منتديات طموح الجيل الحالي
السلام عليكم
يشرفنا تسجيلكم معنا في أسرة منتدى طموح الجيل الحالي
كما نتمنى ان تقضو أوقاتا ممتعة على الانترنت

منتديات طموح الجيل الحالي


 
الرئيسيةالتسجيلدخول

شاطر | 
 

 الحلقة الثامنة والعشرون

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ali gabr
نائب المدير
نائب المدير
avatar

تاريخ التسجيل : 02/11/2010
البلد : مــــــ أم الدنيا ــــــصر

Egypt
عدد المساهمات : 375
المزاج : الحمد لله

03052011
مُساهمةالحلقة الثامنة والعشرون


الحلقة الثامنة والعشرون

علي: قبل مااقولك هو اقنعني ازاي ادخل طب انت مش ملاحظ
حاجه؟!!!

محمد:حاجه ايه ......ااااه انت مااتصلتش ببابا عشان تقوله على
اختبارنسبه الذكاء

علي:لا مش كده يامحمد حاجه تانيه

محمد:ههههههه ....انت بقيت هادي كده ليه

علي:انا قولت بقي احنا هنقعد في الكليه دي ان شاء الله اربع سنين
ولو كل حاجه اخدتها على اعصابي هيحصلي حاجه فقررت اصبر عليك
والاجر من عند ربنا

محمد:ايه ده........... هو انا بلاء ربنا ابتلاك بيه ماشي ياعلوة ....ماشي
يعني انرفزك براحتي

علي:ااااااااايه يامحمد الحاجه اللي انت ملاحظها؟

محمد:مش عارف قول انت

علي:انا من اول يوم شوفتك فيه في الكليه

محمد:اه وانت مش قادر تستغني عني هههههههههه

علي:لا من اول يوم شوفتك وانا قاعد اتكلم واحكي وانت بتسمع
وتنرفزني وخلاص
انت ايه رايك في الكلام اللي بقوله

محمد:بص ياعلوة انت عارف طبعا انا في فتره االثانويه العامه ماكنش ليه
علاقه بالبنات وده مكانش عشان اني عارف حرمه الموضوع ده لا انا
مكنتش لسه اعرف حرمته
لكني في الفتره دي وانت اقرب واحد ليه عارف اني كنت مركز في المذاكره
وبس ............عايز ابقي محاسب بقي هههههه
ولما دخلت الكليه زي ماطلبت منك كده في اول يوم اننا نعمل صحوبيات
كنت حاسس من جوايا انا الكلام ده كلام فاضي واننا كده بنخون ربنا
وبنخون اهلنا

علي:ولماانت عارف انه فاضي كنت عايزه ليه

محمد:يعني هي كل حاجه قبل كده عرفنا انها حرام او كنا عارفين انها
حرام سبناها الواحد عايش حياه كلها تناقض

علي:ايه ده يامحمد ايه اللي انت بتقوله ده انت صدمتني بجد كده انا
زعلان منك انا مش بهزر انا مش عايزك تعيش بالمبدا ده انا حاسس انك
كويس ولو بدات هتنجح
انا عايزك يامحمد تعيش علي مبدا سمعنا واطعنا
وعايزك تعرف حاجه مهمه اوي
كل حاجه عرفت انها حرام ومترضيش ربنا لازم تسيبها فورا
تسيبها عشان ربنا ربنا وبس مش عشان اي حاجه تانيه مش عشان
المذاكرة وللا اي حاجه تانيه ربنا وبس

محمد:اسمعني بس

علي:هتقول ايه...... تاني اسمعني انت
انت عارف يامحمد احنا مشكلتنا ايه احنا بنغير مسميات كل حاجه عشان
تتماشي مع اهواءنا
يعني الربا اللي ربنا حرمه نسميه فوايد البنوك والخمره نسميها مشروبات
روحيه
و العلاقه بين الولد والبنت نسميها
زماله ........صداقه ......اخوات ....اي حاجة
مع ان اسمها الحقيقي هي مالهاش اسم اصلا لان مفيش حاجه اسمها
علاقه بين ولد وبنت
غيرنا اسماء حاجات ربنا حرمه لاسماء تانيه وكأنها كده خلاص بقت
حلال
حطينا احكام الدين علي شماعه ننزلها وقت مااحنا عايزين وممكن
ماننزلهاش خالص
دخلنا كل الاحكام في حياتنا ونسينا حكم ربنا وحكم الدين
انا مش عايزك يامحمد تفتحلي ودانك انا عايزك تفتحلي قلبك
وماتقولش اني هعملي فيها الحاج حسين
لا يامحمد انت عارف احساس انك كنت اعمي وفجاه ابصرت النور
كنت تايه ومره واحده عرفت الطريق عرفت انت ماشي ازاي
عشان كده انا بدعوك الي الهدي ائتنا
انت عارف انا ان شاء الله هدور علي كل اصحاب زمان وابدا معاهم من
جديد زي ماكنا بنعصي ربنا مع بعض هنطيع ربنا مع بعض
اصل اللي كان في ظلام المعصيه وربنا نورله طريقه بيبقي نفسه كل
الناس تشوف النور زيه وبيبقي حاسس بقيمه النور ده
انت ايه رايك في الكلام اللي انا بقوله

محمد:انا حاسس كل اللي بتقوله
بس عارف احساس انك عايز بس مش قادر
عرفت الحرام وعرفت الحلال بس مش قادر
تقرب خطوه من ربنا

علي:بص يامحمد انا هكلمك بصراحه انت لوجيت تفكر كده
احنا الاتنين قبل ماندخل الكليه كنا زي بعض كنا بنصلي وقت الامتحان
عشان ربنا ينجحنا وبعد كده خلاص مفيش حاجه في حياتنا اسمها صلاه
وكنا بنحب الاغاني والافلام
وانا كنت اسوء حال منك انا كنت متعلق بسها
يعني احنا الاتنين كنا زي بعض وانت كنت احسن مني
انت ايه رايك في حالي دلوقتي وحالي قبل كده

محمد:والله انا حاسس انك دلوقتي اسعد كتير من زمان وفي راحه نفسيه
احسن

علي:خلاص انت تقدر
الشيطان ونفسك هما اللي بيقولوا انك متنفعش للطريق ده
خلاص يامحمد اتفقنا هنبدا سوى من اول النهارده
وبعدين انت مش فاكر الموقف اللي انت حكيتهولي اول يوم في الكليه
الموقف ده معناه انك كويس وتقدر

محمد:موقف ايه

علي:انت لحقت تنسي .......موقفك مع البنت اللي كانت في كليه
اداب وانت وقتها افتكرت موقف سيدنا موسي
صحيح انت سمعت الموقف ده فين انت

محمد:والله ياعلي سبحان الله انا كنت بقلب في التلفزيون كده انت
عارف طبعا انا بتفرج في التلفزيون على ايه
وفجاه كده لقيت شيخ بيتكلم عن قصه سيدنا موسي انا سبحان الله مش
عارف ايه الي خلاني اسيب القناه دي واسمعها
دي كانت تقريبا اول حاجه اسمعها عن ربنا........وانبهرت بقصه سيدنا
موسي عليه السلام

علي:سبحان الله
انت عارف احنا نبدا سوى من جديد
وربنا قادر انه يطلع من قلبك حب الاغاني والافلام ويزرع بقلبك حب
القراءن والرسول صلي الله عليه وسلم والصحابه
هو مش ربنا بيقول

بسم الله الرحمن الرحيم


وَلَكِنَّ
اللَّهَ حَبَّبَ إِلَيْكُمْ الإِيمَانَ وَزَيَّنَهُ فِي قُلُوبِكُمْ
وَكَرَّهَ إِلَيْكُمْ الْكُفْرَ وَالْفُسُوقَ وَالْعِصْيَانَ أُوْلَئِكَ
هُمْ الرَّاشِدُونَ (17)


محمد:ايه ده هي السوره دي في الجزء الكام
علي:لا متخافش انا لسه ماوصلتش للجزء ده
انا لسه في جزء المجادله
عارف انت لو بدات دلوقتي هتسبقني

محمد:ياراجل

علي:ابدا انت بس وبلاش كسل ....

محمد:خلاص ياعلي اتفقنا
بس انا عايز اصارحك بحاجه مهمه

علي:حاجه ايه

محمد:بصراحه انا خونتك

علي:بتقول ايه!!!!!!



يتبع ان شاء الله









اللهم إنك تسمع وترى ولا يخفى عليك شىء من أمرنا،فاحفظ مصر يارب من كل سوء ومكروه
يا حى يا قيوم برحمتك نستغيييث أصلِح لنا شأننا كله
ولا تكلنا إلى أنفسنا طرفة عين
اللهم وَلِّ علينا الصالحين من عبادك
الرجوع الى أعلى الصفحة اذهب الى الأسفل
http://aocg.yoo7.com
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

الحلقة الثامنة والعشرون :: تعاليق

avatar
رد: الحلقة الثامنة والعشرون
مُساهمة في الخميس 19 مايو 2011, 9:59 am من طرف abusabry
يا نهار ابيض خانه في ايه يا تري
هنشوف الحلقة الجاية
ربنا يستر
 

الحلقة الثامنة والعشرون

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات طموح الجيل الحالي  :: القسم الادبي :: روايات وقصص :: انا مش ورقة!!!-
انتقل الى: