الحلقة الرابعة والثلاثون
الجزء الأول
الحاج حسين:
قبل مااقول الطلب انا عايز اسأل سؤال مهم
هو لو مهندس بني بيت وبعد كده المهندس مات البيت يقع
محمد:
وهيقع ليه هو مش البيت وقف خلاص
الحاج حسين:وانت ياعلي ايه رايك
علي:
رايي
الحاج حسين:
ايوه انت ساكت ليه
علي:
البيت هينهار مش هيقع
الحاج حسين:
ليه كده ياعلي معني ان البيت ينهار ان
الارض ماكنتش صالحه ان المهندس يبني عليها والسبب ده انا
بستبعده
او ان المهندس خان ومبناش صح
علي :
لا المهندس ماخانش
بس البيت كان بيحب المهندس واتعلق بيه
محمد :
بيت ايه ومهندس ايه
الحاج حسين:
عارف يامحمد لو مكنتش فاهم انا ممكن تجيلي
سكته قلبيه واروح فيها
محمد:
لا طبعا فاهم
الحاج حسين:
مع اني مش مطمن لفهمك ده بس الحمد لله
محمد:
هههههههه
علي:
هو ايه الطلب الصعب اللي حضرتك عايزنا نعمله
الحاج حسين:
ماتستعجلش ياعلي كل حاجه هتعرفها في
وقتها
حتي لو معرفتهاش دلوقتي هتعرفها في وصيتي
المهم عشان انا حاسس اني مش هلحق اقولكم كل حاجه
وحاسس خلاص اني لازم اقفل شنط سفري
سبحان الله ممكن في الدنيا دي تجهز لحاجات كتير اوي وفي
الاخر ماتبقاش ليك وانت للاسف تعبت اوي فيها
لكن الحاجه اللي بتجهز لها واكيد هتاخدها معاك هي شنطه
سفرك لربنا
سفر من غير رجوع
ولو حد في الدنيا دي كان مسافر ونسي ياخد حاجه في شنط
سفره ممكن لو في وقت يرجع ياخدها او ممكن يشتريها
من المكان اللي هيسافرله
بس السفر ده مفيش منه رجوع تاني ولو نسيت وضيعت وقتك
في حاجات فاضيه وغفلت عن حاجات كانت هتنفعك هناك للاسف مش هترجع
تاني
عشان تاخدها
علي:
كفايه ....كفايه كده
الحاج حسين:
لا مش كفايه ولا حاجه ......لازم تسمع كلامي
للاخر
علي:
لا انا مش قادر استحمل ولاانا هقدر اكمل
بعدك ....مقدرش
الحاج حسين:
مش عايز اسمع الكلام ده تاني منك ياعلي
انا مش قاسي عليك ولاحاجه بس......انا عايزك تعرف انك زي
ابني بالظبط انت ومحمد
وربنا اللي يعلم حبي ليكم اد ايه
وعلي اد حبي ده انا خايف عليكم اوي
انا عارف اني خلاص وظيفتي انتهت بالنسبه لكم وانا خلاص
مش هعيش في الدنيا دي اد اللي عشته قبل كده
عشان كده انا قبل مااسيبكم لازم اطمن عليكم
لان والله الموت عندي اهون من اني اشوفكم رجعتم خطوه
واحده في الطريق اللي انتوا ماشين فيه
انا زي ماقلت كده المهندس مايقدرش يشوف البيت اللي تعب
فيه بينهار ادام عينه
مادام الاساس صح يبقي عمر مالبيت هيقع صح ياعلي
كان الاساس صح وللا لا
علي ماتعيطش ورد عليه
علي:
لا انا خلاص هبقي يتيم تاني
انا عارف ان الاساس صح وحضرتك ماقصرتش معايا بالعكس
حضرتك عوضتني كتير
بس ......انا مش هقدر اكمل لو......
الحاج حسين:
علي.....اسكت انت كده بتموتني
يعني ايه مش هتقدر تكمل من غيري ......
يعني ايه....
محمد:
ياحاج حسين ...اصبر عليه هو بس مش مستوعب .....
استحاله نرجع عن الطريق لاي سبب من الاسباب
الدين ده مابيموتش لموت حد
الحاج حسين:
الله المستعان.......
المهم انا عايزكم تاخدوا بالكم من علامات الطريق
محمد:
علامات ايه
الحاج حسين:
العلامات دي اللي هتحسسك انك ماشي صح في
الطريق
لازم تلتزموا بالقراءن والسنه والصحبه الصالحه
يعني مثلا اللي رايح مصر في طريقه لها بيلاقي علامات تقوله
انه ماشي صح وفاضل علي الطريق كام كيلو
فانتوا بقي في طريقكم لربنا لو حسيتم انكم ضليتوا الطريق او
حسيتم بأي زلزال لازم تراجعوا نفسكم
والله العمر اقصر من اننا نضيعه في حاجات فاضيه
لان مش هينفع تمشي في طريقين في نفس الوقت وماتخليش
نفسك تديك مسكنات وتسكتك
لان وانت بتعمل معصيه بتبقي حاسس من جواك ان في حاجه
غلط وبدل ماتقف وترجع تدور علي الطريق الصح
نفسك تديك مسكنات وتسكتك وتقولك مش مشكله هنتصلح
بعدين
لاااااا مش هينفع تتصلح بعدين
لان زي ماقلت قبل كده العلاج كل مكان بدري كل ماالمضاعفات
كانت اقل
واحسن من كل ده الوقايه
لازم يكون فيه حاجز بينكم وبين المعاصي
يعني تخيلوا واحد مش شايف المعصيه اصلا ومش حاسس بها
هيعصي ازاي
وخلوا بالكم من الكلمه الخطيره دي
ان اللي بيقع من فوق سطح الجبل مش هيستقر الا في سفح
الجبل
والله الكلمه دي خطيره جداااااااااا
يعني اللي هيبدا يقع مش هيقف عند حاجه معينه
اعرفوا انكم لما تبدءوا في التساهل وتقديم تنازلات
اعرفوا وقتها انكوا خلاص هتستمروا علي كده
عشان كده اول ماتحسوا بالزلزال الحقوا نفسكوا واستجيبوا لجهاز
الانذار وابعدوا عن المسكنات
مش هينفع تكون ملتزم وتقول وايه يعني لما اعمل كذا او كذا
اسال نفسك الاول دي ترضي ربنا وللا لا
مش هينفع تمشي في طريقين في نفس الوقت
داانت حتي عندك رجلين بس مش اربعه
محمد:
ههههههههه لا حلوه احنا مش ذوات الاربع حتي
الحاج حسين:
انا عايزكم دايما تقولوا للمعاصي انا خارج نطاق
الخدمه
محمد:
هههههههههههههه مينفعش نقولها مشغول ولا غير
متاح وحاول الاتصال في وقت لاحق
هو حضرتك بتشتغل ايه بالظبط
الحاج حسين:
خدام عند ربنا
هاقرروا انتوا في اي فريق
يتبع
