الحلقة الرابعة والعشرون
علي:بص يامحمد عشان تستريح انا معاك في تجارة
محمد:ياراجل اخيرا ريحتنني
بص انت ياعلي بصراحه كده انا اول يوم شوفتك فيه في الكليه وانا حاسس انك
مش علي اللي كنت اعرفه قبل كده وقاعد تحكيلي في كلام .....
ومش عارف بصراحه هو الكلام اللي كبير وللا انا اللي مبفهمش مش عارف...وصحيح
ايه بقي حكايه الستاره والشحن
علي:بص يامحمد ياحبيبي انت هتفهم وهتحس كل حاجه وهتعرف وتعيش كل كلمه قولتهالك المهم النهارده يوم الخميس
محمد::رجعنا للالغاز تاني...... يعني ايه يعني النهارده يوم الخميس .............اااااااه
فهمت قصدك يعني سهره يوم الخميس بقي وفسح يوم الخميس والذي منه
علي:هو ايه ده الذي منه بص يامحمد الحاج حسين بيدي كل يوم خميس درس في الجامع بعد العصر وانا عايز اعرفك عليه
محمد:بجد والله....... لا ياعم روح اسمع انت وابقي تعالي قولي..... وبعدين هو مش قطعني قبل كده لاحسن يضربني المره دي... انا النهارده عايز اتفسح واخرج من جو الكليه الكئيب ده...... روح انت ياعم الله يهديك انا خايف منه
علي:اسمعني بس ده هيحبك اوي والله
محمد:اسمع ايه...... انا قولت اللي عندي
علي:داانا هعزمك علي الفطار مع انك مش صايم بس مش مشكله الاتنين الجاي تكون صايم
محمد:هو انت هتعملي فيها الحاج حسين
علي:انا .......طب ياريت اكون ربع وللا حتي تمن الحاج حسين
محمد:ايوه ياعم البقال المهم انت هتفطرني ايه النهارده
علي:انا عارف انك علي طول همك علي بطنك تعالي الاول الدرس وبعدين نشوف موضوع الاكل ده
محمد:لا نتفق علي الاكل الاول
علي:هههههههه ماشي ياسيدي عايز تاكل ايه
محمد:اللي تحبه مش من اول مره كده هشرط
علي:ليه هو انا هعزمك كل اتنين وخميس وللا ايه
محمد:اهو كله بثوابه
علي:اه بس انت كفايه عليه في الكليه مش كمان اخدك البيت
محمد:ههههههههه لا ياعم وكمان هنبقي نسايب
علي:وماله مايضرش برضه..... المهم اتصل بيهم في البيت عشان هنروح الجامع بعد الكليه
محمد:هو ايه ده
علي: هو انت مابتفهمش وكمان بتنسي ومابتسمعش ......ايه ده ارحمني
محمد:يعني بلاش اهزر
علي:هزر بس ماتنرفزنيش
محمد:خلاص ياسيدي هاجي معاك خلاص ماتزعلش
وبعد الانتهاء من الدرس
الحاج حسين:ازيك ياعلي وحشتني اوي ايه اخبار الكليه...... ده صاحبك محمد
علي:الحمد لله رب العالمين ايوه ده محمد
الحاج حسين:انت بقي محمد
محمد:في سره هو هيضربني وللا ايه ..... ربنا يستر...... ومحمد بصوت متقطع ايوه انا محمد
الحاج حسين:ازيك ياحبيبي ايه اخبارك
ويحضن الحاج حسين محمد وكأنه ابنه التاني بعد علي
محمد:في سره حبيبك هو انت بتحب كل الناس كده....الحمد لله انا كويس
الحاج حسين:الحمد لله يابني اتمني اشوفك هنا علي طول
محمد:كل خميس طب وووووو
الحاج حسين:ووو ايه
محمد:لا ولا حاجه ابدا
وياذن المغرب
الله اكبر الله اكبر
ويقدم علي التمر للحاج حسين ومحمد
محمد:ياخد علي على جنب هو ده الفطار لا انت بتضحك عليه انا مش هاجي تاني
علي:اصبر يامحمد السنه انك تفطر على تمر وبعد الصلاه هاخدك البيت وربنا يستر ومتاكلنيش في الطريق
محمد:لا مش للدرجه دي
وبعد انتهاء الصلاه
الحاج حسين:علي تعالي عايز اقولك حاجه
علي:ايوه ياحاج حسين
الحاج حسين:بكره ان شاء الله هنروح مشوار مهم
علي:مشوار ايه
الحاج حسين:هتعرف بكره ان شاء الله
علي:هعرف بكره طب اجيب محمد معانا
الحاج حسين:لا بلاش محمد دلوقتي هستناك بكره بعد صلاه الجمعه ماتنساش
علي:ان شاء الله
وبعد انتهاء الصلاه وخروج محمد وعلي من المسجد متجهين لبيت علي
محمد:هو الحاج حسين كان بيقولك ايه
علي: كان بيقولي اننا بكره هنروح مشورا مهم
محمد:مشوار ايه ده
علي:ياريتني اعرف كنت قولتلك
محمد:اااااااااه تاهت ولقيناها
علي:هي ايه دي
محمد:وبتقولي اني مابفهمش اكيد الحاج حسين هياخدك لسها
علي:هههههههههه سها مين انسي بقي
محمد:طب بكره تقول محمد قالي مش بعيد كمان يجيبلك الشبكه هديه ماتاخدني معاك
علي:لا هو قالي بلاش محمد
محمد:انا مش عارف الراجل ده ماله ومالي امال بيحبني ايه
علي:هو انت ماتعرفش تسكت شويه سيبني افكر
محمد:تفكر ايه احنا وصلنا البيت اهو وللا انت رجعت في كلامك
علي:لا ياعم ازاي
ويدخل علي ومحمد البيت وترحب والده علي بمحمد
ويدخل علي ومحمد الحجرة
محمد:بص انت الاتنين الجاي ان شاء الله تقول لمامتك تعملي سمك اصلي بحبه قوي
علي:محمد ارحمني واسكت شويه انا قلقان من مشوار بكره ده
محمد:قلقان ايه ياعم داانا هتصل اباركلك بكره .....بكره تقول محمد قالي
المهم ايه موضوع الشحن والستاره مش هتقولي بقي
علي::بص ياسيدي بالنسبه للشحن ده اللي كان النهارده
محمد:ايه ده هو ده بقي الشحن
ههههههههه الشحن فراخ ياسلام والمره الجايه سمك دمك خفيف ياعلوة
علي:محمد
محمد:نعم ياعلوة
علي:امشي اطلع بره وماتورنيش وشك تاني
محمد:طب مش هتعزمني حتي على الخطوبه هجيبلك هديه والله وانا جاي
علي:امشي امشي من وشي جبتلي الضغط
انا هتصل بباك يعملك اختبار لنسبه الذكاء
محمد:هههههههه ايوه ايوه انت عايز تطمن علي اولاد اختك
علي:ياااااااااارب ارحمني
يتبع ان شاء الله
