منتديات طموح الجيل الحالي
السلام عليكم
يشرفنا تسجيلكم معنا في أسرة منتدى طموح الجيل الحالي
كما نتمنى ان تقضو أوقاتا ممتعة على الانترنت

منتديات طموح الجيل الحالي


 
الرئيسيةالتسجيلدخول

شاطر | 
 

 الحلقة السادسة والثلاثون

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ali gabr
نائب المدير
نائب المدير
avatar

تاريخ التسجيل : 02/11/2010
البلد : مــــــ أم الدنيا ــــــصر

Egypt
عدد المساهمات : 375
المزاج : الحمد لله

16072011
مُساهمةالحلقة السادسة والثلاثون



الحلقة السادسة والثلاثون(أي الفريقين أحق بالأمن)



وبعد مرور اسبوع من وفاة الحاج حسين
يذهب محمد لمنزل علي



محمد
:السلام عليكم ورحمه الله وبركاته

والدة علي:
وعليكم السلام ورحمه الله وبركاته اتفضل يابني
ازيك يابني عامل ايه


محمد
:الحمد لله رب العالمين
هو علي موجود


والدة علي
:اهو يابني موجود ومش موجود
من يوم وفاة الحاج حسين وهو قافل علي نفسه اوضته دا حتي
مابينزلش صلاة الجماعه
والله يابني احنا مش عارفين نعمل ايه معاه مبيتكلمش معانا خالص
حتي والده عرض عليه انه يروح لدكتور نفسي او الدكتور يجي يشوفه
في البيت وطبعا هو رفض
انا يابني والله مش عارفه اعمل معاه ايه
انا قلبي بيتقطع عليه ده مش علي ابني
انا عارفه هو اد ايه كان متعلق بالحاج حسين بس يابني مكنتش متخيله
انه يحصله كل ده
انا خايفه عليه اوي انا مش عارفه هو خلاص مش هيتكلم تاني وللا هو
اللي مش عايز يتكلم وللا ايه


محمد
:ماتقلقيش ياحاجه هو ان شاء الله هيكون كويس

والده علي
:يارب يابني

محمد
:ممكن ادخله

والده علي
:ممكن يابني بس هو اللي يرضي يدخلك

محمد
:علي ممكن ادخل انا عارف اني وحشتك ها يلا افتح بقالنا
اسبوع وانت بعيد عني
بص انت لو مفتحتش انا ممكن استاذن والدتك واكسر الباب وادخل
يعني مش مشكله
افتح انا عايز اقولك كلام مهم
ولو مفتحتش هقعد هنا واقوله احسنلك تفتح يعني
علي هو انت كمان مابقيتش تسمع
افتح يلا
حتي لو مفتحتش انا قاعد استناك لحد ماتخرج غصب عنك
وادي قاعده


ويفتح علي لمحمد ويرجع تاني يقعد في مكانه من غير مايتكلم
ويدخل محمد ويقفل باب الاوضه

محمد
:ماانت بتسمع اهو امال كل ده مش راضي تفتح ليه وشكلك برضه
بتتكلم ومعندكش اي مشكله بس انت بس اللي بتتدلع علينا
انا عارف انك مش هترد عليا بس انا جاي اقولك كلام مهم اوي ولازم
تسمعه كويس
بس قبل مااقول الكلام اللي انا جاي اقوله في نقطتين مهمين عايز
اقولهم في البدايه


اول حاجه
لازم تكون متاكد انك محبتش الحاج حسين
زي ماسيدنا ابو بكر الصديق حب الرسول صلي الله عليه وسلم
ومع ذلك لما توفي الرسول صلي الله عليه وسلم ثبت سيدنا ابو بكر
الصديق وثبت الصحابه معاه
يعني رجل واحد كان سبب في ثبات امه باكملها
وسبحان الله سيدنا ابوبكر الصديق كان عندما يسمع ايات القراءن كان
لايتمالك نفسه من البكاء
وكان يحب الرسول صلي الله عليه وسلم اكثر من نفسه
ورغم كل ده عند وفاة االرسول صلي الله عليه وسلم وقف وثبت كل
الصحابه رضوان الله عليهم
وقال


بسم الله الرحمن الرحيم
وَمَا مُحَمَّدٌ إِلاَّ رَسُولٌ قَدْ خَلَتْ مِنْ قَبْلِهِ الرُّسُلُ أَفَإِيْن مَاتَ أَوْ قُتِلَ انْقَلَبْتُمْ عَلَى أَعْقَابِكُمْ وَمَنْ يَنْقَلِبْ عَلَى عَقِبَيْهِ فَلَنْ يَضُرَّ اللَّهَ شَيْئاً وَسَيَجْزِي اللَّهُ الشَّاكِرِينَ (144)

انا عارف انك كنت بتحب الحاج حسين
بس مش معني كده انه لما يموت تنتكس انت
لا لازم تثبت وتكمل بعده


تاني حاجه
عايز اكلمك فيها
انك مش يتيم ولا حاجه
كفايه انك عايش في بيت وسط اهلك اللي بيحبوك
امال الاطفال اللي في الملاجئ يبقوا ايه
فاكر لماكنت بتكلمني عن بر الوالدين وقولتلي ان معاملتك اتغيرت
معاهم وحاسس انهم فرحانين بيك
فاكر لما قولتلي ان اكتشفت ان المشكله عندك انت فاكر لما قولت انهم
عندهم استعداد يسمعوك بس انت اللي محرج تحكي معاهم
انا مش عايز اسمع منك تاني انك يتيم لانك كده بتكذب
انا عارف ان ممكن كلامي يكون صعب عليك بس لازم تسمعه لان انا
مش متخيل ان حالتك توصل للدرجه دي
انت ياعلي اللي قبل الاذان تكون موجود في المسجد وتقولي زي
مالحاج حسين كان بيقول
المحب مش محتاج حد يفكره بميعاد حبيبه
والله اعلم انت كمان بتصلي في البيت وللا سبت الصلاه خالص
لا انت مش علي اللي انا عرفته
انت علي اللي كان سبب في هدايتي بعد الله عزوجل
انت ياعلي اسد في الدعوة زي ماقال الحاج حسين
ماينفعش اسد يقعد ويقفل علي نفسه كده
انت بفضل الله بقيت داعيه
فاكر لما كنت بتقولي انا عايز كل الشباب يعرفوا ربنا ويحبوه زي ماانا
بحبه
عايزهم كلهم يشوفوا النور
فاكر وللا لا
فاكر لما قولتلي انا هبدا الدعوه في المسجد زي ماكانت بدايه هدايتي في
المسجد وبدات تدي كلمه بعد صلاة الظهر في مسجد الكليه
وبفضل الله شباب كتير التزموا
وانا كنت واحد منهم
عايز بعد كده ترجع
لعلمك انت مش هترجع لواحدك ممكن يرجع وراك الناس اللي التزموا
علي ايدك
وتبقي انت سبب في انتكاسهم وهتبقي شهادة زور علي الاسلام
لان ناس كتير هتقول داكان ملتزم ورجع تاني للي كان فيه
لو كان شاف خير في التزامه مكانش سابه صح وللا لا
لو كان ارتاح في الالتزام والصلاة وحضور الدروس مكانش ساب
الطريق ابدا
اكيد هيقولوا حالته الاول هي اللي كان مرتاح فيها فرجع لها تاني
قبل ماتعمل اي حاجه لازم تشوف ايه عواقبها فاهم ياعلي
فاكر اول كلمه قولتها في المسجد عشان ربنا
فاكر ياعلي
تعرف ان دي اكتر حاجه اثرت فيا
فاكر اول كلمه كانت ايه ياعلي
انا عارف انك فاكرها كويس لانك دايما كنت تقولي انا مش هقولك كلمه
الا لما اكون عايشها وحاسسها
لان الكلام اللي طالع من القلب بيدخل القلب
عارف كانت ايه اول كلمه
فأي الفريقين احق بالأمن ان كنتم تعلمون
قولت وقتها انا هكلمكم ياشباب عن حكايه واحد مشي في طريقين
واكتشف في الاخر أي الفريقين احق بالأمن
انا هتكلم النهارده عنه عشان ماتفرطوش في حق ربنا زي ماهو فرط
وقعدت تحكي حكايتك وقولت
الشاب ده عرف دلوقتي اي الفريقين احق بالامن
واستحاله انه يرجع تاني للمعاصي
انا بكلمكم عنه عشان ماتعصوش ربنا زي ماهو عصاه
عشان ماتفرطوش في حق ربنا زي ماهو فرط
ياشباب العمر اقصر من اننا نضيعه والله
انا خايف عليكم
عشان نبتدئ صح ياشباب
كل واحد فيكم يسأل نفسه هو من أي الفريقين
انت الشاب اللي مش متخيل الدنيا من غير صيام وقيام
وللا الشاب اللي مش متخيل الدنيا من غير بنات واغاني وشات
الشاب اللي شعاره وعجلت اليك ربي لترضي
وللاالشاب اللي شعاره وعجلت اليك ايها المعاصي وياايها الدنيا لترضي
الشباب والبنات اللي كل همهم في الدنيا ازاي ربنا يرضي عنهم وعلي
لسانهم دايما اني اخاف ان عصيت ربي عذاب يوم عظيم
وللا الشباب والبنات اللي عايشينها كده وخلاص وزي ماتيجي تيجي كل
همهم في الدنيا
ازاي الشاب ده يوقع البنت دي وازاي البنت دي توقع الشاب ده
ياشباب احنا مش وظيفتنا كده في الدنيا
احنا استقالنا من عباده الرحمن والقرب منه واشتغلنا جنود عند
الشيطان
ياجماعه أي الفريقين احق بالأمن
أي الفريقين احق بالأمن
فريق الرحمن وللا فريق الشيطان
فريق حب الرحمن وللا حب المعاصي والشهوات والحب المحرم
فريق القرءان وللا فريق الاغاني
من البدايه ياشباب مش هينفع تبقي في الفريقين هو فريق واحد بس
اللي هتكون فيه
اختاروا ياشباب أي الفريقين
ان مش جاي اطرح عليكم اختيارات وتختاروا وامشي وخلاص لا
الاختيار ده لازم بعده يكون في شغل هتدخل في فريق الرحمن وهو
الفريق الاحق بالامن
لازم تشوف الحاجات اللي ربنا امر بها والحاجات اللي ربنا نهي عنها
سيدنا ابراهيم اما عرف ربنا تبرأ من ابوه وقومه وكسر كل الاصنام
ودخل النار عشان ربنا
احنا هنعمل ايه عشان ربنا
هتعملوا ايه عشان ربنا ياشباب
فروا الي الله ياشباب وهتلاقوا عنده كل الامن
تبرءوا من كل المعاصي وكل حاجه تبعدكوا عن ربنا
البنت اللي الشاب بيحبها ومش متخيل الدنيا من غيرها والاغاني اللي
مايقدرش يسيبها
وغيرها من المعاصي كل دي اصنام في طريقه لربنا لازم يكسرها
ومفيش حاجه اسمها صعب ومانقدرش
بقولكم سيدنا ابراهيم دخل النار عشان ربنا
انا مش بطلب منكم تدخلوا النار
بس انا عايز كل حاجه تبعدك عن ربنا وتكون حجاب بينك وبين ربنا
تفر منها
استعينوا بربنا ياشباب لو ربنا اطلع علي قلوبكم ووجد فيها صدق
التوبه هيعينكوا وهيقربكوا
استحاله تقرب من ربنا وربنا يبعد عنك وهو القريب
استحاله تنادي الله عزوجل ولا يجيبك وهو السميع المجيب
ياجماعه انا بكلمك عن الشاب عشان يكون مثال ادامكم وماتقولوش
صعب ومش هنقدر
انا مابطلبش حاجه صعبه
شوفوا كده المعصيه اللي هتسيبوها عشان ربنا ربنا هيديكوا بدلها ايه
تخيلوا كده ولله المثل الاعلي لو انت غلطت في حق والدك
ووالدتك بدل مايعاقبك لقيته بيخبط علي بابك يديك هديه تخيل انت ايه
حالك وايه خجلك
وقتها منه وانت غلط في حقه وعارف ان الغلطه دي تستحق العقوبه
ومع ذلك لقيته جايلك يديك هديه
تخيل انت بتعصي ربنا ليل نهار النعم بتاعته ومع ذلك مايسلبهاش منك
بل بالعكس بيسترك وقت المعصيه
ها ألم يأن ياشباب اننا نستحي من الله حق الحياء ونقدره حق قدره
وهو المنعم الستير
اختاروا ياشباب أي الفريقين تكونوا
وانا وضحت لكم الطريقين وعاقبه كل طريق
واي فريق فيهم احق بالامن...................
وانت بعد ماوضحت الطريقين ياعلي ومشيت فيهم هما الاتنين
دلوقتي هتمشي في اي طريق
انا مش هسيبك ابدا ترجع خطوه واحد
انت اسد ياعلي
فاكر لما قولتلي بعد الدرس انك خايف انك ماتكونش اتكلمت كويس
وانا قولتلك ذلك فضل الله يؤتيه من يشاء وقولتلك وقتها
انت هتكون مكان الحاج حسين
وقولتك مش شرط تشوف نتيجه عملك المهم انك ترمي البذور في
الارض وماتنتظرش الثمار والنتيجه دي من عند ربنا
بس احنا نعمل اللي علينا
انت لازم تكون عارف انت هتمشي في اي طريق حدد من دلوقتي ماتفضلش قاعد كده وقافل علي نفسك اوضتك




يتبع ان شاء الله










اللهم إنك تسمع وترى ولا يخفى عليك شىء من أمرنا،فاحفظ مصر يارب من كل سوء ومكروه
يا حى يا قيوم برحمتك نستغيييث أصلِح لنا شأننا كله
ولا تكلنا إلى أنفسنا طرفة عين
اللهم وَلِّ علينا الصالحين من عبادك
الرجوع الى أعلى الصفحة اذهب الى الأسفل
http://aocg.yoo7.com
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

الحلقة السادسة والثلاثون :: تعاليق

avatar
رد: الحلقة السادسة والثلاثون
مُساهمة في السبت 16 يوليو 2011, 9:18 pm من طرف عازفة لحن الرحيل
حلقه جميله وكلام روووووووعه
ثاااااااااااااااااااااااااااااااااااااانكس
 

الحلقة السادسة والثلاثون

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات طموح الجيل الحالي  :: القسم الادبي :: روايات وقصص :: انا مش ورقة!!!-
انتقل الى: