منتديات طموح الجيل الحالي
السلام عليكم
يشرفنا تسجيلكم معنا في أسرة منتدى طموح الجيل الحالي
كما نتمنى ان تقضو أوقاتا ممتعة على الانترنت

منتديات طموح الجيل الحالي


 
الرئيسيةالتسجيلدخول

شاطر | 
 

 الحلقة التاسعة عشر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ali gabr
نائب المدير
نائب المدير
avatar

تاريخ التسجيل : 02/11/2010
البلد : مــــــ أم الدنيا ــــــصر

Egypt
عدد المساهمات : 375
المزاج : الحمد لله

13122010
مُساهمةالحلقة التاسعة عشر



الحلقة التاسعة عشر






وبعد انتهاء صلاة المغرب



الحاج حسين:بص يابني انت هتخرج من العنايه المركزه

بمناعه ايمانيه

والمناعة الايمانية دي هتستمر معاك طول العمر باءذن الله


محمد:ايه المناعة الايمانيه دي كمان

علي:هقولك يامحمد



علي:ولزمتها ايه المناعه الايمانيه دي وهي ايه اصلا


الحاج حسين:بص اي انسان ربنا خلقه عنده مناعه ضد

الامراض المناعه دي عمله زي حرس الحدود تتعرف علي اي

ميكروب دخل الجسم وتهاجمه

ونتيجه الهجوم دي بتتوقف علي قوة المناعه والمرض والغلبه

طبعا للاقوي

فالقوي في الهجوم ده هو اللي بيكسب المعركه في الاخر

تعرف سبحان الله كمان المناعه دي بتعمل اجسام مضاده ضد

الميكروب ده وعند الاصابه بيه مره تانيه بيكون الجسم خلاص

في اجسام مضاده للميكروب ده وبالتالي

الجسم لايصاب بنفس الميكروب سبحان الخلاق

والله تعرف يابني المناعه دي بتفكرني بكلام الرسول صلي الله

عليه وسلم عن أبي هريرة رضي الله عنه قال: قال رسول الله صلى الله عليه وسلم: "لا يُلْدَغ المؤمن من جُحْرٍ واحدٍ مرتين" متفق عليه.



علي:سبحان الله


الحاج حسين:ان شاء الله لماتدخل الكلية هتعرف الكلام ده

بالتفصيل وهتعرف عظمه الملك


علي:طب دي المناعه الطبيعيه في جسم الانسان

ايه المناعه الايمانيه بقى


الحاج حسين:المناعه الايمانيه دي زي المناعه الطبيعيه في

جسم الانسان بالظبط

بس المناعه دي ان شاء الله هتتكون عندك بالطاعات زي

مااتفقنا اللي هتعمله في العنايه المركزه


علي:طب ولزمتها ايه


الحاج حسين:لزمتها يابني انت ماتقدرش تعيش من غيرها اصلا


علي:للدرجه دي


الحاج حسين:ايوه يابني انا مش قولتلك ان امراض القلوب اشد

واصعب بكتير من امراض الابدان

وممكن كمان تكون مريض بقلبك والمصيبه الكبيره انك تكون

مش حاسس

قلبك بيقولك ارحمني انا تعبان.....تعبت من حب المعاصي ومن

الحب المحرم قلبك يصرخ جواك يقولك انا ماتخلقتش لكده وانت

ولاانت هنا


علي:هو قلبي اتخلق ليه


الحاج حسين:عشان حب ربنا حب الملك الله عزوجل

المناعه الايمانيه بقى دي مهمتها اكتشاف اي ميكروب معاصي

والقضاء عليه في الحال

وطبعا زي ماقولتلك ان هي بالظبط زي المناعه الطبيعيه في

جسمك يعني الغلبه فيها للاقوي

يعني اي ميكروب معصيه يدخلك وظيفة المناعه دي التعرف

عليه والقضاء عليه في الحال

لا وكمان لازم تعمل اجسام مضاده عشان ماتقعش في المعصيه

دي مره تانيه لان انت تعبت اوي في القضاء عليها في المره الاولي


علي:طب المناعه دي لو مقدرتش علي ميكروبات

المعاصي ايه اللي يحصل


الحاج حسين:ايه اللي يحصل.........

زي مالمناعه الطبيعيه في جسمك بالظبط لو ماقدرتش تواجه

الميكروب وتقضي عليه

الميكروب ده ممكن يقضي علي العضو اللي هو موجوده فيه

لا وكمان في بعض الميكروبات ربنا يعافينا بتتخفي وتوهم

الجسم انها منه وتدمر جهاز المناعه بالكليه تخيل

يعني جهاز المناعه اللي ربنا خلقه عشان يحمي الانسان

الميكروبات دي تدمره قولي بقى

ازاي الانسان يعيش ربنا يعافينا

المناعة الايمانيه دي بقى اللي عندك لو ماتعرفتش علي

الميكروب اول مايدخل جسمك ممكن يدمر الجزء اللي اصابه

الميكروب وبمرور الوقت هيقضي علي المناعه الايمانيه اللي

تعبنا فيها عما اتبنت

عشان كده انا مش هسمحلك ابداااااااااااااااااااااا انت ثمرة قلبي

وعنيه مش هسمحلك تدمر المناعه دي


علي:طب ......


الحاج حسين:بص انا هوضحلك بأمثله

مثلا يعني انت لما تكون ملتزم بفضل الله في الصلاه ومحافظ عليها في اوقاتها

لو اصابك ميكروب التهاون في الصلاه مش من اول يوم يعني

هتترك الصلاه بالكليه

يعني في بدايه الامر والمناعه الايمانيه طبعا نايمه في الوقت ده

هتبدا تفرط في مواعيدها

اه بتصلي بس مش في وقت الصلاه وبعد كده تترك النوافل وتبدا

بالتفريط في بعض الفروض

حتي ينتهي الامر بالتفريط في الصلاه بالكليه وفي الوقت ده

تكون المناعه اصلا اضربت

لكن لو المناعه تعرفت علي ميكرب التهاون في الصلاه في بدايه

الامر مكانش حصل كل ده يعني المناعه الايمانيه دي لازم تكون

صاحيه عندك طول الوقت

فهمت قصدي ايه

وده بينطبق علي كل المعاصي يعني برده اطلاق البصر

انت في بدايه الامر مش حاسس اصلا ان عندك مشكله تبص هنا

وتبص هناك في الشارع والتليفزيون والنت وغيره

مش حاسس ان عينيك باظت اصلا

لحد مالمناعه تدمر وتقع في حب محرم وغيره من المشاكل الكتير

واحنا في غني عن كل المشاكل دي فالوقايه خير من العلاج

انا عايزك يابني تحفظ نفسك وتعتصم بالله دايما


هو انت هتسافر امتي؟


علي:ان شاء الله علي الاسبوع الجاي


الحاج حسين:الله المستعان انت عارف انا نسيت اقولك ان سيدنا
يوسف فضل انه يتسجن علي انه يعصي ربنا لا وكمان في
السجن بقى داعيه الي الله تخيل

السجن اللي هو مكان المجرمين سيدنا يوسف كان فيه داعيه

الي الله انا عايزك بقي تقلده تكون عفيف عن المعاصي وتعتصم بالله


علي:وادخل السجن .......سجن ايه


الحاج حسين:مش سجن بالمعني المفهوم لكن انا عايزك تلزم

الطاعه لان الطاعات دي هتكون دايما حاجز بينك وبين

المعاصي وكل ماجدار الطاعه كان قوي المعاصي ماتقدرش

تخترقه

انا عايزك قبل ماتسافر السعوديه يبقي عندك مناعه قويه جدا

وحواجر وجدر منيعه ضد المعاصي

عشان ان شاء الله لماترجع من السفر هنبتدي بدايه تانيه


علي:انا هقدر!!!


الحاج حسين:بحول الله وقوته هتقدر ماتستصعبش انت بس الامور ولما ترجع من السفر لينا كلام تاني


علي:كلام تاني!!!!!


وبالفعل يسافر علي

وهو على وعده مع الحاج حسين انه خلاص مش هيكلم سها

وكان في فتره وجوده هناك بالسعوديه كان علي اتصال دائم بالحاج حسين

وفي كل اتصال يطمن الحاج حسين عن حالة علي الايمانيه

وبعد رجوع علي من السفر اول واحد يروح يسلم عليه

الحاج حسين ويلاقيه كالعاده في الجامع

واول مالحاج حسين يشوف ابنه علي يقوم ياخده

بالحضن ويقوله اهلا ابني الغالي


الحاج حسين:وحشتني اوي يابني انا فرحان بيك اوي


علي:والله وحضرتك كمان وحشتني


وبعد مالحاج حسين يطمن على علي وعلي:يحكيله هو عمل ايه هناك


علي:انا خلاص قررت اني مادخلش تجارة!!


محمد:امال انت بتعمل ايه معايا دلوقتي اوعي تقول انك جاي

تقضي معايا يومين وتسيبني بس انت بتحضر محاضرات

وملتزم بالمواعيد وللاانت لسه مابداتش دراسه في كليتك وقولت

تيجي تقعد معايا وتسمع حبه محاسبة هههههههه انت فاضي يابني




يتبع ان شاء الله ......









اللهم إنك تسمع وترى ولا يخفى عليك شىء من أمرنا،فاحفظ مصر يارب من كل سوء ومكروه
يا حى يا قيوم برحمتك نستغيييث أصلِح لنا شأننا كله
ولا تكلنا إلى أنفسنا طرفة عين
اللهم وَلِّ علينا الصالحين من عبادك
الرجوع الى أعلى الصفحة اذهب الى الأسفل
http://aocg.yoo7.com
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

الحلقة التاسعة عشر :: تعاليق

avatar
رد: الحلقة التاسعة عشر
مُساهمة في الإثنين 13 ديسمبر 2010, 6:41 pm من طرف عازفة لحن الرحيل
ههههههههه حلوة دي

شكرا لك على القصه
وبانتظار الباقي
avatar
رد: الحلقة التاسعة عشر
مُساهمة في الثلاثاء 10 مايو 2011, 11:37 pm من طرف abusabry
يا علي التعليقات بتاعة محمد ههههههههههه
حلوة جدا
 

الحلقة التاسعة عشر

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات طموح الجيل الحالي  :: القسم الادبي :: روايات وقصص :: انا مش ورقة!!!-
انتقل الى: