منتديات طموح الجيل الحالي
السلام عليكم
يشرفنا تسجيلكم معنا في أسرة منتدى طموح الجيل الحالي
كما نتمنى ان تقضو أوقاتا ممتعة على الانترنت

منتديات طموح الجيل الحالي


 
الرئيسيةالتسجيلدخول

شاطر | 
 

 الحلقة الحادية والثلاثون

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ali gabr
نائب المدير
نائب المدير
avatar

تاريخ التسجيل : 02/11/2010
البلد : مــــــ أم الدنيا ــــــصر

Egypt
عدد المساهمات : 375
المزاج : الحمد لله

16052011
مُساهمةالحلقة الحادية والثلاثون

الحلقة الحادية والثلاثون

يذهب علي الي المسجد وفي طريقه الي المسجد يدعو ان يقابل الحاج حسين كما كان يقابله
دوما في كل صلاة
ولكنه عندما يذهب الي المسجد لا يجد الحاج حسين
وبعد انتهاءه من الصلاة يتصل بمحمد


علي:
السلام عليكم ورحمه الله وبركاته

محمد:
وعليكم السلام ورحمه الله وبركاته ايه انا لحقت اوحشك

علي
:بلاش هزار يابني الحاج حسين مش في المسجد انا حاسس انه تعبان
انا هستناك تفوت عليه عشان نروح له متتاخرش انا مستنيك في المسجد
عارف لو اتاخرت همشي واسيبك


محمد
:خلاص ياسيدي جاي ان شاء الله بسرعه........ اياك تروح من غيري
مش هتتصل بيه طيب قبل مانروح جايز مايكونش في البيت


علي
:اه .....صح
انا هتصل بيه عماانت تيجي انا احساسي بيقولي انه في البيت


محمد
:طب ياعم ياحساس انت اتصل وانا جاي اهو

علي يتصل على الحاج حسين لكنه المره دي مش هيرد عليه زي كل مره كان بيرد عليه فيها
يتصل علي بمحمد تاني


علي
:محمد ......الحاج حسين مش بيرد علي الموبايل ولا حتي تليفون البيت

محمد
:يابني هو زي مابقولك كده...... ماتقلقش هتلاقيه بس سافر ومش عايز حد يزعجه
ممكن السفر جه فجأه ومالحقش يقولك


علي:
لاااااااا يامحمد ........ انا حاسس انه .......ماااا

محمد
:لا ياعلي ماتقولش كده هو اكيد مسافر .......اه اكيد سافر فجأه
هو يعني ياعم اه بيعتبرنا زي اولاده بس هو وراه شغل برضه انت ناسي انه داعيه وخدام عند ربنا
زي ماكان بيقولنا وللا ايه يابني .......اه اكيد سافر


علي
:يارب يكون سافر ويرجع لنا تاني يارب

محمد:
انا خلاص هركب اهو وجاي ونروح نسأل عليه في بيته واكيد الجيران هيقولولنا انه سافر

علي
:يارب

ويقابل محمد علي ويروحوا لبيت الحاج حسين
ولما يوصلوا للبيت


محمد
:شوفت اهو هو اكيد سافر ومحدش خالص في البيت عشان يفتحلنا او حتي كان يرد على
التليفون هو سافر واخد زوجته معاه


علي
:ياسلام .......

محمد
:بص هو لو كان اللي في دماغك كان زمان زوجته هنا صح ولا ايه
وبعدين انت مش طول عمرك بتقول اني مابفهمش
خليك معايا كده بالعقل هو لو .....كده يعني........ هيلحق


علي
:هيلحق يعني ايه.......

محمد:
ماتفهم يابني هو انت مالقتهوش في صلاه الفجر والظهر ولو في حاجه من اللي في دماغك اكيد
الناس اللي في الجامع هتكون عارفه
ولو هو يعني ........ لا لا لا هو اصلا مامتش
بص بقي انا هروح اخبط على الجيران اسالهم عشان ابين لك ان غلطان



ويخبط محمد على جيران الحاج حسين

محمد
:السلام عليكم ورحمه الله وبركاته

جارة الحاج حسين
:وعليكم السلام ورحمه الله وبركاته تلزم اي خدمه يابني

محمد
:لو سمحت ياحاجه انا كنت عايز اسال عن الحاج حسين

جارة الحاج حسين:
الحاج حسين ......دا الساعه 3الصبح تعب اوي ونقلوه المستشفي دا حتي زوجي
عنده دلوقتي


محمد
:تعب امتي وازاي فجاه كده

جاره الحاج حسين
:ربنا يشفيه ويعافيه انا مش عارفه ايه اللي حصله بيقولوا تقريبا دخل في غيبوبه

محمد
:غيبوبه...غيبوبه ايه طب ياحاجه جزاكي الله خيرا

جاره الحاج حسين
:وجزاكم مثله .......هو انت مش عايز تعرف هو في مستشفي ايه

محمد
:ااااااااه نسيت .......هو في مستشفي ايه

وبعد الانتهاء من الكلام مع جاره الحاج حسين

محمد:
شوفت اهو لسه عايش الحمد لله

علي
:ده في غيبوبه يامحمد انت ماسمعتش وللا ايه

محمد
:خير ياعلي ان شاء الله خير
خليك راجل ......خير ان شاء الله


علي
: الحاج حسين تعبان .......
يارب مايسيبني لوحدي


محمد
:اسكت ياعلي الله يكرمك
وتعالي يلا عشان نزوره
وان شاء الله يخرج معانا


علي
:يارب

ويذهب محمد وعلي لزيارة الحاج حسين

علي
:السلام عليكم ورحمه الله وبركاته ازيك ياحاجه

زوجه الحاج حسين
:وعليكم السلام ورحمه الله وبركاته
ازيك ياعلي عامل ايه يابني .....ازيك يامحمد
تعبتوا نفسكوا ليه


علي
:لا مفيش تعب ولا حاجه هو الحاج حسين فين دلوقتي

زوجه الحاج حسين
:الحاج حسين....الحاج حسين في العنايه المركزه دلوقتي

محمد
:ليه ......

زوجه الحاج حسين
:امبارح بعد صلاه العشاء بفتره دخل الحاج حسين عشان ينام وقالي صحيني الساعة30/2ولما جيت عشان اصحيه

علي:
هدي نفسك بس ياحاجه خير ان شاء الله

زوجه الحاج حسين
:يارب يابني
انا لما صحيته لقيته مابيردش عليه
ولما نقلناه المستشفي الدكتور قال دي غيبوبه كبديه
بس انا خايفه عليه اوي
هو لسه في غبيوبه لحد دلوقتي



محمد:
خير ان شاء الله يقوم زي الاول واحسن

زوجه الحاج حسين
:دي اول مره تيجيله الغيبوبه دي

علي
:في سره غيبوبه كبديه.........غيبوبه اسمها الالتزام.......ااااااااااه ياتري هيرجع يكلمني
تاني عن الالتزام
ولما يحس علي ان زوجه الحاج حسين اخدت بالها من بكاءه
يستاذن هو ومحمد ويقول لزوجه الحاج حسين حضرتك معاكي رقمي علي موبايل الحاج حسين اي
حاجه حضرتك عايزاها اتصلي بيا علي طول
ان شاء الله هيقوم بالسلامه احنا هنيجي تاني نزوره النهارده ويكون قام ان شاء الله


زوجه الحاج حسين
:الله يكرمك يابني

وبعد خروج محمد وعلي من المستشفي

محمد:
خير ياعلي بسيطه ان شاء الله

علي
:هو.......ممكن يموت

محمد
:كلنا هنموت ياعلي

علي
:بس ......انا مش .....مش هقدر اكمل من غيره
فاكر لما كان بيقولنا انا مش عايز اسمع كلمه مقدرش دي الا في حاله واحده بس
اه انا مقدرش اعصي ربنا زي ماكان بيقولي
بس مش هقدر اكمل من غيره
انا هبقي يتيم من بعده تاني يا محمد ........انا كنت يتيم قبل مااعرفه
انت مش حاسس بيا يامحمد
هو اول واحد قالي الطريق من هنا
هو اول واحد عرفني بربنا
هيموت كده ويسيبني لوحدي تاني زي ماكنت لوحدي قبل كده طب هيسيبني لمين

محمد
:اهدي شويه ياعلي
انت لو افتكرت يوم مااخدك لقبر محمود هتعرف انه كان بيقولك ماتتعلقش بيه وعلق قلبك بربنا بس
فاكر وللا لا ياعلي
هو عارف ومقدر كويس انت متعلق بيه اد ايه عشان كده قالك الكلام ده
انا عارف انك فاكر كويس بس انت مش مسيطر علي نفسك دلوقتي
فاكر لما قالك انك لازم تكمل بعده وانه مش هيسمحلك ابدا انك تقع تاني
وانت هتكمل ياعلي حتي لو الحاج حسين......


علي
:اسكت يامحمد.....اسكت.........
انا مكنتش عايز امشي واسيبه بس مكنتش عايز زوجته تشوفني في الحاله دي
روح انت يامحمد دلوقتي


محمد
:وانت هتروح فين

علي
:انا هروح اقعد في اي مسجد استني صلاة العصر وبعد كده هرجعله تاني

محمد
:طب ماتخلينا لبعد المغرب احنا لسه راجعين من عنده
احنا نروح بعد العصر وانت تستريح شويه ونرجعله المغرب وانا عندي احساس انه يكون قام ان شاء
الله
روح استريح شويه ونروح بعد المغرب





يتبع ان شاء الله












اللهم إنك تسمع وترى ولا يخفى عليك شىء من أمرنا،فاحفظ مصر يارب من كل سوء ومكروه
يا حى يا قيوم برحمتك نستغيييث أصلِح لنا شأننا كله
ولا تكلنا إلى أنفسنا طرفة عين
اللهم وَلِّ علينا الصالحين من عبادك
الرجوع الى أعلى الصفحة اذهب الى الأسفل
http://aocg.yoo7.com
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

الحلقة الحادية والثلاثون :: تعاليق

avatar
رد: الحلقة الحادية والثلاثون
مُساهمة في الخميس 19 مايو 2011, 10:47 am من طرف abusabry
ربنا يستر
Shocked
avatar
رد: الحلقة الحادية والثلاثون
مُساهمة في الأحد 22 مايو 2011, 7:43 pm من طرف عازفة لحن الرحيل
خيير ان شاء الله
ربنا يستر
سلمت اياديك على القصه الروعه
 

الحلقة الحادية والثلاثون

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات طموح الجيل الحالي  :: القسم الادبي :: روايات وقصص :: انا مش ورقة!!!-
انتقل الى: