منتديات طموح الجيل الحالي
السلام عليكم
يشرفنا تسجيلكم معنا في أسرة منتدى طموح الجيل الحالي
كما نتمنى ان تقضو أوقاتا ممتعة على الانترنت

منتديات طموح الجيل الحالي


 
الرئيسيةالتسجيلدخول

شاطر | 
 

 الحلقة الثلاثون

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ali gabr
نائب المدير
نائب المدير
avatar

تاريخ التسجيل : 02/11/2010
البلد : مــــــ أم الدنيا ــــــصر

Egypt
عدد المساهمات : 375
المزاج : الحمد لله

07052011
مُساهمةالحلقة الثلاثون

الحلقة الثلاثون

في يوم من ايام الاجازه

محمد يتصل بـــعلي

محمد:
السلام عليكم ورحمه الله وبركاته ازيك ياعلوة

علي:وعليكم السلام ورحمه الله وبركاته ازيك يامحمد عامل ايه



محمد:الحمد لله

بس انا عايز اقولك خبر هيزعلك

علي:ايه................... النتيجه ظهرت وسقطنا

محمد:سقطنا ايه حرام عليك مش كفايه انهم 4 سنين كمان ندبلر سنه

علي:امال خبر ايه اللي هيزعلني

محمد:بص ياسيدي ماما وبابا امبارح كانوا خارجين يتفسحوا

علي:ههههههههههه ايوه بيريحوا اعصابهم منك

محمد:بلاش خفه دم واسمعني للاخر

علي:طب كمل يااخويا

محمد:ماما بقي شافت سها قاعده مع واحد فكرك يطلع مين؟!!!

علي:فزوره دي وانا مالي ميطلع زي مايطلع

محمد:خلاص احل انا ..........طلع خطيبها وسها لما شافت ماما راحت سلمت عليها وسالتها عليه
وقالتلها ايه اخبار محمد انا مسمعتش عنه حاجه من ايام نتيجه الثانويه العامه بس انا بتهيالي انه دخل
تجارة بس مش هنا
فماما قالتلها لا ازاي داهو وعلي مع بعض من اول يوم في الدراسه وهنا

سها:علي................ هما الاتنين معايا في نفس الكليه ازاي ده
وانا مشفهومش طول السنين اللي فاتت ازاي ده


محمد:هو انت مش زعلان

علي:على ايه

محمد:على ايه.... هو انا كنت بكلم نفسي

علي:يابني انا لو زعلان علي سها كنت زعلت عليها من زمان

محمد:بس لما الحاجه تكون ادامك وفجأه تضيع منك اكيد في فرق فاكيد لازم تزعل
زي ما واحد كده مثلا عنده ايد ورجلين وعنتين هو مش هيحس بقيمتهم اوي الا لما يفقدهم

علي:ماشي كلام كويس بس ده في النعم
سيادتك شايف بقى ان سها نعمه

محمد:ايه ده هي سها غيرت اسمها .........ياعلوة ......علوة ايه ده انت قفلت في وشي السكه والله
لانا متصل بيك لحد مااطلع عينك واخليك تفتح

ويرن محمد على علي لحد مايفتح

محمد:انا تقفل في وشي السكه

علي:دا اقل واجب اعمله معاك انت بس تؤمر

محمد:ماشي انا الحق عليه اللي اتصلت بيك عشان اقولك
هو انت يعني مش عايز تتجوزها ليه
لعلمك هي مش هتسيبك في حالك مش بعيد من اول يوم في الدراسه تلاقيها قاعده جمب بتاع الامن
تدور عليك
ابقي البس بقي طقيه الاخفه بتاعتك


علي: يابني زي ماربنا حفظنا السنتين اللي فاتوا هيحفظنا الايام اللي جايه المهم انت
خلصت اللي عندك

محمد:هو انت مش طايقني ليه

علي:بص يابني انا
مش عايز اتجوز سها حتي لو التزمت انا مش هتجوزها

محمد:ليه يابني هو حرام

علي:لا مش حرام ولا حاجه
بس انا مش عايز اشوفها ادام عيني
مش عايز اشوف معاصي زمان متجسده ادامي
كفايه انها جوايا
تعرف يامحمد المعاصي دي ليها فوايد برضه

محمد:ياراجل

علي:ايوه يابني هي مش الذنوب دي بتخليك تتذل لربنا
وسبحان الله ممكن الذنب اللي انت بتتذلل لربنا بيه ده يكون احسن من طاعه تخليك متكبر بيها


محمد:اه والله فعلا ياعلوة

علي:شوفت نسيتني كنت هقولك ايه

محمد:ايه تاني

علي:الحاج حسين مجاش يصلي الفجر النهارده

محمد:بجد طب وايه يعني ما ممكن يكون سافر وللا حاجه

علي:لا ازاي يسافر من غيري مايقولي

محمد:ليه السكرتير بتاعه حضرتك

علي:بلاش هزار هو بجد مش بيسافر الا لما بيقولي ويودعني قبلها
هو دايما قبل الاذان بيكون موجود
لانه دايما يقول المحب مش محتاج اذان ومش محتاج حد يفكره بميعاد حبيبه
انا حاسس انه تعبان

محمد:لا ياسيدي هتلاقيه بس سافر فجاه وملحقش يقولك

علي:لاانا قلبي حاسس انه تعبان
انا هروح اصلي الظهر ولو مالقتوش هتصل بيك تفوت عليا عشان نروح نزوره

محمد:ماشي ياسيدي خلاص بس يارب ظنك مايطلع في محله

علي:والله انا اتمني ان احساسي يخوني المره دي



يتبع ان شاء الله









اللهم إنك تسمع وترى ولا يخفى عليك شىء من أمرنا،فاحفظ مصر يارب من كل سوء ومكروه
يا حى يا قيوم برحمتك نستغيييث أصلِح لنا شأننا كله
ولا تكلنا إلى أنفسنا طرفة عين
اللهم وَلِّ علينا الصالحين من عبادك
الرجوع الى أعلى الصفحة اذهب الى الأسفل
http://aocg.yoo7.com
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

الحلقة الثلاثون :: تعاليق

avatar
رد: الحلقة الثلاثون
مُساهمة في الجمعة 13 مايو 2011, 7:00 pm من طرف عازفة لحن الرحيل
روعه روعه روعه يسلمووووو علي القصه الروعه يعجبني علي ان سها مابقتش تهمه ومحمد تعجبني ثقته بنفسه بانتظار الباقي
avatar
رد: الحلقة الثلاثون
مُساهمة في الخميس 19 مايو 2011, 10:14 am من طرف abusabry
ربنا يستر ايه اللي حصل
قصة شيقة من بدايتها
 

الحلقة الثلاثون

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات طموح الجيل الحالي  :: القسم الادبي :: روايات وقصص :: انا مش ورقة!!!-
انتقل الى: