الحلقة الثانية والعشرون
علي:انا بعد ماقلت للحاج حسين اني قررت مادخلش تجارة خلاص
الحاج حسين: بتقول ايه ؟!!!
علي:مش عايز ادخل تجارة لاني مش عايز اشوف سها هناك انا خايف.......... وبعدين حضرتك
قولتلي لازم ابعد عنها واقطع اي حاجه تفكرني بيها
الحاج حسين:بص يابني اسمعني ........انا عايز انبهك لحاجه خطيره جدااااااااا لاني خايف عليك اوي
علي:ليه كل ده داانا افتكرت ان حضرتك الي هتنصحني اني مادخلش تجارة
الحاج حسين:اسمعني كويس اوي
بص الناس لما بتوصلهم رسايل من ربنا اقصد بيها اي رسايل زي موت احد اقاربه او احبابه
اومرضهم او اي تذكره من ربنا
انا بلاقي في الوقت ده ان الناس بتتقسم ل 4 اقسام
اول فئه من الناس
ودول اللي بعتبرهم موتى اصلا مش بيسمعوا اي حاجه ولاهما فاهمين اي حاجه من اللي بتدور حوليهم
النوع ده من الناس لما توصله رساله من ربنا مفيش اي استجابه وكأن اصلا مفيش اي حاجه حصلت
ويكملوا حياتهم قصدي موتهم عادي عايشينها كده وخلاص زي ماتيجي تيجي
وانت بفضل الله مش من النوع ده ولا من النوع التاني
علي:هو ايه النوع التاني
الحاج حسين:النوع التاني ده لما بتحصله صدمه شديده اوي من اللي حصل حواليه تلاقيه وقف فجأه
عن اللي كان بيعمله لاهو بيعصي ولاهو ملتزم وبعد كده عادي يرجع للي كان بيعمله ويمكن حالته كمان
تسوء عن ماكان وده يشبه كتير النوع الاول
علي:طب الحمد لله امال حضرتك خايف عليه ليه
الحاج حسين:اسمع لسه في نوع برده خطير وانا خايف اوي انك تكون منه
وتالت فئه من الناس
ركز معايا ويارب ماتكون منهم
النوع ده لما توصله رساله من ربنا بس رساله شديده شويه زي اللي حصلتلك كده
النوع ده بقى الصدمه تأثر عليه لدرجه انه يدخل في غيبوبه
علي:غيبوبه ايه انا ماتعبتش ولا دخلت في غيبوبه الحمد لله انا مش منهم
الحاج حسين:لااااااا مش الغيبوبه اللي في دماغك
انا قصدي غيبوبه تانيه خالص
علي:غيبوبه ايه!!!
الحاج حسين:غيبوبه اسمها الالتزام
بص بعد النوع اللي كلمتك عنه ده
اكيد ربنا بعتله رسايل قبل كده زيك كده بالظبط بس للاسف هو مش محتاج اي رساله هو محتاج هزه
شديدة زلزال كده يعني
علي:انا مش فاهم حاجه صدمه ايه وزلزال ايه
الحاج حسين :اصبر وهوضح لك كل حاجه ماتستعجلش انا عايزك تفهم كل كلمه وكل حرف بقولهم
مريض الكبد مثلا
قبل مايدخل في غيبوبه ......في حاجة طبعا بتحصله قبل مايدخل في غيبوبه
يعني مثلا مريض الكبد نسبه الامونيا تزيد في دمه فطبعا المخ مش هيستحمل النسبه دي فيدخل
المريض عافاني الله واياك في غيبوبه
فالنوع ده بقي من الناس لما يحصله حاجه شديده اوي في حياته وخلاص كأنه مريض كبد مش قادر
يستحمل نسبه الامونيا
تلاقيه مايقدرش يتحمل ويدخل في غيبوبه وانت طبعا عارف انه في الغيبوبه دي مش مدرك اي حاجه
علي:طب يعني ايه غيبوبه الالتزام
الحاج حسين:انت بعد وفاه محمود الرساله دي كانت جامده اوي عليك ماقدرتش تستحملها وكأنك
دخلت في غيبوبه
اه انت جيت الجامع وصليت والتزمت بكلامي ودخلت العنايه المركزه كل ده حلو اوي وجميل
بس.......
علي:بس ايه...... ماحضرتك قلت حلو وجميل
الحاج حسين:بس اللي انت ماتعرفوش ان بعد الغيبوبه دي زي ماقلتلك مش مدرك اللي بيحصل حواليك
الظاهر عليك ان الاعراض القديمه اختفت بفضل الله تم العلاج
لكن بعد ماتفوق من الغيبوبه
هتقول ايه ده ايه اللي حصلي هو انا ليه كده وليه بعمل كده.................. لانك اصلا كنت في غيبوبه
وانت مش عارف
زي المريض بالظبط يفوق من الغيبوبه يقول ايه ده انا ليه هنا وليه بأخد المحاليل دي وليه بتدوني
الدوا ده وليه وليه وليه
انت بقى اه اخدت الدوا والاعراض قصدي المعاصي اللي كنت بتعملها اختفت لكن زي ماقولت انت
كنت في غيبوبه
وهتفوق منها بعد فتره وهتستغرب اللي كنت بتعمله قبل كده وترجع تاني للي كنت عليه ممكن تخرج
من الغيبوبه دي بس بصوره
علي:صوره ايه
الحاج حسين:صوره الالتزام
شكلك ملتزم اه لكنك من جوه خراب
علي:خراب
الحاج حسين:اه خراب شكلك كل اللي يربطك بالالتزام شكلك وبس وبعد فتره ممكن تتنازل عن الصوره دي
والله بالظبط زي مريض الكبد تلاقيه بعد الغيبوبه يقعد فتره متلتزم بتعليمات الدكتور ويبعد عن اي
حاجه تزود نسبه الامونيا لكن النفس اماره بالسوء تلاقيه ينسي تعليمات الدكتور بعد فتره ويهمل
العلاج مع انه سمع والدكتور شدد عليه وقاله ان ده غلط وماينفعش
انت بقى ممكن تكون دخلت في غيبوبه الالتزام اه الحمد لله سبت المعاصي والتزمت سبت سها والافلام
والاغاني والتزمت بالصلاه وحفظ القراءن واديت العمره
وعرفت خطوره المعاصي والذنوب
لكن بعد فتره لما تفوق تدريجيا هتقول ايه ده وهتستغرب كل اللي بتعمله وترجع تاني للي كنت عليه
وتبدا تفرط شويه بشويه لحد ماتفرط في كل حاجه وتهمل كل النصايح والتوجيهات
لان زي ماقولتلك مش مدرك ايه اللي بيحصلك لانك في غيبوبه
علي:لا انا مش في غيبوبه انا مدرك اللي بيحصل وحسيت بحلاوه كل حاجه قولتهالي انا مكنتش عايش قبل كده
انا بحمد ربنا انه احياني تاني
انا مقدرش زي ماحضرتك قولتلي اني اعصي ربنا تاني .......مقدرش ابعد تاني اه انا خايف اقع في
المعاصي اللي كنت بعملها قبل كده وارجعلها تاني بس انا عارف اني وقتها كنت ميت زي ماحضرتك قولت كده
ازاي بعد ماربنا اعطاني كل خير وبدلني بكل معصيه كنت بعملها حلاوه تانيه خالص لا مقدرش
بعد الاغاني والافلام وتضييع الوقت التزمت بحفظ القراءن وعشت قرءان زي ماحضرتك قولتلي
والتزمت بالصيام والقيام والذكر
وبعد حبي لسها قصدي بعد ماكنت بعصي ربنا وبشرك مع حبه حب تاني ربنا مايرضاش بيه بقيت
خلاص زي ماحضرتك قلت ربنا بس اللي علي عرش قلبي
مفيش حب محرم في حياتي حب ربنا والقرب منه بقى كل حياتي
حتي الهدايا وخط الموبايل لما حضرتك طلبتهم
الحاج حسين:انا عارف كل ده يابني وفرحان بيه اوي وانت بكده بقيت من النوع الرابع الحمد لله رب العالمين والله زي ماقلتك انت ثمره حياتي عشان كده انا خايف عليك خايف انك تقع او اي حد يقضي عليك
وبالذات النهارده لما قلت انك مش هتدخل تجارة انا خفت اوي عليك
علي:ليه بس والله انا فاكر ان حضرتك هتفرح وكنت حاسس ان حضرتك هتتطلب مني الطلب ده
ليه حضرتك زعلان اوي كده وخايف عليه
يتبع ان شاء الله
