الحلقة الثالثة والعشرون
الحاج حسين:انت مش عايز تدخل تجارة ليه
علي:حضرتك عارف
الحاج حسين:عشان سها
علي:هو ده مش سبب كافي
الحاج حسين:هو سبب بس هو انت هتدخل كليه مفهاش بنات يعني........... اه انت منزلتش الجامعه قبل كده
بس يابني فاكر العنايه المركزه اللي كلمتك عليها
علي:ايوه فاكر
الحاج حسين:فاكر لما قولتلك انك ممنوع من اي زيارات انت بقي لازم تخرج من العنايه دي وتستمر في الادويه والمتابعه
انت هتخرج للناس وهتتعامل معاهم بس...
علي:بس ايه......
الحاج حسين:انت لازم تخرج من العنايه المركزه بجهاز استقبال شغال 24 ساعه
علي:جهاز استقبال
الحاج حسين:اه الجهاز ده شغال 24 ساعه ترجمه صحيحه لرسايل ربنا
كل حاجه تحصلك وكل رساله توصلك لازم يبقي لها ترجمه صح ماشي
مايبقاش جهاز استقبال زي قلته
يعني مثلا لما واحد تحصله مشكله في حياته
مثلا ضيق في الرزق او فشل مثلا في دراسته او موت احد احبابه
تلاقيه قلبه اتحول للاسباب نسي اهم حاجه
يعني بدل مايدور علي السبب الاساسي تلاقيه مهتم بالفروع
يعني زي ما سها قالتلك عن وفاه محمود كده هتلاقيه كان تعبان
وتنسي اني دي رساله من ربنا بتقولها فوقي ممكن انت اللي تبقي مكانه
وتلاقي اللي عنده ضيق رزق او مشكله في دراسته هو اصلا عنده مشكله في
حياته هي اصل المشكله ممكن تلاقيه مثلا مضيع الصلاة ومضيع حق ربنا
بس هو مهتم بالفرع شايف المشكله وناسي اهم سبب للمشكله
عشان كده.......انا عايزك تكون دكتور شاطر
علي:هو انا هدخل طب
الحاج حسين:انا قصدي دكتور قلب شاطر
عندك جهاز حساس لقياس اي ضعف ولو بسيط في الالتزام
يعني اي تفريط لازم تكتشفه بدري وتعالجه
علي:تفريط في ايه
الحاج حسين:في اي حاجه
يعني مثلا تلاقي واحد كان ملتزم بحضور الدروس والعلم وبعد فتره تلاقيه
يكسل ويقول خلاص انا مش لاقي وقت انا ممكن اسمع في البيت
وتلاقي الاخ من دول ملتحي ومقصر وبعد فتره يبدا بالتفريط شويه بشويه
ماهو يعني الشيطان مش فجاه هيقوله احلق لحيتك وارجع للبسك القديم
الموضوع بيبتدي خطوه بخطوه زي ماربنا قال سبحان الله
بسم الله الرحمن الرحيم
يَا
أَيُّهَا الَّذِينَ آمَنُوا لا تَتَّبِعُوا خُطُوَاتِ الشَّيْطَانِ وَمَنْ
يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءِ
وَالْمُنْكَرِ وَلَوْلا فَضْلُ اللَّهِ عَلَيْكُمْ وَرَحْمَتُهُ مَا زَكَا
مِنْكُمْ مِنْ أَحَدٍ أَبَداً وَلَكِنَّ اللَّهَ يُزَكِّي مَنْ يَشَاءُ
وَاللَّهُ سَمِيعٌ عَلِيمٌ (21)
هيبدا يفرط ويمشي ورا الشيطان خطوه بخطوه يقول انا لبسي ده غريب بين اصحابي وشكلي غريب
مالها
الملابس الي كنت بلبسها قبل كده خلاص انا ارجع لملابسي القديمه بتاعه زمان
حتي مايبقاش شكلي غريب وسط اصحابي واقرب منهم وادعيهم لربنا
انا مش عارف بدعيهم لايه وهو بيفرط اصلا وبيقع خلاص
وبعد مايطول البنطلون
الشيطان طبعا مش هيسيبه في حاله
هيبدا يقول واللحيه دي كمان لسه محسساك بالغربه قصرها شويه
وطبعا هو اول مايحط ايده عليها خلاص انسى
هتلاقيه بعد كده.....الله المستعان ربنا يثبتنا
وبنت تلاقيها بفضل الله لابسه الخمار والحجاب الشرعي
وبعد فتره تلاقيها تفرط في الحجاب شويه بشويه وتقولك الموضه بقي والكليه والناس ووو
بعد
الخمار تلاقيها تلبس طرحه طويله وتلفها وتقول دي اشيك من الخمار والمسكينه
مش عارفه انها خلاص فرطت وبعد فتره هتلاقيها لابسه طرحه عاديه ولبس عادي
والامور كلها تبقي عادي في عادي
عشان كده انا عايزك اول ماتحس باي ذره تفريط تلحق نفسك لانك لو سبتها هتوقعك خالص وتجيبك الارض
وبرضه المعاصي بتاعه زمان تطلع عنده وتظهر شويه بشويه
الاغاني والتلفزيون والافلام
يعني مثلا فيلم او اغنيه كان بيحبها
تلاقيها لومرت بيه تفكره بايام زمان وتلاقيه يقول ياااااااا هو انا عملت في نفسي كده ليه وتلاقيه يبدا يحن لايام زمان
وتلاقيه يقول انا هتفرج علي التلفزيون ولو جت اغنيه او اي منظر ماينفعش اشوفه هقوم او اسكت الصوت على ما المشهد او الاغنيه دي تخلص
فاهم ياعلي
علي:فاهم
الحاج حسين:زي
ماقلتلك لازم تكون عندك مناعه ايمانيه وجهاز حساس لاي ضعف في الالتزام انا
كل كلمه قولتهالك لازم تكون محفوره في قلبك وعاقلك ماشي
لازم يبقي شعار حياتك سمعنا واطعنا ماشي يابني
كل كلمه تسمعها مني لازم تنفذها
مش عايزك تمشي بمبدا سمعنا وسمعنا وسمعنا
طب والتنفيذ والطاعه امتي
لان زي ماقولتلك قبل كده الوقايه خير من العلاج
ولو حصل والاعراض ظهرت لازم تتعالج بدري
لان كل مالعلاج كان بدري كانت المضاعفات والمخاطر اقل
علي:ممكن توضح اكتر انا مش فاهم
محمد:كويس كويس
علي:هو ايه اللي كويس
محمد:انك مش فاهم عشان مايبقاش حد احسن من حد وتقعد تتريق عليا
علي:الله يهديك يامحمد
محمد:بركاتك ياشيخ علوة كمل كمل
علي:ماشي ياسيدي
الحاج حسين:بص ياحبيبي
الدكتور الشاطر اللي يحط ايده علي المرض الصح ويبدا في العلاج بدري
يعني مثلا مريض يجي للدكتور يشتيكيله عندي صداع وبسخن وبطني بتوجعني وووووو
تلاقي بقي الدكتور الخايب يقعد يعالج الاعراض يهمل اصل المرض وده طبعا هيدخل المريض في مشاكل هو في غني عنها
يعني تلاقي اصلا ان المريض عنده سرطان وهو مش حاسس هو حاسس بس بالاعراض والدكتور ماشي ورا المريض وناسي المصيبه دي
وده طبعا حالنا تلاقي قلبك بايظ وتعبان وبيشتكي بس انت ولا انت هنا
يعني قصدي اي مشكله تحصلك في حياتك دور علي الاصل ماتهتمش بالمشكله وتنسي السبب الاساسي للمشكله
يبقي اتفقنا
علي:علي ايه
الحاج حسين:انك تخرج من العنايه المركزه بالحاجات دي والحاجات دي لازم لها شحن مستمر
اول حاجه
مناعه ايمانيه قويه ضد المعاصي والذنوب
تاني حاجه
جهاز استقبال شغال 24 ساعه
تالت حاجه
جهاز حساس لقياس اي ضعف و لو بسيط في التزامك لان الوقايه خير من العلاج
رابع حاجه
تكون دكتور شاطر تحط ايدك علي المرض الاصلي وتبدا في العلاج بدري في اقرب فرصه
خامس حاجه
الستاره
علي:ايه الستاره دي وازاي اشحنهم شحن مستمر
محمد:انا مبقيتش فاهم حاجه ستاره ايه وشحن ايه ودكتور ايه وانت في تجارة وللا لا وهو ليه زعلان اوي كده انك مش عايز تدخل تجارة دا المفروض يفرح
يتبع ان شاء الله
