الحلقة الخامسة عشر
محمد:طب وايه اللي حصل
علي:اسماء اختي اتنرفزت عليه وقالتلي
اسماء:انت اتجننت يابني خلي عندك ذوق واطلع كلمها
علي:بصي هو ده اللي عندي انا مش هكلمها قوليلها تشيلني من دماغها
اسماء:انت بقيت غريب مالك؟!! انا مش هطلع اقولها الكلام ده
علي:هي اصلا زمانها سمعت صوتنا العالي مش محتاجه تسمعه تاني منك
وتخرج اسماء تشوف سها
اسماء:معلش ياسها اعذريه اكيد وفاة محمود ماثره عليه هدي نفسك بس
سها وهي منهاره ومش قادره تتكلم:لا هو خلاص مش موضوع وفاه محمود ولا حاجه
انا عارفه هو ماله
اسماء:طب ياريت تعرفيني عشان ارتاح وهدي نفسك بس يابنتي ليحصلك حاجه
سها:هيكون اخوكي هو السبب........
اسماء:طب بس استني قوليلي .....استني بس سها ماتنزليش وانت كده.....استني يابنتي
سها:سيبيني يااسماء
وتدخل اسماء تنادي على علي
اسماء:مش هتنزل ورا سها البنت منهاره حرام عليك انزل وراها ممكن تعمل حاجه في نفسها
علي:وانا مالي انا كنت قولتلها تيجي
اسماء:ماشي لما ارجعلك
علي:ياشيخه روحي
وتنزل اسماء ورا سها بسرعه
اسماء:استني
بس ياسها ماتعمليش في نفسك كده انت عارفه علي بيحبك اد ايه ومش
هيقدر يستغني عنك هتلاقيه بس اتجنن في عقله يومين ويرجعلك اعذريه انت بس
سها:لا يا اسماء الموضوع مش موضوع جنان ولا حاجه انا عارفه ايه اللي حصله هو اكيد بيحب واحده تانيه
اسماء:تانيه مين.....هو هيلاقي احسن منك فين
سها:صدقيني هو اكيد بيحب واحدة تانيه بس مسيري اعرفها ومش هسيبهم في حالهم
اسماء:بتقولي ايه بس ياسها علي مابيحبش حد الا انت
سها:انت مش عارفه حاجه يااسماء .......انا عايزاكي بس تقوليله اني مش هسيبه في حاله ومش هسيبهم يتهنوا ببعض انا مش هبله
انا مش ههدي الا لما اعرف هي مين
مايفكرش اني هسافر كده واسيبه في حاله لاااااااااا......... انا هسافر اه بس هعرف اخباره وانا هناك بمعرفتي يلا سلام
ولما ترجع اسماء البيت
اسماء:انت يابيه هتفضل كده لحد امتي
علي:يعني ايه
اسماء:انا عايزاك تعرض نفسك علي دكتور امرض نفسيه وربنا يستر
علي:قصدك ايه
اسماء:قصدي ان انت خلاص اتجننت
علي:انت مش ملاحظه اني اخوكي الكبير والمفروض تتكلمي معايا بأدب عن كده
اسماء:ياسيدي لا ادب ولا قله ادب انا مش عايزه اتكلم معاك خالص انا بس عايزه اقولك .......
علي: مش عايز اسمع منك حاجه كفايه كده
اسماء:اسمع بس سها بتقولك انها مش هتسيبكوا تتهنوا مع بعض
علي:مين دول اللي يتهنوا مع بعض
اسماء:هي بتقول انك حبيت واحده تانيه
علي:في سره مش لما ابقى اخلص من الاولي الاول
بصي يااسماء لا تانيه ولا تالته سيبيني لوحدي دلوقتي
اسماء:يعني انا عايزه اقعد معاك اصلا ممكن يكون اللي عندك ده معدي
علي:اسمااااااااااء امشي دلوقتي من وشي
وبعد ماتخرج اسماء
علي:هو ايه اللي انا عملته ده
انا كده خلاص ضيعتها من ايدي
انا احب واحده تانيه ازاي ده........ طب وسها
هو اللي انا عملته ده صح
مااحنا كنا هنتخطب قريب
طب ليه مقولتش كده للحاج حسين ممكن كان وافق وكنت ابقى في غنى عن المشاكل دي
انا حاسس اني قلبي متقطع ميت حته انا مبقيتش عارف حاجه
لاااااااااااا انا مقدرش ابعد عنها ابدا
الحاج حسين مجربش عشان يعرف هو بيقولي كلام نظري وبس لكن التطبيق صعب........ وصعب اوي
ماانا كنت كويس ايه اللي جرالي كنت عايش حياتي ميت فله وعشره انا ايه اللي حصلي
وايه تأنيب الضمير ده اللي بقيت عايش فيه
الاول كنت ماشي في السكه دي ومكنتش اعرف انها حرام كنت مقضيها مع سها واللاغاني والافلام مكانش
حد بيقول ده حرام وللا حلال كنت مستريح كتير
بس............دلوقتي عرفت انه حرااااااام.....هي دي المشكله
عرفت انه حرام بس مش قادر اسيبه
ايه الحيره دي بس
انا اروح الجامع واسمع الايات والاحاديث وكلام الحاج حسين بس اجي اطبق الاقي التطبيق صعب اوي دي سها.........
اعمل ايه بس
الله اكبر .........الله اكبر
ايه ده العصر
ياتري
هلاقي الحل عند الحاج حسين ......لاااااااااا هو مش حاسس بيه وبعدين ايه
الحرب اللي قالي عليها دي هي في حرب اكتر من اللي انا فيها
وفي الجامع
الحاج حسين:ازيك ياحبيبي مبارك عليك
علي:هو فيه ايه
الحاج حسين:انا حاسس انك حطيت رجلك علي بدايه الطريق
علي:طريق ايه انا منفعش انا مقدرش اكمل معاك بالطريقه دي
الحاج حسين:بص انا مش عايز اسمع كلمه مقدرش دي ابدا منك فاهمني يابني
انت ثمره عنيه انا مش هسمحلك ترجع ولو مللي واحد لورا فاهم
علي:صدقني صعب
الحاج حسين:وانا مقولتش انه سهل وقولتلك من البدايه انها حرب فاكر
علي:فاكر بس انا مش اد حرب ولا غيره وبعدين احنا كنا هنتخطب قريب
الحاج حسين:بجد
علي:اه والله
الحاج حسين:وان
شاء الله هتفضلوا مخطوبين ست سنين ايه طوله البال دي وبعدين انت عارف اصلا
ان حتي لو اتخطبتوا هي برده اجنبيه عنك يعني الكلام معاها في حدود الضروره
مفيش حاجه اسمها رنات ولا رسايل ولا اي حاجه وماينفعش تقعد معاها الا في
وجود محرم وبالتالي ماينفعش تتفسحوا سوا في الكليه فاهمني
علي: كل ده ليه
الحاج حسين:هو ده الدين انا مبجبش حاجه من عندي يعني الخطوبه اللي في دماغك ..........برده لا وماتقولش اني بشدد عليك هو ده الدين
انت تقدر تتجوزها دلوقتي؟!!!!
علي:لا طبعا
الحاج حسين :طب خلاص سيبنا من موضوع الخطوبه والجواز دلوقتي
انا عايز اصارحك بحاجه مهمه انت ياعلي للاسف عندك ورم خبيث ومش هينفع نعالج اعراض الورم ونسيب الورم ذات نفسه
علي:ورم !!!! ......... امتي وازاي وفين الورم ده وعرفت منين
محمد:عرف منين .......شكله يابني دكتور ودكتور شاطر جدا بس انت اللي مش مصدق
يتبع ان شاء الله
