الحلقة العشرون
محمد:هو انت بجد في كلية ايه انت جاي تسمع الكلام اللي الحاج حسين كان بيقولك عليه!!!
طب كنت قولي وماتتعبش نفسك وانا ياسيدي اسجلهالك واجيبهالك لحد البيت
علي:على فكره يامحمد انت غلبتني معاك هو انت ليه مش بتسمعني لحد الاخرده برده عيب من عيوبك
محمد:هو انت هتقعد تعد عيوبي وللا ايه
علي:ايوه انت مش عايز تخطب اسماء ماانا لازم برده اعمل عليك حما
محمد:ايه ده انت وافقت ياعمي
علي:هههههههه احنا مع بعض 6 سنين هقيمك فيهم وهنشوف
اسمع بقى ومش كل حاجه تعلق عليها ارحمني شويه
محمد:خلاص ياعمي كمل
علي:ماشي ياسيدي انا اول ماقولت للحاج حسين انا قررت اني مادخلش تجارة....... لقيت
وشه اتغير وكأنه اتصدم صدمه كبيره اوي
الحاج حسين:انت بتقول ايه!!!!
علي:انا مش عايز ادخل تجارة انا هدخل حقوق ان شاء الله
الحاج حسين:بص يابني انت تروح دلوقتي تسلم علي اهلك وترتاح شويه ونتكلم بعدين
علي:ليه كده........
الحاج حسين:اسمع بس يابني الكلام .........انا مستنيك ماتقلقش يلا انت بس عشان اهلك يطمنوا عليك
علي : انا لما روحت البيت
اهلي اول ماشافوني حسوا اني اتغيرت وكلهم كانوا مستغربين وحاسين اني مش علي اللي كانوا يعرفوه قبل كده
محمد:ليه يعني
علي:اصلي اول مرة ادخل عليهم واقبل اديهم واقولوهم بجد وحشتوني كلكوا حسوا اني
اول مره اكلمهم بحب
كلهم طبعا كانوا مستغربين هو حصله ايه خد ادويه بر والدين وحسن اخلاق هناك وللاايه
محمد:هي الحاجات دي بتتاخد ازاي حقن وللا شراب وللااقراص ..........قولي جايز الدوا ده ينفع معايا
علي:لا يامحمد مش ادوية
انا لما كنت في السعودية
كنت بمرر القراءن اللي بسمعه واقراءه علي قلبي زي ماالحاج حسين قالي
انا حسيت اني اول مره اسمع قراءن واحس قرءان
محمد:يعني هو دا الدوا
علي:بص يامحمد ياحبيبي
القراءن ياحبيبي ده كله شفاء وهدي
بسم الله الرحمن الرحيم
يَا
أَيُّهَا النَّاسُ قَدْ جَاءَتْكُمْ مَوْعِظَةٌ مِنْ رَبِّكُمْ وَشِفَاءٌ
لِمَا فِي الصُّدُورِ وَهُدًى وَرَحْمَةٌ لِلْمُؤْمِنِينَ (57)سورة يونس
محمد:سبحان الله
علي:انا في السعوديه حسيت اني كنت في غفله انا كنت فين من كل ده....... سبحان الملك
انا كنت فين من القراءن
حسيت اني كنت بعيد اوي حسيت ان ربنا رحيم وكريم اوي معايا
والله يامحمد انا حسيت اني اول مره يكون عندي قلب واذان
انا مكنتش عايش عشان كده زي ماقولتلك انا بحس اوي بمعني الاية دي.......... انا قولتلك عليها قبل كده
محمد:لا مش فاكر بصراحه
علي: بسم الله الرحمن الرحيم
أَوَمَنْ
كَانَ مَيْتاً فَأَحْيَيْنَاهُ وَجَعَلْنَا لَهُ نُوراً يَمْشِي بِهِ فِي
النَّاسِ كَمَنْ مَثَلُهُ فِي الظُّلُمَاتِ لَيْسَ بِخَارِجٍ مِنْهَا
كَذَلِكَ زُيِّنَ لِلْكَافِرِينَ مَا كَانُوا يَعْمَلُونَ (122)الأنعام
محمد:اه افتكرتها
علي:انا بجد حاسس اني كنت ميت وربنا احياني...سبحان
من يحيي الموتي
يعني انت يامحمد عمرك ماتعرف قيمه النور واهميته بجد الالما تتغير
زي ماتكون كده قاعد في اوضه ضلمه وقافل على نفسك وتحس ان ده
طبيعي وكل الكون اصلا منور من حواليك بس انت اللي مش شايف لانك
في ضلمه
ولما ربنا يأذن وتخرج للنور هتعرف اد ايه الضلمه اللي انت كنت
عايش فيها دي كانت وحشه اوي
وتعرف اهميه النور
يعني ربنا ينورلك طريقك عشان تعرف تمشي سبحان الله انت تعرف
تمشي في الضلمه يامحمد
محمد:لا طبعا ولو مشيت اكيد هقع
علي:سبحان الله انا بقى كنت في ضلمه ووقعت كتير لحد ماربنا
طلعني منها فالله الحمد
والله يامحمد عمر ماالضلمه تتساوي بالنور
محمد:طب وانت ايه اللي خلاك تتغير مع اهلك مع اني اعرف ان كانت
علاقتك بيهم مش مظبطه انا فاكر انك كنت قولتلي قبل كده انك حاسس
انك يتيم
يتبع ان شاء الله
