منتديات طموح الجيل الحالي
السلام عليكم
يشرفنا تسجيلكم معنا في أسرة منتدى طموح الجيل الحالي
كما نتمنى ان تقضو أوقاتا ممتعة على الانترنت

منتديات طموح الجيل الحالي


 
الرئيسيةالتسجيلدخول

شاطر | 
 

 الحلقة السابعة والثلاثون

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ali gabr
نائب المدير
نائب المدير
avatar

تاريخ التسجيل : 02/11/2010
البلد : مــــــ أم الدنيا ــــــصر

Egypt
عدد المساهمات : 375
المزاج : الحمد لله

18072011
مُساهمةالحلقة السابعة والثلاثون



الحلقة السابعة والثلاثون(اني اخاف ان عصيت ربي عذاب يوم عظيم)


محمد
:انت ياعلي لازم ترد عليا دلوقتي انت من اي فريق
ومفيش حاجه اسمها انا واقف في الطريق لازم تقرر انت هتمشي مع
اي فريق وفي اي طريق
علي انا متاكد انك سامعني
فاكر لما كنت بتقولي انا عايز اروح في كل مكان عصيت فيه ربنا واقف
فيه وقفه حياء من ذنوبي
ووقفه شكر ان ربنا وفقني وهداني في نفس الوقت اللي مات فيه محمود
على تفريطه في حق ربنا
فاكر ياعلي
لو مش هترد عليا انا هقوم امشي
علي......رد عليا
انا خلاص همشي


ويقوم محمد عشان يخرج من عند علي

علي
:انا مقدرش ابعد عن ربنا ثانيه مقدرش يامحمد
ربنا اللي انعم عليا كتير وانا كنت بعصاه بنعمه
وسترني كتير وانا في كل مرة كنت بهتك ستره
وقربني كتير وبعتلي رسايل وانا اللي كنت ببعد عنه
ومحمود مات واحنا الاتنين كنا مفرطين في حق ربنا
انا بعد ماربنا يهديني ويقربني ارجع تاني لااااااا
اني اخاف ان عصيت ربي عذاب يوم عظيم زي مالحاج حسين كان
بيقول بس ........


محمد:
بس ايه

علي
:انا بعد دفن الحاج حسين روحت الجامع اللي كنا بنصلي فيه
وقعدت اتكلم مع نفسي وقولت خلاص يانفس شكل ده هيبقي حال على
طول
محدش عاد هيسمعك ولا يحس بيكي
فاكره يانفس اول يوم قابلتيه هنا كان يوم وفاة محمود
ياااااااه دا كان بيحبني زي ابنه بالظبط واول يوم شافني فيه ضمني
لصدره وسمعني
مين هيسمعني تاني
انا مش متخيل الجامع من غيره
كل مكان وكل ركن في الجامع بيفكرني بقعدتي وكلامي معاه
انا قعدت اعيط كتير واقول في حد يمشي في طريق النور اللي فيه اطفا
انا مقدرش ادخل الجامع تاني وهو مش فيه قبلي
انا الموت عندي اهون من اني ادخل الجامع من غير مايكون موجود فيه


محمد
:النور اللي بيهدينا في طريقنا مش نور الحاج الحسين ولانور اي
شخص
زي ماقولت الدين ده مش بيموت بموت الاشخاص
النوراللي بينور طريقنا نور هدايه الله ونور القراءن والسنه
وانت لو مش قادر تدخل الجامع اللي كنت بتصلي فيه مع الحاج حسين
مش معني كده انك تصلي في البيت
انا عارف ياعلي ان انت لها


علي
:هي مين دي

محمد
:الدعوة ياعلي هيكون ايه يعني غيرها
انت اسد في الدعوة زي مالحاج حسين قال
انا عارف انك ماتقدرش تبعد عن ربنا


علي:
اقول يامحمد على سر

محمد
:سرك في بير

علي
:انا كتبت قصتي من اولها لحد دلوقتي

محمد:
ايه ده من ورايا وكتبت فيها تعليقاتي لااا
اختك اسماء لو قريتها هتقول عليا ايه لا بلاش ههههههههه

علي:
ههههههههههه ياعمي انت لسه الموضوع ده في دماغك
بص يامحمد انت بصراحه الكلام اللي قولتهولي خلاني ممكن افكر فيك

محمد
:ممكن ......ايه الرضا ده

علي
:سيب الموضوع ده علي جنب دلوقتي

محمد
:صحيح النتيجه قربت تبان طبعا انت من الاوائل

علي
:ايوه طبعا انت بتتكلم ازاي
المهم مسالتنيش علي اسم القصه

محمد:
اه صحيح سميتها ايه

علي
:لسه مش عارف اسمها هيتحدد طبعا علي اساس نهايتها

محمد:
يارب تكون نهايه ترضي ربنا
بس هي ايه نهايتها


علي
:والله لسه مش عارف يامحمد الله المستعان

محمد
:طيب على العموم ماتكتبش فيها المواقف اللي انت كنت بتشد في
شعرك فيها مني .........اتفقنا

علي
:ههههههههههه

محمد
:يلا مش عايز اي حاجه انا اتاخرت

علي:
اه فعلا انت اتاخرت اوي قوم يلا انا زهقت منك

محمد
:من ورا قلبك طبعا

علي:
لا من جوا قلبي السلام عليكم ورحمه الله وبركاته

محمد
:وعليكم السلام ورحمه الله وبركاته بس قبل مامشي عايز اقولك
حاجه

علي
:حاجه ايه تاني

محمد
:اتمني ان قصتك تنتهي نهايه كويسه
والكلام اللي قولته فوق يتنفذ بالحرف
انت عارف زي مالحاج حسين علمنا ان الكلام سهل اوي
لكن......التنفيذ هو اللي صعب
سهل تقول انك ملتزم وانك بتحب ربنا وبتخاف عذابه
بس......أحسب الناس أن يتركوا أن يقولو ءامنا وهم لايفتنون
اللي جاي لسه اصعب من الي فات وانا مش بخوفك انا بس بحذرك
عايزك تسال نفسك قبل اي عمل تعمله ياتري العمل ده يرضي ربنا وللا
العمل ده يستحق العذاب
يعني لو انت فعلا خايف من عذاب ربنا عمرك ماتعمل حاجه تغضب ربنا
وهتدور علي كل حاجه ربنا بيحبها وتعملها لازم الكلام اللي تقوله
تطبقه في الواقع
مش يبقي كلام في الهوا وخلاص
وماينفعش تغتر برحمه ربنا وتذنب وتضيع حق ربنا وتقول ربنا غفور
رحيم
زي ماربنا غفور رحيم
برضه ربنا عذابه شديد


بسم الله الرحمن الرحيم
نَبِّئْ عِبَادِي أَنِّي أَنَا الْغَفُورُ الرَّحِيمُ (49) وَأَنَّ عَذَابِي هُوَ الْعَذَابُ الأَلِيمُ

افتكر ان الحاج حسين اخر حاجه قالها ان السنه الجايه عندنا مادتين
تكاليف وافراد
فاكر لما قال ان التكاليف عليها 900 درجه والافراد عليها 500درجه
ومش معني ان الافراد عليها درجات اقل من التكاليف اننا نضيعها
مفيش حاجه عنده اسمها فرائض وسنن هو محب ومعظم للاوامر
والنواهي
وقال ان الانسان الملتزم لازم يبقي ناجح في كل حاجه ومش مقصر في
اي حاجه
عارف يوفق بين الدين والدنيا
عارف يعني ايه دين وعارف انه لازم يشيل هم الدين
عايزك تعيش معني الايه اللي انت قولتها


بسم الله الرحمن الرحيم
إِنِّي أَخَافُ إِنْ عَصَيْتُ رَبِّي عَذَابَ يَوْمٍ عَظِيمٍ (15)سورة يونس


انا مش عايزك ترددها بلسانك انا عايزك تعيشها بقلبك وكل جوارحك

علي
:الله المستعان

محمد
:السلام عليكم ورحمه اله وبركاته

علي:
وعليكم السلام ورحمه الله وبركاته صحيح هي النتيجه
هتظهر امتي


محمد
:هانت لسه اسبوع كده وللا حاجه

علي
:طب كويس يادوب الواحد يلحق

محمد
:تلحق ايه انت ناوي تروح المصيف وللا ايه

علي:
ههههههههههههه مصيف ايه ياعم انا فاضي

محمد:
امال ايه

علي
:بحضر لحاجه كده مفأجاة بقى

محمد:
ماتقول بقى وماتبقاش رخم

علي
:لا يوم ظهور النتيجه تبقى تعرف

محمد:
قول بقى هزعل

علي
:لا مش هقول وده جواب نهائي وماتزعلش
قوم يلا امشي


محمد
:طيب بس خليك فاكر......السلام عليكم ورحمه الله وبركاته

علي
:وعليكم السلام ورحمه الله وبركاته



يتبع ان شاء الله










اللهم إنك تسمع وترى ولا يخفى عليك شىء من أمرنا،فاحفظ مصر يارب من كل سوء ومكروه
يا حى يا قيوم برحمتك نستغيييث أصلِح لنا شأننا كله
ولا تكلنا إلى أنفسنا طرفة عين
اللهم وَلِّ علينا الصالحين من عبادك
الرجوع الى أعلى الصفحة اذهب الى الأسفل
http://aocg.yoo7.com
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

الحلقة السابعة والثلاثون :: تعاليق

avatar
رد: الحلقة السابعة والثلاثون
مُساهمة في الإثنين 18 يوليو 2011, 8:51 pm من طرف عازفة لحن الرحيل
قصه روووووعه وممتعه والله

سلمت الايادي على القصه الجميله
avatar
رد: الحلقة السابعة والثلاثون
مُساهمة في الثلاثاء 19 يوليو 2011, 3:34 pm من طرف زورق الحياة
حلقه روووووووووووووووووووووووووووعة

جدآ جدآ وعلى فكره انا قريت كل الحلقاتلم اللي

فاتت كانت كلها جميله ومؤثره بإنتظار الحلقه القادمه بفارغ

الصبر وياليت تستعجل بكتابتها

تسلم الايادي ع المجهود الاكثر من رائع
avatar
رد: الحلقة السابعة والثلاثون
مُساهمة في الثلاثاء 19 يوليو 2011, 4:25 pm من طرف نجمة الفردوس
قصة جميلة جداً جداً وممتعة ومشيقة للغاية

الشكر الجزيل لمحمد وعلي على المواضيع المميزة والممتعة

أرجو منك ياعلي الأستعجال بالمفأجاة عشان انا اندمجت مع القصة

وشكراً لكم تقبلوا مروي ......
 

الحلقة السابعة والثلاثون

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات طموح الجيل الحالي  :: القسم الادبي :: روايات وقصص :: انا مش ورقة!!!-
انتقل الى: