منتديات طموح الجيل الحالي
السلام عليكم
يشرفنا تسجيلكم معنا في أسرة منتدى طموح الجيل الحالي
كما نتمنى ان تقضو أوقاتا ممتعة على الانترنت

منتديات طموح الجيل الحالي


 
الرئيسيةالتسجيلدخول

شاطر | 
 

 الحلقة السابعه والعشرون

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ali gabr
نائب المدير
نائب المدير
avatar

تاريخ التسجيل : 02/11/2010
البلد : مــــــ أم الدنيا ــــــصر

Egypt
عدد المساهمات : 375
المزاج : الحمد لله

01052011
مُساهمةالحلقة السابعه والعشرون


الحلقة السابعه والعشرون


محمد:
خلاص ياعلوة كمل سماح المره دي

علي:اما اشوف اخرتها معاك
الحاج حسين قعد يتكلم معايا لدرجه اني حسيت اني دي
اخر مره هيكلمني فيها
كل كلمه وكل حرف قاله محفور جوايا زي ماهو
قالي......... كأني سامعه دلوقتي
انا اول ماسمعته قال قفل
استغربت اوي وسالته

علي:قفل ايه...... وليه

الحاج حسين:القفل ده اللي لازم يكون على قلبك مكان
ماتروح لازم يكون موجود........ القفل ده هو حياتك

علي:حياتي ......القفل

الحاج حسين:ايوه .......انت لو عندك شئ غالي اوي
هتسيبه كده من غير ماتحافظ عليه

علي:لا طبعا اكيد هخاف عليه زي عنيه

الحاج حسين:اهو انت قولت اهو بلسانك

علي:انا مش فاهم حاجه

الحاج حسين:بص يابني انا عايزك تجاوبني بصراحه
الاول
انت حاسس بايه دلوقتي

علي:حاسس اني خايف وعايز اروح

الحاج حسين:لا انا مش قصدي كده انا قصدي انت ايه
حالك دلوقتي وكان ايه حالك قبل وفاه محمود و قبل
ماتدخل الجامع

علي:الفرق بين حالي دلوقتي وحالي زمان
ياااااااااااه دا فرق كبير اوي
مايحسش بيه الا كل بعيد وقرب من تاني
انا كنت غريق وربنا نجاني من بحر المعاصي اللي
بيغرق كل اللي يقرب منه
انا كنت ميت قبل وفاه محمود......اه انا مكنتش عايش
والله زي ماحضرتك قولت انا لازم فعلا اشكر نعمه ربنا
اللي امهلني وانا اللي كنت بعصيه طول الفتره اللي فاتت
محمود مات خلاص وادفن ربنا يرحمه رحمه واسعه وانا
ربنا احياني من جديد
ازاي تاني ابعد عنه....... ازاي اعصيه وهو كريم اوي
ممكن كنت ابقي مكان محمود اه ممكن ليه مش ممكن
احنا الاتنين اد بعض وهو مات فجاه من غير مايكون
تعبان ولاحاجه وكنا بنعصي ربنا مع بعض
وفرطنا في حق ربنا كتير
ودلوقتي........هو دخل قبره لوحده واكتر ناس بتحبه
سابته لوحده ومشت
ومين يقدر يقعد معاه ثانيه واحده في القبر ده........
القبر ضلمه دلوقتي وهو مفتوح امال لو اتقفل عليه
لوحده
لاااااااا انا مقدرش ابعد تاني ولااقدر افرط
مش هموت نفسي تاني بالمعاصي
لااااااا انا جربت معني الحياه.......انا حاسس بحاجات
حلوه وجميله اوي بس مش قادر اوصل لحضرتك
احساسي
والله انا مااقدرش اعصي ربنا تاني
انا بحبه اوي

الحاج حسين:مبارك عليك يابني والله انت وفرت عليا
كلام كتير اوي
وبكاءك ده دليل على صدقك وحياة قلبك
الحمد لله رب العالمين الذي يحيي القلوب بعد موتها
عشان كده يابني انا عايز كل المعاني الحلوه دي وكل
الاحاسيس اللي انت عايشها دلوقتي
تفضل في قلبك طول مانت عايش
تحافظ عليها لانها حياتك....تحافظ عليها لانها اغلي من
اي شئ تاني
عشان كده انا عايزك تحط قفل علي قلبك عشان محدش
يخطف المعاني دي اللي انت تعبت فيها وجاهدت عشانها
عشان لو المعاني والاحاسيس دي ضاعت هتحس باللآم
الموت
لان اللي جرب وعاش وحس مش زي اللي مجربش
ولاااااا عاش
يعني اللي عاش حلاوه القرب وحلاوه الحب لما الحاجات
دي تضيع منه هيحس باوجاع ووحشه

علي:
والقفل ده اجيبه منين

الحاج حسين:هقولك تجيب القفل ده منين بس لازم
تعرف الاول ازاي الحاجات اللي في قلبك دي تتخطف
يعني المفروض تعرف اعدائك اللي انت هتحاربهم عشان
تاخد احتياطاتك ضدهم

علي:اعداء

الحاج حسين:ايوه
ماتفتكرش انك هتلتزم كده وخلاص هتعدي الامور بسلام

لا

لازم هتتعرض للفتن دا غيرالناس اللي مش بيعجبهم
العجب
ومعاصي زمان
كل دي اعداء انت بقي لازم تاخد احتياطاتك وتقفل كل
المداخل
والقفل ده تاخده وتحطه علي قلبك المسيطر علي المداخل
فتكون مستريح ان محدش هيدخل ويخطف اللي في قلبك
المداخل دي هي عينيك وودانك ولسانك وايديك ورجليك
كل المداخل دي لازم تقفلها عن كل المعاصي
وكأنك
بتقفل الباب في وش المعاصي وبتقولها لاااا انا مش
هسمحلك بالدخول ابدا
لانك اول ماتفتح بس الباب قصدي المداخل اللي قولتلك
عليها دي المعاصي هتدخل البيت قصدي هتدخل قلبك

وهتسكن فيه

والحاجات اللي في قلبك اللي انت كلمتني عنها دي
عزيزه وغاليه اوي مش هتقعد في مكان في حد تاني
غيرها مش هتقعد في مكان فيه معاصي ابدا
يعني مثلا لو واحد عنده صندوق تفاح والتفاح ده كويس
جدا وطعمه حلو اول مايدخل علي التفاح ده تفاحه واحده
بس بايظه سواء كان قاصد او غصب عنه
التفاح كله اللي في الصندوق هيبوظ
فاهمني ياعلي

علي:ايوه فاهم

الحاج حسين:الحمد لله انا عايزك يابني تعرف خطوره
المعاصي لان المعاصي دي لودخلت قلبك هتحكم علي
التزامك بالاعدام
انا مش هسمحلك تضيع كل ده ابدا مهما كان
ربنا اللي يعلم انا بحبك اد ايه انا معنديش اولاد
بس ....ربنا اللي يعلم انت بالنسبه لي ايه
مش هسمحلك ابدا تضيع من ايدي
ولا عايزك تعيش علي مبدأ شماعه المبررات

علي:شماعه ايه

الحاج حسين:يعني مثلا كل لما تقع او تغلط في حاجه
تيجي تقولي الدنيا والظروف والناس وووووووو
وكل الناس كده وانا احسن من غيري
لا انا بقولك اهو انا مش عايز اسمع الكلام ده منك ابدا
عايزك كل لما نفسك الاماره السوء تامرك بالمعاصي
تفتكر منظر القبر اللي انت شايفه ادامك ده وتفتكر موت
محمود فجأه
انا عايزك كل اما تحس بضعف في التزامك او اول
ماتحس بقرب اي معصيه من قلبك تبدا العلاج بدري
عشان ماندخلش في مشاكل اكبر
زي ماقولتلك تكون محاسب شاطر تعمل حساب لكل حاجة

محمد:اه هو ازاي بقي اقنعك انك تدخل تجارة
يلا هتلاقيه كان حاسس انك ماتقدرش تبعد عني ثانيه

علي:ههههههههه


يتبع ان شاء الله









اللهم إنك تسمع وترى ولا يخفى عليك شىء من أمرنا،فاحفظ مصر يارب من كل سوء ومكروه
يا حى يا قيوم برحمتك نستغيييث أصلِح لنا شأننا كله
ولا تكلنا إلى أنفسنا طرفة عين
اللهم وَلِّ علينا الصالحين من عبادك
الرجوع الى أعلى الصفحة اذهب الى الأسفل
http://aocg.yoo7.com
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

الحلقة السابعه والعشرون :: تعاليق

avatar
رد: الحلقة السابعه والعشرون
مُساهمة في الأحد 01 مايو 2011, 7:44 pm من طرف عازفة لحن الرحيل
مؤتره جدا جدا اثرت فيني كتيييييييييييييييييييييير

صحيح الواحد مش ضامن عمره لغاية بكره

الواحد لازم يتفكر كل يوم في الآخره

لأن اللي بيفتكر الاخره دليل على ايمانه

سلمت يمناك اخي علي على القصه الممتازه
avatar
رد: الحلقة السابعه والعشرون
مُساهمة في الأحد 01 مايو 2011, 7:46 pm من طرف عازفة لحن الرحيل
مؤتره جدا جدا اثرت فيني كتيييييييييييييييييييييير

صحيح الواحد مش ضامن عمره لغاية بكره

الواحد لازم يتفكر كل يوم في الآخره

لأن اللي بيفتكر الاخره دليل على ايمانه

سلمت يمناك اخي علي على القصه الممتازه
avatar
رد: الحلقة السابعه والعشرون
مُساهمة في الخميس 19 مايو 2011, 9:51 am من طرف abusabry
يا سبحان الله يعني محمد مالوش دواجد في الحلقة ولما يكون ليه تواجد يقول حاجة تضحك
مبسوط قوي
 

الحلقة السابعه والعشرون

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات طموح الجيل الحالي  :: القسم الادبي :: روايات وقصص :: انا مش ورقة!!!-
انتقل الى: