منتديات طموح الجيل الحالي
السلام عليكم
يشرفنا تسجيلكم معنا في أسرة منتدى طموح الجيل الحالي
كما نتمنى ان تقضو أوقاتا ممتعة على الانترنت

منتديات طموح الجيل الحالي


 
الرئيسيةالتسجيلدخول

شاطر | 
 

 الحلقة الخامسة والثلاثون

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ali gabr
نائب المدير
نائب المدير
avatar

تاريخ التسجيل : 02/11/2010
البلد : مــــــ أم الدنيا ــــــصر

Egypt
عدد المساهمات : 375
المزاج : الحمد لله

10072011
مُساهمةالحلقة الخامسة والثلاثون

الحلقة الخامسة والثلاثون


محمد يخرج ورا علي لكن مش هيقدر يلحقه ويقرر انه يرجع المستشفي عشان يكون جنب زوجه الحاج حسين

زوجه الحاج حسين وهي تبكي:انا عايزاك يابني تتصل بعلي ضروري

محمد:ما انا اكيد هتصل بيه

زوجه الحاج حسين:عارف يابني الطلب الصعب اللي الحاج حسين كان عايزه منكم
هو وصاني اني اقولهولكم لو هو مالحقش يقوله عارف يابني ايه الطلب


محمد:لا مش عارف

زوجه الحاج حسين:هو عايزك انت وعلي تكونوا موجودين وهو بيتغسل وبيتكفن وبيدفن
انت عارف يابني اننا لم نرزق بأولاد
وكان دايما الحاج حسين يقولي علي ومحمد اولادي اللي ربنا رزقنا بهم
وكل يوم كان حبه لكم بيزيد
وفي يوم قالي


الحاج حسين: انا خايف عليهم اوي خايف عليهم من بعدي مش هقدر اتحمل انهم يرجعوا خطوه واحده عن الطريق اللي هما فيه
انا بوصيكي انهم يكونوا واقفين وقت تغسيلي وتكفيني ودفني


زوجه الحاج حسين:لااااا دا صعب اوي عليهم انهم يشوفوك في الوضع ده لا بلاش هما مش هيستحملوا

الحاج حسين:لا هما لازم يدخل في قلبهم النهايه دي ويحسوها اوي
يحسو ان كل شئ مرده في نهايه ومآله الي الله
لازم يشوفوني كده وانا ميت بعد ماكنت بتكلم معاهم واقعد معاهم واسمعهم وانصحهم لازم كلامي لهم يثبت بقلبهم
لازم يعرفوا ان الشخص بيموت ويدفن لكن الكلام لا والافعال لا عمرها ابدا مابتموت


زوجه الحاج حسين:بلاش كلام في الموضوع ده

الحاج حسين:لا الموضوع مهم انت عارفه ان لو سبت لهم مال وضاع مش مشكله المال نعوضه في اي وقت
لكن ده دين فاهمه يعني ايه دين انا تعبت معاهم اوي وعندي الموت اهون من تفريطهم
دي وصيتي ولو ماقدرتش ابلغهلهم ابقي بلغيهم


زوجه الحاج حسين:هي دي يابني وصيته

محمد:هي وصيه صعبه اوي علينا بس للاسف مش هنقدر مانفذش

زوجه الحاج حسين:انا اتصلت بأخواته عشان ننتهي من اجراءت خروجه من المستشفي
اتصل بعلي دلوقتي عشان يجي علي البيت


محمد:علي .........

وبعد خروج علي من المستشفي
يشغل على الموبايل درس من الدروس اللي كان مسجلها للحاج حسين


علي:هو انا مش هسجلك حاجه تاني
لا انا حاسس اني هسمع صوتك من تاني وتقول زي اول مره قابلتني فيها في الجامع وعرفتني فيها الطريق ازيك يابني انا بحبك اوي واني بوحشك اوي
هو انت صحيح مت خلاص
زي ما محمود مات
هو بعد ماحسستني اني ابنك تموت
تموت وترجعني يتيم تاني
طب سبتني لمين
مين تاني هيسمعني ويحبني
علي فوووووق هو خلاص مات ودايما كان بيقولك قبل كده كل حاجه هتحبها غير ربنا لازم هتسبها او هي اللي هتسيبك
واهو سابك اهو ومات مات خلاص
انا خلاص مش هحب حد تاني
سها وكان وهم وانا سبته
والحاج حسين هو اللي سابني سابني للابد


ويرن موبايل علي

علي:محمد ايه الحاج حسين طلع في غيبوبه زي ماانا قلت صح

محمد:تعالي بيت الحاج حسين ضروري

علي:هو عايزني صح

محمد:ايوه عايزك

علي:شوفت عشان كنت تصدق كلامي

محمد:هو عايزك تقف وتشارك في تغسيله وتكفينه ودفنه

علي:انت اتجننت انت متخيل اني اقدر اعمل كده
لاانا مقدرش
ااااه لما كان بيقولي مش عايز اسمع منك كلمه مقدرش دي الافي حاله واحده بس


محمد:مفيش وقت ياعلي دي وصيته ولازم تيجي دلوقتي ده اخر حاجه ممكن نقدمهاله انا هستناك متتاخرش

وبعد انتهاء المكالمه

علي:ايه ده انا اروح ادفن روحي ازاي
ويقولي انا عايزك تبقي اسد الدعوة وانت البذره اللي انا اهتميت بيها
بذره ايه واسد ايه
انا خلاص زي مالحاج حسين مات وهيدفن
علي هيموت وهيدفن في حد يعيش من غير روحه
بس انا دلوقتي لازم مهما كان انفذ وصيته ده حبيبي مش هقدر ماانفذش كلامه
بس ازاي كده اشوفه وهو ميت مابيكلمنيش
يااااارب اعمل ايه يارب قويني


ويذهب علي لبيت الحاج حسين

محمد:يلا ياعلي هو في الاوضه دي واخوه خلص اجراءت الدفن خلاص
وكل شئ جاهز


علي:عارف يامحمد النهارده يوم ايه يوم الخميس يامحمد
يوم الخميس هنروح فين بعد صلاه العصر يامحمد


محمد:اسكت ياعلي الله يكرمك
يلا عشان ندخل مع اللي هيغسلوه ويكفنوه


علي:ليس الغريب غريب الشام واليمن ان الغريب غريب اللحد والكفن

محمد:مش وقته ياعلي يلا عشان ندخل وبالله عليك امسك اعصابك شويه

ويدخل محمد وعلي على الحاج حسين ويشاركوا في تغسيل وتكفين الحاج حسين
وقبل تكفين الحاج حسين يتقدم محمد ويقبل جبهه الحاج حسين
ومن بعده علي ويقول في سره خلاص بجد دي اخر مره هقرب منك فيها يارب صبرني
وبعد الصلاه علي الحاج حسين يتوجهوا للمقابر


اخو الحاج حسين:ينادي على علي ومحمد حد فيكم يجي يساعدني في فك الكفن

محمد:انزل ياعلي

علي:لاانزل انت انا مش هقدر

وينزل محمد القبر يساعد الحاج حسين وبعد انتهاءه يخرج لعلي

محمد:انزل والله هتحس براحه وانت تحت معاه

علي:راحه ايه هو مش قبر

محمد:لا انا حاسس انه مختلف عن اي قبر مش عارف ليه حاسس اني مرتاح

علي: مرتاح طيب ياعم سيبني في حالي مش خلاص عملنا الوصيه انا ماشي

محمد:ماشي ايه استني لازم نقف شويه نسأل الله له الثبات اسال الله ان يثبتنا بالقول الثابت في الحياه الدنيا وفي الاخره

علي:لا انا مش قادر اقف انا همشي

محمد:تمشي تروح فين

علي:ماتوجعش دماغي انا مش ناقصك

محمد:طب على العموم احنا لنا قاعده مع بعض لما اعصابك تستريح

علي:لاقاعده ولاواقفه وبعدين انا مااتجننتش عشان اعصابي تستريح شيلني من دماغك وانساني

وبعد مرور اسبوعين من وفاة الحاج حسين
يذهب محمد لزياره علي ولكنه يفأجا بحاله علي





يتبع ان شاء الله









اللهم إنك تسمع وترى ولا يخفى عليك شىء من أمرنا،فاحفظ مصر يارب من كل سوء ومكروه
يا حى يا قيوم برحمتك نستغيييث أصلِح لنا شأننا كله
ولا تكلنا إلى أنفسنا طرفة عين
اللهم وَلِّ علينا الصالحين من عبادك
الرجوع الى أعلى الصفحة اذهب الى الأسفل
http://aocg.yoo7.com
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

الحلقة الخامسة والثلاثون :: تعاليق

avatar
رد: الحلقة الخامسة والثلاثون
مُساهمة في الإثنين 11 يوليو 2011, 5:20 pm من طرف عازفة لحن الرحيل
روعه روعه روعه ومؤثره جدا

والحاجه اللي عجبني فيهاحماس محمد

وكماااااان القصيده اللي قالها علي وهو في محنته

ليس الغريب غريب الشام واليمن ان الغريب غريب اللحد والكفن
 

الحلقة الخامسة والثلاثون

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات طموح الجيل الحالي  :: القسم الادبي :: روايات وقصص :: انا مش ورقة!!!-
انتقل الى: