الحلقة التاسعة والثلاثون(كلا ان معي ربي سيهدين)
علي :بتقول ايه طب يلا نمشي بسرعه
محمد:ماظنش اننا هنلحق
سها:علي استني مش هتمشي الا لما تسمعني
ويحاول علي يمشي هو ومحمد لكن مش هيقدروا
سها:انت فين ياعلي كل ده انت اتغيرت كتير
معقوله كل ده ماتسالش عليا هو انا موحشتكش
انا مكنتش اعرف انك معايا في نفس الكليه انت كنت فين كل ده
وايه اللي غيرك كده معقوله وفاة ابن خالتك تعمل فيك كده
انا اول ماشوفتك وانت بتتكلم مصدقتش نفسي قولت دا حد شبهك بس
صوتك اكدلي ان انت
يااااه اربع سنين ماتسالش عليا
ويحاول علي يمشي لكن
سها: بصوت عالي بقولك مش هتمشي الا لما تسمعني للاخر
انا مصدقت شوفتك
صحيح انا اتخطبت بس انا مستعده اتنازل عن كل حاجه عشانك
بس انت قولي اعمل ايه وانا اعمل
لوعايزني التزم عشان خاطرك هلتزم بس انت ترضي عني وترجع تحبني
زي الاول
انا واثقه انك لسه بتحبني
مش معقول تنساني بالسهوله دي انا متاكده من حبك ليا
فاكر لما كنت بتقول انا محبتش قبلك ولا هحب بعدك
فاكر وللا لا ياعلي
فاكر لما كنت بتقول انا اعمل اي حاجه عشان بس ترضي عني
انا بقولك اهو النهارده اعمل ايه عشان تحبني وترضي عني
انا سمعت كل كلامك دلوقتي ......
اكيد حبنا كان حرام وغلط صح بس ده كان غصب عننا
بس انا لسه بحبك ياعلي
ساعدني اني اقرب من ربنا زيك
صدقني هعمل اي حاجه انت عايزها
انت عارف اني عايشه حاله ضياع
مد لي ايدك ياعلي
ماتسبنيش ضايعه
انا حاسه انك اتغيرت كتير
لوعايزني اتغير زيك هتغير قول بس اعمل ايه
انت لسه بتحبني صح
رد عليا ياعلي
لسه بتحبني صح انا متاكده من كده
ومتاكده ان الهدايا والجوابات بتاعتي لسه عندك
حرام عليك ياعلي انا لسه بحبك زي الاول واكتر
رد عليا انت كمان لسه بتحبني
انت مش كنت بتقولي اني محفوره جوه قلبك
كل الكلام ده نسيته
انا عملتلك ايه عشان تعمل فيه كده انت بتعذبني ليه ياعلي
انا طول الفتره اللي فاتت دي مقدرتش انساك
حرام عليك رد عليا
انت عمرك مهتنساني
انت كنت بتقولي كده
انا هموت ياعلي لو مردتش عليا ورجعت تحبني زي الاول
مستحيل تكون نسيت حبنا وكل حاجه كانت بينا
رد عليا قول اي حاجه
نظر علي الي السماء قائلا كلا ان معي ربي سيهدين
وانطلق مسرعا
سها :استني انت رايح فين
يتبع ان شاء الله
