:حاله ايه

الحاج حسين:عايزك تقول مقدرش ......مقدرش يارب اعصيك ابدا مش هسمحلك تقولها الافي الحاله دي بس انا عايز يبقي شعار حياتك دايما

بسم الله الرحمن الرحيم
(إِنِّي أَخَافُ إِنْ عَصَيْتُ رَبِّي عَذَابَ يَوْمٍ عَظِيمٍ 15))


ماشي ياعلي انا عايزك تسمعني كويس فاكر الحرب اللي قولتلك عليها


علي:ايوه فاكر

الحاج حسين:الحرب دي بقى هتكون بينك وبين نفسك والشيطان والمعاصي والناس كمان كل دول مش هسيبوك في حالك بعد ماتتوب

علي:حرب انا .......

الحاج حسين:ماتقولش مقدرش........هتقدر ان شاء الله

علي:طب واعمل ايه

الحاج حسين:انت تركت المعاصي وبعدت عنها اه لكن المعاصي دي لسه في قلبك
يعني مهمتنا دلوقتي قلبك ......قلبك ياعلي الورم الخبيث ده في قلبك

علي:انا عندي ورم خبيث امتي ده

الحاج حسين:ايوه ورم المعاصي والذنوب اللي لو ماقضيتش عليها هي اللي هتقضي عليك وتموت قلبك وتموتك

انت
لما تدخل الجامعة ان شاء الله هتعرف ان الورم الخبيث في اي مكان في الجسم
الدكتور الشاطر لما يجي يعالجه لازم يقطع الورم ويشيله تماما وياخد جزء
سليم من جنب الورم ويقطعه كمان عشان يقلل نسبه رجوع المرض مره تانيه


انت لازم تعمل العمليه دي وحالا
قلبك لازم ينضف عشان يصلح لحب الرحمن
خليك معايا واحدة واحده كده وماتملش ابدا.....ماشي

هسألك شويه اسئله ورد عليه

الحاج حسين:انا
لو بعتك في مهمه مدتها ساعه واحده بس ومقابل المهمه دي هديك قدر من المال
ولو مانفذتش المهمه هحرمك من المال ده وهزعل منك هتعمل ايه في الساعه دي


علي:اكيد طبعا هركز عشان الحق اخلص اللي طلبته مني قبل مالوقت يخلص

الحاج حسين:طب في الساعه دي هتدي لسها ميعاد او هتتسلي بسماع اغنيه او فيلم اووو اي حاجه تشغلك عن المهمه

علي:لا طبعا انا مقدرش علي زعلك والله

الحاج حسين:طب كويس
طب انت ترضي تقعد في بيت خراب

علي:لا طبعا

الحاج حسين:كويس اوي
طب انت لو معاك اسفنجه مليانه ميه مش نضيفه هتعمل فيها ايه

علي:هعصرها عشان تنزل اللي فيها وبعد كده اغسلها

الحاج حسين:كويس اوي يابني
سؤال كمان انت لو نويت تبني عماره وخلاص رميت الاساس وبدات تبني فيها لو حد جه يهدها هتسيبه

علي:لا طبعا بعد التعب ده كله اسيبه ازاي

الحاج حسين :ماشي اتفقنا

علي:اتفقنا عليه ايه.....

الحاج حسين:علي الكلام اللي قولتهولك

علي:يعني ايه انا مش فاهم اي حاجه

الحاج حسين:هفهمك يابني ركز انت بس معايا امشي معايا واحده واحده كده لحد الاخر
عارف المهمه اللي سالتك عليها دي ايه دي مهمتك في الدنيا عارف انت مهمتك في الدنيا انك تعبد ربنا وتجمع حسنات عشان تدخل بيها الجنه
والساعه اللي قولتلك عليها دي عمرك بس للاسف انت مش عارف هو هيخلص امتي فاكر محمود رحمه الله ......

عارف انت لو مانفذتش المهمه ....مش هتتحرم من مال او جاه لااااااااا دانتا هتتحرم من الجنه...الجنه ياعلي

وعارف
انا لو زعلت منك عادي انا لااساوي شئ في ملك الرحمن لكن لو ربنا غضب عليك
بتفريطك في المهمه اللي خلقك عشانها هتعمل ايه وقتها يوم لا ينفع مال ولا
بنون


وعارف البيت الخراب اللي انت ماترضاش تقعد فيه ايه هو

علي:ايه

الحاج حسين:
ده قلبك اللي خربته بالمعاصي وزي ماانت ماترضاش تقعد في بيت خراب ولله
المثل الاعلي ربنا مايرضاش بقلبك ده ابدا يعني زي ماقولتلك مهمتنا قلبك


علي:طب والاسفنجه دي ايه

الحاج حسين:برده قلبك

علي:برده قلبي ايه حكاية قلبي

الحاج حسين:ايوه قلبك ده حكايه اسمع كده

يقول الرسول الكريم صلي الله عليه وسلم (ألا إن في الجسد مضغة إذا صلحت صلح الجسد كله، وإذا فسدت فسد الجسد كله ألا وهي القلب) رواه[البخاري ومسلم)


يعني لازم قلبك اللي يتصلح الاول لان صلاحه هيصلح باقي الجسد

يعني قلبك ده عامل زي الامير وباقي الاعضاء والجوارح خدم عنده
يعني قلبك ده هو اللي بيأمر وينهي

علي:طب وانا هعصر قلبي زي الاسفنجه ازاي ده

الحاج حسين:ايوه لازم قلبك يتعصر عشان ينزل كل المعاصي اللي فيه وينضف عشان يصلح لحب الرحمن

علي:قلبي هيتعصر

الحاج حسين:اه العصرة دي بتدل اصلا علي حياة قلبك

علي:يعني ايه اصلا قلبي يتعصر

محمد:ههههههههههههه هيعمل عصير قلب حلوه حلوه هههههههههههههههه ابقى اديني شويه عصير قلب واتوصي والله ياواد ياعلوة دمك خفيف
عصير قلوب قال عصير قال ممكن برده تضيف عليه حبه كلاوي يبقى كوكتيل ايه ماقولكش

علي:وعايز نبقى نسايب لا كفايه نبقى اصحاب كفايه اوي

محمد:ليه كده بس دا انا بحبك هات حبه عصير بقى

علي:عصير في عينك امشي من وشي والله ماانا مكملك النهارده باقي القصه

محمد:استني بس

علي:انا لو فضلت كمان شويه معاك هينقلوني المستشفي اوعي سيبني انا ماشي


محمد:استني
بس ياعم هديك حساب العصير استني بس صحيح امتي عملت العمليه ااااااااااه
انت سافرت السعوديه عشان تعملها هناك .....ماترد عليه ياعلوة مش هقاطعك
تاني



يتبع ان شاء الله









اللهم إنك تسمع وترى ولا يخفى عليك شىء من أمرنا،فاحفظ مصر يارب من كل سوء ومكروه
يا حى يا قيوم برحمتك نستغيييث أصلِح لنا شأننا كله
ولا تكلنا إلى أنفسنا طرفة عين
اللهم وَلِّ علينا الصالحين من عبادك
الرجوع الى أعلى الصفحة اذهب الى الأسفل
http://aocg.yoo7.com
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

الحلقة السادسة عشر :: تعاليق

avatar
رد: الحلقة السادسة عشر
مُساهمة في الأربعاء 08 ديسمبر 2010, 8:03 pm من طرف عازفة لحن الرحيل
يابني يا محمد ما تسيب الراجل بحاله
هو دا وقته الهزار ربنا يهديك
لا لا ماينفعش تصير نسيبه
لا لا باهزر والله انت دمك خفيف
*
* قصه جميله جدا وممتعه
تسلم الايادي

احبك احبك احبك
avatar
رد: الحلقة السادسة عشر
مُساهمة في الأربعاء 08 ديسمبر 2010, 8:50 pm من طرف abusabry
ربنا يهدي الجميع
بس محمد محلي برده القصة
حلقة ولا اروع
 

الحلقة السادسة عشر

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات طموح الجيل الحالي  :: القسم الادبي :: روايات وقصص :: انا مش ورقة!!!-
انتقل الى: