الحلقة الاخيرة(انا مش ورقة)
بعد خروج علي من الكليه
علي :انا امد لها ايدي عشان تقرب من ربنا مااكيد هنغرق سوا
هو احنا هنقرب لربنا بالمعاصي
اللي عايز يقرب من ربنا يختار الطريق الصح
مش يمشي في طريق ضلمه ويقول اكيد هوصل دا يبقي كده بيضحك علي
نفسه
انا بعد القرب ده ارجع تاني اعصي ربنا
وحب ايه اللي لسه بحبهلها
انا خلاص عرفت حب الرحمن
قلبي بقي ليه هو وبس
هي ضايعه اه انا عارف ربنا يهديها للخير
بس انا مش ممكن امد لها ايدي هي هتغرقني تاني لو رجعت اتكلم معاها
اه اكيد الحاج حسين قالي كده ماتقربش من النار وتقول انا مش هتحرق
وماتقربش من المعاصي وتقول غرضي طاعه ربنا لا مفيش حاجه اسمها كده
ياااااااه انا صعبان عليا اوي كل واحد بعيد عن ربنا
ربنا يعيني اني اخد بايديهم واقولهم الطريق من هنا
وسها ربنا يسخر لها الاخوات اللي يقربوها من ربنا وينوروا طريقها
ربنا بعت لكل واحد فينا رسايل كتير زي ماالحاج حسين قال
بس احنا اللي بنترجم غلط او مبنفتحش الرساله اصلا
ياااه كام واحد كلمنا عن الالتزام واحنا بنسد ودانا عنه
كام داعي قال الطريق من هنا واحنا بعدنا عنه
انا بحبك اوي يارب ومقدرش ابعد عنك
ايه ده الهدايا والجوابات انا لسه فعلا متخلصتش منهم
ياه دول لسه في بيت الحاج حسين
ويذهب علي لمنزل الحاج حسين
علي: السلام عليكم ورحمه الله وبركاته ازيك ياامي ايه اخبارك
زوجه الحاج حسين: وعليكم السلام ورحمه الله وبركاته
الحمد لله يابني ازيك عامل ايه
علي :الحمد لله بخير
انا عارف ان الوقت مش مناسب بس انا محتاج الشنطه اللي كنت جايبها للحاج حسين قبل كده
زوجه الحاج حسين:لا يابني ابدا مفيش حاجه ثواني وتكون عندك
اتفضل يابني الشنطه اهي لو كنت اعرف بيتك كنت وصلتهالك من زمان
علي:لا ابدا ياامي ماتتعبيش نفسك
حضرتك مش محتاجه اي حاجه
زوجه الحاج حسين:جزاك الله كل خير يابني
علي:السلام عليكم ورحمه الله وبركاته
زوجه الحاج حسين:وعليكم السلام ورحمه الله وبركاته الله يرضي عنك
يابني
وياخد علي الشنطه وينزل
علي:ياتري اعمل ايه دلوقتي في الحاجات دي
اروح بيها فين واتصرف فيها ازاي
اعمل ايه دلوقتي
الله اكبر الله اكبر
ويروح علي لاول مره بعد وفاة الحاج حسين المسجد اللي كانوا
بيصلوا فيه مع بعض
وبعد انتهاءه من اداء الصلاة ينظر في كل جوانب المسجد
ويفتكر كل كلام الحاج حسين معاه واد ايه كان بيحبه
ياااااه انا كنت تايه انا كنت ميت وانا بعيد عنك يارب
ياااااه فعلا اي الفريقين احق بالامن
مين اللي يستحق قلبي ومين يستحق حبي غيرك يارب
من غيرك يارب نورلي طريقي وبعتلي الحاج حسين يقولي الطريق من هنا
انا لو مش هخاف وانا بعصيك يارب هخاف من ايه تاني
انا اكلم سها تاني وارمي نفسي في بحر المعصيه ليه
وعشان ايه
ازاي ابدل نعم ربنا بالمعاصي دي
اللهم اني اعوذ بك من الزلة
يامقلب القلوب ثبت قلبي علي دينك
ويخرج علي من المسجد ويروح لمكان يحرق فيه كل الهدايا وكل الجوابات
يحرقها قبل مايتحرق بالذنوب والمعاصي دي يوم القيامه
انا خلاص بقي قلبي كله لله
انا مش ورقه.....ايوه انا مش ورقه وعمري ماهكون في يوم ورقه
ويروح علي لقبر الحاج حسين
السلام عليكم أهل الديار من المؤمنين والمسلمين ، وإنا إن شاء
الله بكم لاحقون نسأل الله لنا ولكم العافية
انا مش ورقه زي ماانت كنت بتوصينا بعد كل درس وتقول
الملتزمين كتير بس عند الفتن في ملتزم بيبقي جبل ثابت اي
حاجه
متأثرش فيه
جبل ثابت ولو كل اللي حواليه اتهز ووقع هو ثابت بالايمان
وفيه ملتزم يبقي ورقه اي حاجه ولو بسيطه تطيره وتوقعه علي الارض
ووقتها هيداس عليه
ملتزم ورقه اي حاجه تقطعه وتدمره
اي فتنه ولو بسيطه توقع قلبه وتجيبه الارض
سهل ا نك تقول انا ملتزم
بس الصعب انك تبقي جبل
انت ربيت فيه ازاي اكون جبل ثابت
وانا مش هضيع تعبك ابدا
انا خلاص كل حاجه هتبعدني عن ربنا هسيبها وهحرقها
كل حاجه هتفكرني بذنوب زمان هبعد عنها
ايوه انا مش ورقه
انا مش ورقه ياحاج حسين
انا مش ورقه ياسها
انا مش ورقه لاي حاجه هتبعدني عن طريق ربنا
ويخرج علي من المقابر
ويروح البيت
علي:السلام عليكم ورحمه الله وبركاته
والده علي:وعليكم السلام ورحمه الله وبركاته مبارك ياحبيبي انت كنت فين
محمد اتصل بيك كان قلقان عليك انت قافل موبايلك ليه
علي:الله يبارك فيكي انا هتصل بيه دلوقتي اطمنه عليا
علي:السلام عليكم ورحمه الله وبركاته
محمد:وعليكم السلام ورحمه الله وبركاته
انت كنت فين يابني كل ده وعملت ايه مع سها
علي:هحكيلك بعدين المهم انا عايز افرحك بحاجه
عايزين الفرحه تبقي فرحتين
محمد:هتخطب سها
علي:يابني شيل سها من دماغك الله يهديك ويهدينا
محمد:ليه كده يابني ممكن تلتزم انا عايز افرح بيك بقي
علي:هههههههههه انا ابنك ياولدي وللا ايه خليك في نفسك
محمد:الحق عليا
علي:انا عايز اعزمك علي خطوبه اسماء
محمد:نعم وهي دي الفرحه اللي هتبقي فرحتين لا بجد ادخلت علي قلبي
السرور
علي:يابني الفرح مش هينفع من غيرك
محمد:ليه انا الكهربا وللا الشربات اللي هتوزعوه
علي:هههههههههههههه لا انت اللي امك داعيه عليك
محمد:هههههههه خفه يلاياعم مبارك عليكوا
علي:يابني استني بس انا مش بقولك امك داعيه عليك معناها ايه
دي
محمد:معناها ايه
علي:معناها ان انت العريس ياغبي
محمد:انت بتتكلم بجد ياعمي
علي:عمك ههههههههه يلا انا هستناكوا
محمد:انت بتتكلم بجد
علي:انا ههزر معاك ياولد
محمد:طب هي موافقه
علي:ياسيدي هخليها تعصر علي نفسها كيلو لمون
محمد:ههههههههه ليه هي تطول
علي:هتخليني اغضب عليك ياولد وارجع في كلامي
محمد:لا خلاص انا هكلم ابويا وامي وثواني ونكون عندكوا
وتنتهي الكليه ويصبح علي المحاسب الداعيه وكذلك محمد
ويتزوج محمد من اسماء ويرزق منها بعلي
محمد:انت يابني مش ناوي تتزوج بقي
علي:يابني متشغلش نفسك بيا خليك في نفسك وبطل لماضه شويه
محمد:الحق عليا بفكر فيك خايف تبقي عانس
هو ينفع لفظ عانس يطلق علي الرجال ههههههههههه
علي:عانس في عينك
انا يعني لما افكر في الزواج هستشيرك ليه هههههههه
محمد:انا هقولك لاختك اسماء تدورلك علي عروسه
علي:ابعد عني بس انت واسماء وانا هبقي كويس صحيح ماجمع الا اما وفق
انا مصدقت خلصت منكوا كمان عايزين تنقوا العروسه واصطبح بوشها
ليل نهار
لا انا مش عايز حاجه من طرفكوا هههههههههههههه
سيبوني في حالي ربنا هيبعتلي زوجه في الوقت المناسب
اهم حاجه يابني خليك جبل وماتكونش ورقه ياابو علي
محمد:حلوه ياابو علي دي
هههههههههههه ورقه هههههههههههه ماشي ياسي كشكول
وقريب اقولك ياابو محمد
علي:ههههههههههههه ابو محمد
الله المستعان
تمت بحمدالله
