الحلقة الحادية والعشرون
علي:هقولك يامحمد انا كنت في فجوة كبيرة بيني وبين اهلي
لكني قررت اني اقرب منهم واشيل اي فجوات بينا
وقلت هما اكيد بيحبوني دي فطره ربنا فطرهم عليهم بس هما اكيد مش
عارفين يوصلولي احساسهم يعني انت ممكن تحس ان انسان بيحبك بس
مش قادر يوصلك احساسه
محمد:اه طبعا زي ماانت بتحبني كده بالظبط
علي:والله يامحمد انا بحبك في الله
محمد:اه....
علي:قولي احبك الذي احببتني فيه
محمد:ماشي ياسيدي احبك الذي احببتني فيه ........هو انت معايا في تجارة
بقى وللالا
علي:محمد انت هتنرفزني ولا ايه مش اتفقنا مش هتقاطعني
ولوانت طمعت لما قولتلك بحبك في الله
محمد:خلاص انا اسف كمل
علي:قلت ليه مافتحش معاهم صفحه جديده اكتب انا اول سطر فيها
اقولهم انا بحبكم لاني ربنا امرني بكده وهبركم طاعه لربي
محمد:ممكن بعد اذنك سيادتك اسال سؤال
علي:ايه الادب ده.... اتفضل
ياسيدي اسال
محمد:هو انت اتعلمت الحاجات دي وعرفتها فين
علي:من القراءن
محمد:من القراءن....... صحيح هو انت كل شويه تذكرلي ايه هو انت
حفظت القراءن كله ولاايه...... لحقت في شهر تختمه مع الحاج حسين
علي:انا بفضل الله المنان اكملت حفظ جزء عم وبداءت في تبارك
والله المستعان
محمد:يعني لسه ماخلصتش امال ايه بقى
علي:مش شرط اني اكون حافظ القراءن كله يعني عشان الايات
اللي ذكرتهالك قبل كده انا الايات دي حسيتها وعشتها
يعني كأنها بقت جزء مني مش بقولك تحس قراءن يعني تخيل لو ايه في
قلبك ساكنه فيه وقلبك بيضخ دم لجسمك طول الوقت اكيد الايه دي
هتمشي في دمك في جسمك كله سبحان الله
محمد:ايوه ......ياحاج حسين وبعدين.....
علي:وبعدين اقولك ايه بس......
بص يامحمد انت لوجيت تشوف ايات القرءان هتلاقي ان ربنا عزوجل
كلما امر بعبادته تلاقي الامر اللي بعده مباشره طاعه الوالدين
سبحان الله تخيل عباده الله عزوجل وبعدها طاعه الوالدين
بسم الله الرحمن الرحيم
وَاعْبُدُوا اللَّهَ وَلا تُشْرِكُوا بِهِ شَيْئاً وَبِالْوَالِدَيْنِ إِحْسَاناً
وقال الله تعالي
بسم الله الرحمن الرحيم
وَقَضَى
رَبُّكَ أَلاَّ تَعْبُدُوا إِلاَّ إِيَّاهُ وَبِالْوَالِدَيْنِ إِحْسَاناً
إِمَّا يَبْلُغَنَّ عِنْدَكَ الْكِبَرَ أَحَدُهُمَا أَوْ كِلاهُمَا فَلا
تَقُلْ لَهُمَا أُفٍّ وَلا تَنْهَرْهُمَا وَقُلْ لَهُمَا قَوْلاً كَرِيماً
23 الأسراء
محمد:سبحان الله
يااااااااه داانا كده مفرط في حق ابويا وامي اوي مع انهم مش مخليني
محتاج حاجه
علي:ايوه ماانت الحيله بقى
محمد:اسكت والله انت زعلتني........ انا على كده فين من اوامر ربنا
علي:تعرف يامحمد
محمد:ايه هتقولي تاني حاجه عن برالوالدين ماكفايه احراج لحد كده
علي :والله يامحمد احنا بعيد جدا عن البر خليني ساكت
انت عارف الحاج حسين حكالي ان احد التابعين وهو اويس القرني ادرك
النبي صلي الله عليه وسلم ولكنه لم يره لانه كان بار بأمه ولم يتمكن من
رؤيه النبي صلي الله عليه وسلم
تعرف النبي صلي الله عليه وسلم قال عنه ايه
محمد:ايه
علي:قال النبي محمد صلي الله عليه وسلم
يأتي عليكم أويس بن عامر مع أمداد أهل اليمن من مراد ثم من قرن كان به
برص فبرأ منه إلا موضع درهم له والدة هو بها بر لو أقسم على الله لأبره؛
فإن استطعت أن يستغفر لك فافعل (رواه مسلم،)
علي:وكان سيدنا عمر بن الخطاب إذا أتى عليه أمداد أهل اليمن
سألهم أفيكم أويس بن عامر حتى أتى على أويس فقال: أنت أويس بن
عامر؟ قال: نعم قال: من مراد ثم من قرن؟ قال: نعم قال: فكان بك برص
فبرأت منه إلا موضع درهم؟ قال: نعم قال: لك والدة؟ قال: نعم قال: سمعت
رسول الله صلى الله عليه وسلم يقول: يأتي عليكم أويس بن عامر مع أمداد
أهل اليمن من مراد ثم من قرن كان به برص فبرأ منه إلا موضع درهم له
والدة هو بها بر لو أقسم على الله لأبره؛ فإن استطعت أن يستغفر لك فافعل؛
فاستغفر لي فاستغفر له
محمد:سبحان الله
علي:شوفت فضل البر دا كمان في باب من ابواب الجنة الثمانيه لبر الوالدين
محمد:خلاص ياعلي اوعدك اني من اول النهارده هتغير
قولي بقى انت معايا في تجارة وللا لا
علي:اسكت داانا كل ماافتكر اليوم ده اللي كلمت فيه الحاج حسين
عن الموضوع ده .........دا كان يوم
محمد:ليه عمل فيك ايه
علي:قالي انت ظهرت عليك اعراض خطيره ربنا يستر
محمد:اعراض ايه....... هو كل اللي انت عملته ده مش عاجبه.........
دانا كنت شويه وهقولك ياشيخنا
يتبع ان شاء الله
