منتديات طموح الجيل الحالي
السلام عليكم
يشرفنا تسجيلكم معنا في أسرة منتدى طموح الجيل الحالي
كما نتمنى ان تقضو أوقاتا ممتعة على الانترنت

منتديات طموح الجيل الحالي


 
الرئيسيةالتسجيلدخول

شاطر | 
 

 الحلقة السابعة عشر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ali gabr
نائب المدير
نائب المدير
avatar

تاريخ التسجيل : 02/11/2010
البلد : مــــــ أم الدنيا ــــــصر

Egypt
عدد المساهمات : 375
المزاج : الحمد لله

11122010
مُساهمةالحلقة السابعة عشر

الحلقة السابعة عشر

علي:ازيك يامحمد ايه اخبارك

محمد:والله بجد.......... بعد مامشيت وسبتني امبارح لااااااااااااا ولك عين ترن عليه كل صلاه لا بجد كتر خيرك

علي:ايه يامحمد ماانت اللي بتنرفزني بكلامك وعلي العموم ياسيدي حقك عليك خلاص بقى

محمد:خلاص ياسيدي سماح المره دي ها هتكملي الحكايه امتي

علي:بعد المحاضرات ........ماشي اتفقنا

محمد:ماشي ياسيدي

وبعد انتهاء المحاضرات

علي:احنا وقفنا لحد فين امبارح

محمد:مابلاش اقول احسن ماهو ده اللي زعلك

علي:ااااااااااه لحد العصير

محمد:ايوه كمل بقى

علي:ماشي

الحاج حسين:قلبك يابني لازم يتعصر انت صحيح سبت المعاصي وبعدت عنها بجسدك لكن المعاصي دي لسه ساكنه بقلبك

يعني انت خلاص مش هتسمع اغاني ولا هتشوف افلام ولا هتتكلم مع سها وانا واثق من ده بس الحاجات دي لسه صوتها وصورتها في قلبك

العصرة اللي هتحصل في قلبك دي نتيجه لتوبتك

فانت لما تتوب هتفقد حاجات كنت بتحبها ومعاصي اتعودت عليها

قلبكبقى هيتعصر نفسك وشيطانك هيقولولك واحنا كان مالنا بس ماكنا كويسين مش كنتتتوب لما تعيش حياتك شويه وتتمتع بيها وهيقولولك دايما انت ماتنفعش للطريقده

وسوسه الشيطان دي يابني ليك هتدل علي حياة قلبك.....قلبك فيه خير واالشيطان هيحاول ينزعه منك

فاصبر علي العصرة دي شويه وان شاء الله تنطلق بعدها
والحرب اللي قلتلك عليها خلاص بدات من اول النهارده

علي:استني بس عليه انا مش مستوعب

الحاج حسين:اصبر بس يابني وماتقولش صعب ومااقدرش

شويه صبر بس انت لازم كمان تندم علي ذنوبك وتفريطك في حق الملك
انت عارف انت هتتعرض لفتن بعد توبتك بس لازم تثبت

يعني اهلك هيقولوا مالك يابني ماانت كنت كويس انت هتبقي ارهابي ولاايه

وسها مش حرام عليك كده كسرت قلبها

طب وكمان الافلام والاغاني حرام كل حاجه عندك بقت حرام ووووو

واصحابزمان طبعا هيحاولوا يرجعوك لورا تاني هيقولوا فين ايامك كان مالك انتاتجننت في عقلك ولا ايه عشان كده حاول تبعد عنهم دلوقتي لحد ماتثبت

والناس دول بقى موال تاني لانهم مش هيعجبهم اي حال ......دلوقتي هيقولوا خلاص الواد هيعملنا فيها شيخ وهيقولنا بقى حلال وحرام
كل الحرب دي عشان تتميز

علي:اتميز في ايه

الحاج حسين:تتميز في توبتك توبتك دي كانت صادقه ولا اي كلام

انا مش عايزك طبعا تبقى اي كلام

انت هتتغربل

علي:اتغربل وللا اتميز

الحاج حسين:الاتنين

علي :يعني اعمل ايه

الحاج حسين:بص يابني الحرب والفتن دي هي اللي هتميزك وتغربلك انت صادق وللا كذاب
اسمع الايه دي

بسم الله الرحمن الرحيم
الم (1)أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لا يُفْتَنُونَ (2

 
وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ (3)

فهمت الفتن دي ليه والحرب اللي هتقابلك دي ليه


انا عايزك دايما تتدعي ربنا زي مالرسول عليه الصلاة والسلام بيدعي ربنا

وتقول(يامقلب القلوب ثبت قلبي علي دينك)

انت معايا ياعلي

علي:ايوه ايوه مع حضرتك بس انا هثبت ازاي علي الطريق ده وانا لسه مش عارف اي حاجه فيه خالص وكمان فيه عصره وحرب وفتن هقدر

الحاج حسين:ايوه هتقدر استعن بالله ولاتعجز

الاول العمليه اللي كلمتك عليها لازم تتعمل الاول

علي:عمليه ايه

بيضرب علي قلبي بقبضه ايده

الحاج حسين :هنا العمليه هنا الورم هنا لازم نستأصله

المعاصي كلها لازم تتقطع وتتشال من قلبك مش هينفع تعيش والورم ده جواك لانه اكيد هياثرك علي باقي اعضاءك

علي:طب والجزء السليم ده ايه

الحاج حسين:دي الحاجه اللي في حياتك اللي ممكن المعاصي توصلك من خلالها واهم حاجه طبعا انا خايف عليك منها هي سها
قولي هو مين اقرب اصحابك ليك اللي ممكن سها توصلك من خلاله

علي:محمد

محمد:ايه ده هو هيعمل فيه ايه معلش يعني ده بيسأل عليه

علي:هيقطعك وياريته قطعك للابد هههههه

محمد:هيقطعني ليه انا عملت ايه حرام عليكوا

علي: طبعا يامحمد انت اقرب اصحابي ليه وزي ماانت قلتلي ان سها طول الاجازهكانت مزهقاك اسئله عليه فعشان كده كان لازم اقطع صلتي بيك انت كمان لانانت كنت الحبل اللي هيوصلني ليها ويوقعني تاني بعد ماوقفت علي رجلي كنتواهتكعبلوني هههههه

محمد:كعبله ايه احنا هنلعب

علي:لا هنعمل العمليه

الحاج حسين :خلاص هو محمد ده لازم تنساه دلوقتي لحد ماتخرج من العنايه المركزه

محمد:ايه ده انت دخلت المستشفي انت ليه ماتصلتش بيه عشان ازورك انا زعلان منك جدا انت غلطت في حقي كتير اوي
قطعتني وكمان ماقولتليش علي ميعاد العمليه عشان حتي ازورك واعمل الواجب معاك

علي:انت عملت الواجب وزياده

محمد:طب وانت قعدت اد ايه في العنايه المركزه وعملت فيها ايه

علي:هقولك بكره ان شاء الله





يتبع ان شاء الله









اللهم إنك تسمع وترى ولا يخفى عليك شىء من أمرنا،فاحفظ مصر يارب من كل سوء ومكروه
يا حى يا قيوم برحمتك نستغيييث أصلِح لنا شأننا كله
ولا تكلنا إلى أنفسنا طرفة عين
اللهم وَلِّ علينا الصالحين من عبادك
الرجوع الى أعلى الصفحة اذهب الى الأسفل
http://aocg.yoo7.com
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

الحلقة السابعة عشر :: تعاليق

avatar
رد: الحلقة السابعة عشر
مُساهمة في السبت 11 ديسمبر 2010, 9:54 pm من طرف abusabry
حلقة شيقة
بس الحلقة اللي فاتت هي الالمع
حتي الان
avatar
رد: الحلقة السابعة عشر
مُساهمة في الأحد 12 ديسمبر 2010, 5:55 pm من طرف عازفة لحن الرحيل
روعه روعه روعه
تسلم الايادي
وبإنتظار الباقي
 

الحلقة السابعة عشر

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات طموح الجيل الحالي  :: القسم الادبي :: روايات وقصص :: انا مش ورقة!!!-
انتقل الى: