منتديات طموح الجيل الحالي
السلام عليكم
يشرفنا تسجيلكم معنا في أسرة منتدى طموح الجيل الحالي
كما نتمنى ان تقضو أوقاتا ممتعة على الانترنت

منتديات طموح الجيل الحالي


 
الرئيسيةالتسجيلدخول

شاطر | 
 

 الحلقة التاسعة والعشرون

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ali gabr
نائب المدير
نائب المدير
avatar

تاريخ التسجيل : 02/11/2010
البلد : مــــــ أم الدنيا ــــــصر

Egypt
عدد المساهمات : 375
المزاج : الحمد لله

04052011
مُساهمةالحلقة التاسعة والعشرون


الحلقة التاسعة والعشرون

علي:انت خونتني في ايه يامحمد قول الصراحه


محمد:بصراحه كده ........انت لما كنت بترن عليه وتقولي كنسل وقوم

صلي بصراحه كده ماما وبابا وساعات انا كنت بكنسل عليك ومااقومش اصلي




علي:بتقول ايه ياااااااا

ايه ده تخيل ان اسمك محمد



محمد:ياراجل بجد اول مره تاخد بالك من اسمي


علي:بص يامحمد ربنا يعلم انا بحبك في الله اد ايه
ولو انا طلبت منك طلب هتنفذه


محمد:يابني دا قبل ماتكمل كلامك اكون نفذته في الحال انت متعرفش انا
بحبك اد ايه


علي:طب تخيل بقي ربنا بيحبك اد ايه

محمد:بيحبني

علي:اه بيحبك بيحب اكتر من والدك ووالدتك واحن عليك
منهم............تخيل
ربنا اكرمك بالاسلام وانعم عليك بيه وكفي بها نعمه
انت مسلم

محمد:ايوه انا مش اسمي محمد وللا ايه

علي:الدليل مش بالاسم الدليل بالفعل

محمد:يعني عايزني اعمل ايه

علي:عايزك تحب ربنا زي مابيحبك

محمد:هو انا مبحبش ربنا


علي:ميت مره اقولك يامحمد الحب مش كلام الحب افعال
معني انك تحب ربنا انك تحب اللي ربنا يحبه وتكره اللي ربنا يكرهه
وربنا بيأمرك بالصلاه انت عارف لو حبيت ربنا


محمد:قولتلك انا بحب ربنا


علي:طب قدم دليلك انت خلاص من اول النهارده لازم تصلي لا من
دلوقتي ادامي علي الجامع احسنلك


محمد:ههههههههههه ايه ده مطلوب القبض عليه


علي:ايوه لانك مذنب في حق ربنا وفرطت كتير وربنا امهلك شوفت

ربنا كريم ازاي ها من اول النهارده هتلتزم والا


محمد:والا ايه

علي: والا ..........لا انت صاحبي
ولااعرفك ................ههههههه بس انا عارف انك ماتقدرش تستغني
عني ثانيه


محمد:انت هتعملي فيها محمد ولا ايه خلاص ياسيدي هصلي

علي:خلاص دي ايدي ومد ايدك واوعدني انك تدرك تكبيره الاحرام

محمد:ناقص تقولي كمان وادرك الصف الاول

علي:اه وايه يعني صعبه دي
هنقدر سوا ان شاء الله ونعين بعض ها اتفقنا يامحمد


محمد:خلاص اتفقنا ياعمي

علي:عمك...... اما اشوف لو اتظبط معايا ممكن اوافق علي الجواز


محمد:ربنا يستر
قولي بقي الحاج حسين اقنعك ازاي انك تدخل تجارة


علي:بص انت عرفت طبعا اننا هنقفل المداخل اللي كلمتك عنها قبل كده

محمد:ايوه فاكر وبعدين

علي:بص بقي ياسيدي

الحاج حسين:بص يابني انت لازم تبقي محاسب داعيه الي الله
لازم تكون محاسب امين وما تغشش في الدفاتر ولا الفواتير
انا عايزك اثناء فتره الامتحانات ماتقولش ايه يعني لمااغش السؤال ده دي
درجه مش هتفرق
مفيش حاجه اسمها مش هتفرق لان اللي يغش في درجه دلوقتي هيغش
في حياة انسان بعد كده
فاهم يابني


علي:
ماشي ياحاج بس حضرتك قولتلي قبل كده المفروض ابعد عن
كل حاجه تفكرني بمعاصي زمان
ازاي ادخل تجارة واقابل سها هناك

الحاج حسين:يابني انا عايزك تبقي صاحب بصيره
يعني كل واحد لازم يعرف المعاصي اللي بتوقعه وايه الحاجة اللي بتبعده
عن ربنا
يعني انت مثلا مش مشكلتك سها
لازم تحط ايدك علي المرض الاساسي زي ماقولتلك قبل كده
سها دي عرض من اعراض المرض الاساسي

علي:وهو ايه المرض الاساسي اذا كانت سها عرض

الحاج حسين:مرضك الاساسي انك بعيد عن ربنا وقلبك خراب
قلبك مريض متعلق بحب محرم
يعني انت لو قلبك ماتعالجش بحب ربنا
هيدور علي اي حب تاني محرم سواء كانت سها او اي واحده تانيه
لان نفسك لو ماشغلتهاش بالحق هتشغلك هي بالباطل
اتفقنا ياعلي
عرفت ايه اللي بيوقعك


محمد:هههههههههههههه قصده يقولك مشكلتك انك عايش فراغ عاطفي
هههههههههه


علي:والله يامحمد انت لو عشت حب ربنا هتعرف انك قبل كده كنت ميت
حاجه تانيه يامحمد لازم تاخد بالك منها
الحاج حسين قالي عليها


محمد:
حاجه ايه تاني

علي:احنا اتفقنا قبل كده ان مفيش حاجه اسمها علاقه بين ولد
وبنت
بس طبعا الشيطان ونفسك مش هيسيبوك في حالك وهي خطوات


محمد
:يعني ايه

علي:يعني ممكن بعد ماتلتزم وتعرف الحلال والحرام
الشيطان يقولك وايه يعني لما تكلم البنت دي داانت حتي مش هتكلمها في
كلام فاضي ولاحاجه


محمد
:ايوه ايوه فهمت هيقولك كلمها وصاحبها عشان تذكرها بقيام الليل
وتصحيها للفجر
هههههههههه وتقولها ماتنسيش اذكار الصباح وبالمره
ادعيلي ان ربنا يهديني .............ههههههههههههههههههه ماهو دا
برضه كلام فاضي
وانت كده طبعا بتضحك علي نفسك لان لازم هيحصل التطور الطبيعي
للحاجه الساقعه

علي:هههههههههههههه التطور الطبيعي للحاجه
الساقعه ...........انت بتشتغل ايه

محمد:هههههههههههههههههههههه.......انا قصدي التطور في العلاقه
ماهي اكيد مش هتقف عند الحد ده

علي:هههههههههههههههههه.......انت بقيت بتفهم اهو تبارك الله

محمد:ايوه امسك الخشب بقي

علي:خشب ايه ياعم وحديد ايه ناقص تقولي خمسه وخميسه و
بكره الخميس
ايه اللي انت بتقوله ده يامحمد ماينفعش كده
الحاجات دي لابتنفع ولا بتضر


محمد
:خلاص ياسيدي مش هقول الكلام ده تاني
بس يعني المفروض اقول ايه

علي:تقول ماشاء الله لاقوة الابالله زي ماربنا قال في سوره الكهف
لما اخبرنا عن صاحب الجنة


محمد
:ااااه........لكن لما اشوف حاجه عجباني في حد واخاف اني احسده
اقوله تبارك الله زي ماانت قولتلي كده

علي:ايوه يامحمد .....ربنا يكرمك
خلاص يامحمد احنا هنبدا مع بعض من جديد


محمد:
من جديد ايه.......انت سبقتني


علي
:ماتقولش كده.......
تعرف ممكن اتنين يلتزموا مع بعض في نفس الوقت لكن واحد فيهم راكب
صاروخ والتاني راكب .......


محمد
:راكب سلحفه

علي:ههههههههههههه.......سلحفة
القصد يامحمد مش معني اني بدات قبلك اني اسبقك مش شرط
المهم انك تبدا
وتقول لنفسك مفيش حاجه ابدا هترجعني عن الطريق ده مهما كانت


محمد:
خلاص اتفقنا


وتمر الأيام والسنين ويوصل علي ومحمد لنهاية السنة الرابعة في
الكليه



وخلال السنين اللي فاتت تتعلق قلوبهم بحب الله والصلاة والقرءان

وفي يوم من الايام بعد الانتهاء من امتحانات نهايه العام الدراسي يحدث مالم يتوقعه كلا من علي ومحمد من قبل




يتبع ان شاء الله









اللهم إنك تسمع وترى ولا يخفى عليك شىء من أمرنا،فاحفظ مصر يارب من كل سوء ومكروه
يا حى يا قيوم برحمتك نستغيييث أصلِح لنا شأننا كله
ولا تكلنا إلى أنفسنا طرفة عين
اللهم وَلِّ علينا الصالحين من عبادك
الرجوع الى أعلى الصفحة اذهب الى الأسفل
http://aocg.yoo7.com
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

الحلقة التاسعة والعشرون :: تعاليق

avatar
رد: الحلقة التاسعة والعشرون
مُساهمة في الخميس 12 مايو 2011, 1:08 pm من طرف عازفة لحن الرحيل
اللهم اني استودعك قلبي فلا تجعل فيه حبا غير حبك حلقه جميله جدا جدا وربنا يهدي الجميع تسلم ايدك اخي علي علي الحلقه الجميله
avatar
رد: الحلقة التاسعة والعشرون
مُساهمة في الخميس 19 مايو 2011, 10:04 am من طرف abusabry
حلقة شيقة جدا شكرا لك
 

الحلقة التاسعة والعشرون

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات طموح الجيل الحالي  :: القسم الادبي :: روايات وقصص :: انا مش ورقة!!!-
انتقل الى: